رواية عوض المعتصم الفصل الأول 1 - بقلم رحمة أيمن

معتصم: يعني إيه اتجوز واحدة مطلقة؟ إلهام: دي مش واحدة، دي بنت اختي الله يرحمها. معتصم: أنا تحت أمرك في أي حاجة عشان انتي في الأول والآخر أمي، إنما حياتي الشخصية محدش له دعوة بيها. إلهام: عارفة إنك معتصم ابن أحمد باشا الجدواني، بس افتكر إنك ابني ولازم تسمع كلامي.

معتصم: بدل ما انتي عارفة إنّي معتصم ابن أحمد باشا اللي بتقولي عليه ده، كان مفروض تعرفي إن كلامك مش مهم عندي، ومش أنا اللي أتجوز واحدة غصب عني. عن إذنك يا مـ... هه، يا إلهام هانم. معتصم شاب عنده 29 سنة، ماسك الرئاسة في شراكات ومصانع الجدواني جوه مصر. طويل وعريض، أبيض وله دقن خفيف أسود وشعره أسود غامق مرفوع وعينه عسلي فاتح. مغرور وبيكره صنف البنات كلهم. قاعد في فيلا لوحده بعيد عن أهله. الخادمة: القهوة يا هانم.

إلهام: شيلي أي حاجة من وشي دلوقتي، مش قادرة. الخادمة: البيه جه تاني. إلهام: امم، خرج عن طوعي يا سيدة، وأبوه السبب هو اللي بعده عني وخلاه يتخلى عني. الخادمة: أحمد باشا عمره ما يعمل كده يا هانم، انتوا آه مطلّقين من 10 سنين، بس عمره ما بعد ابنك عنك. إلهام: جرى إيه يا سيدة، انتي بتأخدي وتدي معايا في الكلام ليه؟ اعرفي انتي بتتعاملي مع مين. الخادمة بتوتر: أنا آسفة يا هانم.

فهد: مالك يا شريك، من ساعة ما دخلت وانت قالب الترابيزة على الكل. معتصم: مفيش، جبت ورق الاجتماع والمشروعات القديمة. فهد: كله في السليم. معتصم: نادِ علاء وانت جي. فهد: طيب، بزمتك في حد يجيب سكرتير للمكتب؟ في سكرتيرة طويلة موزة قمر تفتح نفسنا على الشغل، إنما أنت قفل. معتصم: فهد، اقفل الباب وراك. فهد: سلاااام يا باشا، متنساش الميعاد. معتصم: ...

فهد خالد العمري 28 سنة، شريك معتصم في الشركة وهما كبروها سوا. أبوه راجل أعمال كبير زي أحمد أبو معتصم، بس قرر يكون مع صحبه ويفتحوا شركة الجدواني سوا، وعنده أكتر أسهم الشركة بعد معتصم. فرفوش وبيحب الهزار وبتاع بنات، وبيحب واحدة بس في قلبه وهي صديقة الطفولة. عيونه ملونة وأشقر سيكا وبيحب معتصم جداً. في بيت النواري... رحمة: "بدموع" مش عايزة يا جدو، مش عايزة. جدو: ده مش قرارك يا بنت محمد، ده قرار الكبار.

رحمة بخوف: أنا لسه مطلقة من شهرين بس! مينفعش. جدو: اومال عايزة تقعدي في خلقتي؟ ولإنك بنت الغالي اللي راح، ما كنتش دخلتك البيت ده تاني. رحمة: بس هو اللي طلقني يا جدو، أنا مليش ذنب. جدو: أنا مليش دعوة، طلقك ولا لأ، أنا ليا دعوة إن أسهم الشركة اتضررت عندي لما سحب نفسه، وده كله بسببك. رحمة: ...

جدو: أنا هتكلم مع خالتك إلهام تاني، لو ابنها وافق يبقى خير وبركة. لازم الأسهم دي ترجع عشان المشروع يكبر، وإذا هو دخل أنا هستفيد وهو هيستفيد، وساعتها كل حاجة هترجع زي الأول وأحسن. رحمة: بس أنا مش صفقة يا جدو. "تقوم مرات عمها بالدخول" شرين: تفكير سليم يا حمايا، والله. جدو: أنا مبعملش كده عشان خاطر عيونك السود ولا عشان البغل اللي اتجوزك، أنا بعمل كده عشان كل اللي بنيته في حياتي ميتهدش. رحمة: وده كله على حساب مين؟

على حسابي أنا وحياتي. شرين: "بضحكة مخيفة" طبعاً، لأنك كبش الفدا، ههه. جدو: الكلام انتهى يا رحمة، اتفضلي على أوضتك. دخلت الأوضة وأنا بموت من قهري. مش عايزة أتجوز تاني، مش عايزة. كفاية تعب أعصاب بقى وانهيار. أنا رحمة عندي 25 سنة، بابا وماما ماتوا في حادثة. ولأن جدي كبير العيلة ومسؤول، هو اللي له القرار هنا. وعمي وطنت بيكرهوني جداً وبيفرحوا لما يشوفوني بتعذب أو بتهان. وحرفياً تعبت من العيلة دي. فاطمة: رحمة، انتي هنا.

رحمة: تعالي يا فاطمة، أنا محتاجاكي جداً. فاطمة: إيه يا بنت العم، مالك؟ رحمة: "بدموع" جدو عايز يجوزني تاني يا فاطمة. مكفوش الوحش اللي كان مجوزني، دلوقتي عايز يوديني لوحش تاني. فاطمة: اهدي يا رحمة، متعيطيش. رحمة: "تقوم بعناقها" أنا معدش ليا حد في الدنيا. ضهري اتكسر من زمان يا فاطمة، ولسه كل حاجة بتسوء أكتر. فاطمة: كله هيتحل والله. حاولي تنامي ونتكلم بكرة.

فاطمة بنت عمي، وهي الوحيدة اللي بحبها في العيلة دي. طيبة جداً وهادية، وعشان كده بتتعذب أكتر مني. دايماً عاملين فرق بينا، وطنت ديما بتحاول تبعدها وتكرهها فيا، بس مقدرتش تعمل كده. "في الكافيه" معتصم: بطل شرب أم البتاع ده بقى، الله يحرقك. فهد: خلينا لك انت المثالية يا خويا، مع إنك ممكن ترتاح لما تجرب، واللهم. معتصم: ليه، هو أنا ضعيف زيك ولا إيه؟ فهد: لأ، أنت مجنون النهاردة. مدام إلهام قالت لك إيه؟

معتصم بنرفزة: عايزة تجوزني واحدة مطلقة، عايزة تطلع مرضها النفسي وأعصابها التلفانة عليه. فهد: ههه، والله أمك دي قادرة. معتصم: اقفل الموضوع، شهاب جه. فهد: تمام، أهلاً شهاب باشا. شهاب: أهلاً بمعتصم بيه، مش عارفين ناخد ميعاد نشوفك ولا إيه؟ معتصم: مشغول والله جداً. شهاب: كلنا مشغولين، ولإنك مدمن شغل ومحبكها شوية. فهد: قل له، اتعلم. شهاب: سيبه، ده مش هيتغير أبداً. معتصم: أنا مش قادر أقعد، حد جاي نسهر؟ فهد: مرتبط بميعاد.

شهاب: شاقط واحدة والله، اعذرني. معتصم: ههه، أوعى تكون نفس البنت وناخدوها وردية، سلااام. "يقوم فهد بضحك، وينظر شهاب لمعتصم بغل" في الفيلا... الخادمة نبيلة: أحضر لك العشاء يا فندم؟ معتصم: قهوة كفاية. الخادمة: حاضر يا بيه. "في الغرفة" أحمد: أهلاً بالباشا الصغير. معتصم: أهلاً بيك. أحمد: مرهق ليه كده؟ معتصم: كان عندي شغل كتير النهاردة. أحمد: قلت لك تعال عندي وافتح الشركة هنا أحسن بدل الإرهاق ده، وهساعدك.

معتصم: اسم الجدواني لازم يكون بره وجوه مصر يا باشا. أحمد: ههه، أصل قول لي صحيح، مفيش موزة كده ولا كده؟ ده حتى الفيلا مظلمة يخي، أنت شباب وسن ده متتكررش. معتصم: هههه، خليني كده يا باشا، أنا زي الفل. أحمد: كنت عايز أفتح معاك موضوع كده. معتصم: نعم؟ أحمد: إلهام فتحت معاك الموضوع تقريباً وانت اعترضت. معتصم: حتى انت كمان! باشا، أنا محدش يأمرني، دي حياتي وشركتي و...

أحمد: دي حفيدة إسماعيل النواري، عارف إنك كنت عايز تشاركه من زمان وهو بيفكر في نفس الموضوع. وإذا اتجوزتها تبقى خدت أسهم أبوها محمد النواري كلها، وساعتها تقدر تعملوا المشروع ده وهتحققوا مرادكم. معتصم: مش عايز جواز صفقة، وكمان هي مطلقة. أحمد: مكنتش متجوزة من زمان، ولو قلت لك كانت متجوزة مين، هتتصدم. معتصم: مين؟ أحمد: أنور السوفتي. معتصم: !!!! أحمد: ههه، هتكون ضربة قاضية مش كده؟ معتصم: سيبني شوية أفكر كده وهرد عليك.

أحمد: خد وقتك وأنا في ضهرك. آه، أميرة كانت عايزة تسلم عليك بس نامت. معتصم: لما تقوم ابقى خليها تكلمني. أحمد: تمام، أشوفك بعدين. "ينتهي الفيديو كول" اممم، ول وهنتجمع صدفة تاني يا أنور بيه؟ في فيلا النواري...