رواية عودة الحب الفصل العاشر 10 - بقلم رودي سامي

وقفنا المرة اللي فاتت عند ميرا وهي بتقول في نفسها: (رجالة متجيش غير بالعين الحمراء ولسه يا اسلام هجيبك راقع تحت رجلي وتقولي حقك عليا) نروح عند اسلام وهو خارج من أوضة ميرا وهو بيبرطم بالكلام. أسماء بصدمة: إيه يا اسلام يا حبيبي، إنت اتجننت ولا إيه؟ بتكلم نفسك! اسلام بغيظ من ميرا: هي بنت أخوكي ملموسة ولا إيه؟ أنا بسأل ليه، هي أكيد ملموسة، مش واحدة عاقلة أبداً. أسماء بتضحك على كلامه وفي سرها: البت جننت الواد ولا إيه؟

عند هدير ولين، كانوا خلصوا المحاضرة. جت واحدة بتصفر وهي بتقول بابتسامة مصطنعة: إزيك يا هدير إنتِ ولين؟ هدير من غير نفس: كويسة يا رحاب، وإنتي عاملة إيه؟ رحاب بحب مصطنع: أنا الحمد لله كويسة. لين بضيق عشان عارفة إن رحاب بتحب حازم: مِلا، هدير، عشان خطيبي مستنيني بره. رحاب بفرحة في نفسها: Yes، شكلها اتخطبت، يعني حازم بقى في ملعبي دلوقتي. رحاب بشماتة لأنها عارفة إن لين بتحب حازم: إيه ده، إنتي اتخطبتي؟ مبروك يا قلبي.

لين بابتسامة مصطنعة: آه يا روحي، عقبالك إنتِ كمان. وكملت بشماتة: على فكرة العريس إنتِ تعرفيه. رحاب باستغراب: أعرفه؟ أعرف مين؟ يكونش حد قريب؟ لين بسخرية: وأنا يوم لما اتخطب، أخطب من عندك إنتِ؟ عبيطة؟ رحاب لسه هتتكلم، قاطعتهم هدير: خلاص بقى يا جماعة، صلوا على النبي. لين ورحاب: عليه أفضل الصلاة والسلام. هدير كملت كلامها: يلا يا لين عشان كريم هو خطيبي. لين قاطعتها بسرعة: وخطيبها، يلا. وبصت لهدير بتحذير. ومشوا. هدير:

ليه ما خلتنيش أقول اسم حازم؟ لين: عايزها لما تشوفنا بره تتفرس. هدير بضحك: ده إبليس يترعب من كده. لين ضحكت وخرجوا هما الاتنين بره. ورحاب وشلتها وراهم عندهم فضول يعرفوا مين خطيب لين. عند هدير ولين، خرجوا لقوا حازم وكريم ساندين على العربيات بتاعتهم. لين بفرحة قربت من حازم. لين بحب: وحشتني أوي. حازم استغربها بس حس إنها بتغيظ حد، وبص لقى رحاب وشلتها، ففهم. حازم: وإنتي كمان يا روحي وحشتني أوي.

(طبعاً يا جماعة لين سمعت رحاب وهي بتقول لصاحبتها إنها بتحب حازم، فا كان في الوقت ده حازم ولين اتخطبوا، وراحت اتخانقت مع حازم، ساعدها، قال لها إنه مش بيحب هدير وبيحبها هي، فا عشان كده) عند هدير وكريم: كريم بابتسامة: روحي يا قلبي وحشتيني موت موت. هدير بمرح وهي بتقلدو: وحشتك موت موت نينينينينينيك. كريم بتكشيرة: مفيش كلمة، وإنتِ كمان وحشتيني. أي حاجة، أي دبش، يخربيتك. هدير بصدمة: عايز بيتي يتخرب يا كريم؟

آه طبعاً، ما إنت صايع وعايز بيتي يتخرب. وبصتله وقالتله بس بعينك، هفضل على قلبك. كريم بضحك على المجنونة بتاعته: اركبي يا أختي، اركبي، هتشليني. عند رحاب وشلتها، اتصدموا لما لقوا خطيب لين هو حازم اللي رحاب بتحبه. وصاحبت رحاب مش هتكتب اسمها لأنها مش هتظهر تاني. صاحبتها: يا نهار أسود، هو دكتور حازم خطيبها؟ رحاب كل ده في صدمة. وليد بترقية وهو بيقلد رحاب: لا يا بني، بيحبني، إنت مش بتشوف بيفضل مركز معايا إزاي؟

هو أكيد هيجي يعترف. رحاب بحدة: بس يا وليد. وليد بسخرية: لا مش هستكت، لازم تعرف إن حازم مش ليها من الأول. يلا سلام. الشلة كلها: استنى، هنمشي معاك. ومشوا. الشلة متبقيش غير رحاب وسها (سها دي صاحبة رحاب الانتيم يا جماعة) سها: يلا يا رحاب، يلا يا قلبي. رحاب بصدمة: إزاي؟ إزاي حازم يخطب غيري أنا؟ اتخيلته جوزي وأبو عيالي. وكملت بتوعد وشر وحقد: ولهي مش هسيب لين تتهنى في حياتها وهدمرلها حياتها، ومش هبقى رحاب لو معملتش كده.

عند كارما وعمر، راح عمر ياخد كارما من الكلية. شافها واقفة مع شاب وبتضحك. قرب منهم بغيرة. عمر: إيه ده؟ مش تعرفيني مين ده يا ست هانم؟ كارما بفزع وصدمة: إيه ده يا عمر؟ واطي صوتك. عمر بيجز على سنانه: روحي استنيني في العربية. وكمل بزعيق: يلا. اتنفضت كارما ومشيت وهي بتعيط. عمر بشر: قولي بقى إنت اسمك إيه وعايز إيه من كارما. الواد بخوف من شكل عمر قال بتوتر: اسمي... عمر بحدة: إيه؟ إنت هتقطع نطنطا؟ فزع الواد وقال بخوف:

اسمي محمود. عمر وهو بيقرب منه وضربو بوكس 👊: إنت تعرف لو قربت من كارما تاني هقتلك. سامع ولا لأ؟ محمود بخوف شديد: سامع، سامع. زعقو عمر على الأرض ومشي وسابه وركب العربية. كارما باندفاع: عمر، والله معرفوش، كنا بنتعرف عادي. عمر بعصبية: وهو في تعارف بين البنت والشاب؟ إيه؟ إنتِ ما اختشيش؟ محدش قالك إني حرام تصاحبي أو تكلمي ولد مش من محرمك؟ طالما مش أخوكي ولا أبوكي ولا حتى قريبك، متكلموش. إيه؟ ما اختشيش؟ كل ده. كارما:

لا، اختش. عمر بغيظ: طالما اختش، وقفتي تتكلمي معاهم ليه؟ مردتش كارما وده غاظه أكتر واتحرك بالعربية بسرعة. كارما بصريخ: هيعمل حادثة يا عمر. عمر هدي السرعة شوية وكمل سواقة. يتبع…