كرستينا: فاطمه لو سمحتي.
فاطمه: اخرسي خالص دلوقتي.
فهد: .....
فاطمه: وانت ساكت لي اتخرست؟
فهد بفيض منه: لاء انتي اتجننتي فعلا.
يذهب للخارج للمغادره فتذهب خلفه.
يفتح باب السياره فتضع يدها عليه وتقف قصاده.
فاطمه: انت بتهرب لي، احكيلي الي حصل.
يتنفس بهدوء لعدم التعصب.
فهد بتحذير: اسمعي، انا دلوقتي شارب ومش فايقلك خالص، وعندك اختك اهي خليها تحكيليك هيا. وشيلي ايدك عشان متعصبش اكتر من كده، تمام؟
تتوتر فاطمه من غضبه وتنزل يدها.
يتحرك بالسياره بغضب.
***
في الخارج.
رحمه: مين دي بقي؟
معتصم: اشرقت.
رحمه: يسلام، تصدق اول مره اعرف.
معتصم: ههه.
رفعت صبعي بتحذير.
معتصم: ومعرفش اتجرات وعملت كده ازاي، بس عصبني والله، عصبني اوي.
رحمه: اسمع بقي، ل أنا ل هيه في ام الفيلا دي دلوقتي.
معتصم برفع حاجه: انتي، انتي رافعهالي صبعك دلوقتي.
رحمه: احم، لاء.
يقرب معتصم لها وترجع للخلف حتي تصل للحائط.
يضع يده عليها.
رحمه بتوتر: يعني عجبك الي هيه بتعمله، مثلا؟
معتصم: يا بنتي، صغيره والله، حطه عقلك بعقلها لي.
رحمه بعصبيه: دي صغيره! دي عندها 19 سنه.
معتصم: احم، 20.
رحمه: انت لي مصر تحرق دمي زيها؟
معتصم: ههه، حلوه ردت فعلك عجبتني.
رحمه: احنا في اي ول في اي دلوقتي، وكمان ابوها اي ملوش كلمه عليها ول بقرون؟
معتصم: يا نهار ابيض! هيسمعك، متهزريش.
رحمه: يسمع ول لاء، مبقتش فارقه. وحضرتك عادي تحضنك قدامي مثلا، ماشي كويس اوي.
عيني دمعت غضب عني وحركت عيني الجيها التانيه.
فقرب مني شويه وتكلم بحنيه وهدوء.
معتصم: انتي الي في قلبي بس، محدش يفرق معايا غيرك انتي، ول يهمني هيه ول غيرها. صدقني عمري ما حبيت ول هحب حد قدك كده. ول عاش ول كان الي يزعل مراتي. ومحدش يقدر يعصبك ويديقك وانا عاش لسه، فهمه؟
رحمه: .....
يقبلها علي وجهها بخفه.
معتصم ببرائه: فهمه؟
رحمه: امم.
معتصم بمسك يدها: تعالي ما ننهي الموضوع ده.
وفعلا خرجنا وقعدني جمبه وخدني في حضنه طول القعده كلها.
ولما تقرب منها او تتكلم معاه يصدها.
فيعيطت يا عين امها وباباها قال اي ادايق.
وراحوا يوقعو العقد دلوقتي عشان يمشوا.
في المكتب.
سعيد: بتحبها يا معتصم؟
معتصم: بعشقها.
سعيد: ه ربنا يخليهالك يبني.
معتصم: عارف يا عمو ان اشرقت بتحبني وكانت عيزاني، بس اعمل اي بقي؟ القدر لعبها معايا، وكانت احلي حاجه عملها ليا انه رزقني بيها.
سعيد: اكيد يبني، نصيبها مجاش، وانت ابني مهما حصل متزعلش من تصرفاتها. انت عارف اني مليش غيرها وبخاف علي زعلها.
معتصم: عارف، رغم اني مش هرضي بالزياره دي تتكررها مره تانيه، اكيد.
سعيد: ان شاء الله.
***
في السياره.
كرستينا بغضب: انتي مين اداكي الحق تعملي معايا كده؟
فاطمه: وكمان بتبجحي؟ طيب خلي امك بقي تقلك.
كرستينا ببكاء: عشان خاطري متقليهاش، هو الي قرب مني وجيه اتكلم معايا وبعدها بعدته عني ومنعته، بس انا بحبه.
فاطمه بخضه: بتحبي!
كرستينا: امم، بحبه.
فاطمه بمحاوله تمالك نفسها: في حاجه اسمها أخلاق، اي مسمعتيش عنها؟ مش اي حد يقرب مني استسلم لي. احنا في مجتمع متوحش، فهمه، يعني اي؟ يعني لازم احافظ علي نفسي. ومعنتيش زفت تروحي اماكن زي دي تاني.
كرستينا ببرائه زائفه: حاضر والله مش هروح تاني.
فاطمه بخزلان: اظاهر كنت غلط ومخدوعه فيه كمان، معقول يكون كده فعلا؟ هه، كلهم صنف واحد يا فاطمه، فوقي.
في الصاله.
فله معتصم.
اشرقت: عملتي اي فيه عشان معتصم حبيبي يعمل معايا كده؟
رحمه: بت افصلي، انا مش عايزه اتكلم معاكي.
اشرقت: هتلقيكي سحرالو، مهو انتوا كده، لما تلقوا واحد غني بتلزقوا فيه.
رحمه بفيضان: طب تعالي بقي اما اوريكي لزقت فيه ازاي.
اشرقت: يلهوووي، انتي مجنونه، ابعدي عني.
وشدينا في شعر بعض بقي.
وكان حاجه كده مهلبيه، وفعلا خرجو علي صوت صِوتها.
وطنط نبيله تحوش والطاقم يحوش.
ومفيش حد خلص الليله دي غير معتصم، ربنا يدي الصحه.
وفي الاخر شفيت غليلي وضربتها الحمد لله.
معتصم: ههه، انتي طفله علي الحركات دي.
رحمه: اسكت، مش خدت حقي بإيدي، ضميري فرحان بيا.
معتصم: تعرفي انه ممكن بسبب تهورك ده كانت الصفقه تتلغي؟
رحمه: اهم حاجه سلامي النفسي، كل ده شكليات.
معتصم: ههه، جننتيني يا بت النوار.
رحمه: انت...
ترن ترن ترن ترن.
رحمه: الو.
_:.......
رحمه بدموع: بتهزر صح؟ قول انك بتهزر.
_:........
رحمه: طيب تمام، شكرا.
معتصم بقلق وذهاب لها: في اي؟ بتعيطي لي؟ حصل حاجه؟
رحمه: عاااااا، معتصم انا نجحت في الاختبار، نجحتتتت.
تعانقه بقوه وفرحه.
معتصم: يا مجنونه، هه، وبتعيطي لي؟
رحمه: دموع الفرحه. ههه.
معتصم: مبروك يا قلبي، فخور بيكي.
رحمه: بحبك.
معتصم: ههه.
لما اشوف نظره الفخر في عيونه بقول لنفسي ديما اني اخترت صح.
رغم انه عصبي، الا ديما بينزل لدماغي الي قد كدهو عشان يفهمني براحه.
بحب الحنيه الي في عينيه وكلامه الي بيقدر يثبتني بيه في كل مره.
بحب مسكت ايده كل يوم بليل عشان يطمن ويعرف ينام، ولما يصحي يبتسم ويقول صباح الخير.
شخص تتمني تعيشي معاه.
اختاري صح، اختاري راجل.
***
في فله النواري.
شرين: كنتي فين يا هانم؟
كرستينا بتوتر: كنت...
فاطمه: كانت هتبيت مع صحبتها بسنت ومشغلين اغاني ف مسمعتش التلفون، ولما رنيت علي صحبتها قلتلي وروحت جبتها.
شرين: تمام يا قلبي، كده تقلقيني عليكي.
كرستينا: سوري يا ماما.
تشاور لفاطمه بشكر.
فتحرك راسها بالايجاب وتدخل فاطمه الغرفه.
اليوم التالي.
في شركه معتصم.
فهد بخمول: عامل اي ياباشا؟
معتصم: كلو رواق.
فهد: ههه، قولي صح، عملت اي امبارح؟ وسعيد بيه مجاش لي؟
معتصم: ههه، انت فوت عرض، كان نقصك والله.
فهد: اي، خدت بالها؟
معتصم: دى، دى جبتها من شعرها ومسبتهاش غير لما قدرت ابعدهم عن بعض بالعافيه.
فهد: ههه، طلعت مراتك شرسه يا ابو صحاب.
معتصم: الحمد لله عدت.
طق طق طق.
معتصم: اتفضل.
عمر: لو سمحت يا فندم، عايز حضرتك في حاجه.
معتصم: تعالي يا عمر، اتفضل.
عمر: كنت جي اعزم حضرتك علي فرحي يوم التلات، هيكون شرف كبير ليا لو جيت انت وفهد بيه طبعاً.
فهد: واخيرا هتجوزو، دي نكد.
معتصم: احم.
فهد: قصدي قمر، ربنا يتمملك علي خير.
عمر: هي اه مطلعه عيني، بس اعمل اي، نصيبي بقي بحبها، ههه.
فهد: ماشي يا حنين.
عمر: طيب يا معتصم بيه، حضرتك عايز حاجه؟
معتصم: لاء، شكرا يا عمر، اتفضل.
.................
معتصم: انت يا هبل، ازاي تقول كده عليها؟
فهد: يا عم دي قرفه في عشته، هو انا عشان اتجوزت يتحكم عليا بالاعدام.
معتصم بغمزه: اية الي عرفك؟
فهد: انا غرضي شريف والله، كنت جمبه وهيه بتكلمو مره.
معتصم: ههه، اممم.
فهد: اهو تفكيرك ال...
معتصم بثبوت: مالك؟
فهد: انا!
معتصم: اممم.
فهد: لي بتسال؟
معتصم: حاسس بحاجه غلط، مش رايق انهارده، حصل اي؟
فهد: بعدين.
معتصم: تمام، خد وقتك، تشرب قهوه؟
فهد: يارييت.
في المستشفي.
شهين: مبروك.
رحمه: الله يبارك فيك، بتمني اكون عند حسن ظنك فيا.
شهين: انا متاكد اني اخترت صح المرادي.
رحمه بفرحه: ده شرف كبير ليا.
شهين: اتفضلي علي مكتبك، لما اعوزك هحتاجك.
رحمه: دكتور شهين.
شهين: امم.
رحمه: حضرتك مش وحش خالص، وانا حبيت جدا التعرف عليك، ومعتصم كمان مش وحش والله، هو بس وصي عليا عشان متعبش.
شهين: ههه، ماشي يا دكتوره رحمه، رغم كرهي لمعتصم باشا الجدواني، الا انه عمره ما عمل حاجه تثير الضجه او دليل واحد يبين انه غلط، فمتقلقيش.
رحمه: احم، ههه، طيب عن اذنك بقي.
شهين: اتفضلي.
في الطرقه.
مروان: مبروك يا دكتوره رحمه، كده اتعينتي رسميا.
رحمه ببتسامه: اه الحمد لله، الله يبارك فيك يا دكتور.
مروان بتوتر: دكتوره رحمه، احم، كنت عايز....
غزل: مبررروووك يا قلبيي.
رحمه: ههه، الله يبارك فيكي.
يقومون بالمعانقه.
دكتور مروان: الو، طيب جاي دلوقتي. غزل، همشي انا، خدي بالك من المرضي كويس.
غزل: متقلقش.
يغادر ويذهبو للمكتب.
غزل: فرحت اوي انك مش هتمشي وهتكوني معانا.
رحمه: وانا كمان.
جيهان: بنااات.
غزل: استر يا رب.
جيهان: بس يا بومه، انا عايزكو في خبر حلو.
رحمه: قولي يا قلبي.
جيهان: فرحي يوم التلات، عااا.
غزل: لولولولوي، مبروك، لاء كده نحتفل بقي، هه.
رحمه: فرحتلك يا قلبي اوي.
جيهان: لازم تيجي فرحي، تمام.
رحمه: هشوف كده معتصم واقولكو.
غزل بغمزه: ايوا بقي يا عم، ههه.
رحمه: اي يا بت انتي متتلمي.
غزل: حااااضر.
ممرض: دكتوره رحمه، في واحد عايزك بره.
رحمه: انا!، طيب قلو جايه.
غزل: مين؟
رحمه: معرفش، لسه هشوف كده.
تذهب للاسفل تجده هشام.
رحمه بفرحه: هشام، عامل اي؟ عاش من شافك. ازيك وزي طنط وعمو.
هشام بحب: الحمد لله، وحشتينا، مبتظهريش خالص.
رحمه: والله مشغوله، كنت عايز...
تنظر ليده تجدها مجروحه جدا.
رحمه: يلهوي، انت واقف كده ازاي؟ استني انديلك دكتور...
هشام بمسك زراعها: لاء يا رحمه، مش عايز حد غيرك يعملهولي، مبثقش في الدكاتره الي هنا.
رحمه بتوتر من يده الموضوعه علي زراعها: بس انا مش في التخصص ده.
هشام: عشان خاطري، اعملي انتي.
رحمه: تمام يا هشام، تعالي.
تذهب لداخل لتخيط له الجرح.
وينظر لها بشهوانيه واعجاب.
محادثه واتس.
فاطمه: اي يا زفته، فينك كده مختفيه.
تفتح الهاتف ترد عليه وهي تخيط له الجرح وهو في وضع البنج فلا يعلم.
رحمه: فطوم الجزمه، مجتيش مع اخوكي لي؟
فاطمه: اخويا!، لي ماله؟
رحمه: اخوكي دراعه اتفتح وبخيطه دلوقتي، وهمشي بعدها. لما اروح هكلمك.
فاطمه: طيب، مقلش لي، طيب ابقي طمنيني كده.
رحمه: تمام، سلام.
فاطمه: هشام يروح لرحمه لي في الساعه دي، حسه بحاجه غلط، هشام بخطط لاي.
بعد فتره.
رحمه: انا خيطتلك الجرح بتاعك 3 غرز، وبلاش تتخانق مع حد تاني، طنط شرين مش رحمه حد.
هشام: ههه، حاضر. بقلك اي، هتروحي امتي؟
رحمه بتوتر: لي؟
هشام: اصل انا جي بعربيتي فقلت اوصلك بالمره وكده.
رحمه: لاء شكرا، معايا حراس تحت هيوصلوني.
هشام: انا اسف لو فهتيني غلط، بس الي حصل زمان ده انتهي، معقول لسه فهماني غلط. انا مشفتش الحراس تحت فقولت اوصلك واشرب عندك كوبايه شاي كده وبركلك، بس تمام، انا اسف.
رحمه: لاء يا هشام، عادي، انت ابن عمي يعني، تمام، تعالي يلا.
ينزلون للأسفل فتذهب من الباب الرئيسي، فيوقفها.
هشام: دقيقه يا رحمه، انا ركنتها في الباب الخلفي عشان الطريق الرئيسي فيه زحمه ومعرفتش اركنها.
رحمه: امم، طيب يلا.
حسيت بقلق وانه في حاجه غلط في الموضوع، فكتمت صوت موبيلي وشغلت الموقع وحطيته في مكان مخفي في العربيه للاحتياط، يا رب يكون احساسي غلط.
رحمه بخوف: هشام ده مش طريق البيت.
هشام بغل: ما انا عارف يا سكر.
يقوم بوضع منديل فيه مخدر عليها فتتخدر ويغمي عليها.
رحمه بنوم: ه...شام.
هشام: نامي يا قلبي، خلاص انتي بقيتي بتاعتي.