رواية عودة حبيب الفصل العاشر 10 - بقلم مريم حسن

الدكتور: للأسف المدام حالتها خطر ولازم تقعد في السرير على طول. واضح إن المدام بتعمل مجهود كبير، وده خطر على البيبي. دي أدوية لازم المدام تاخدها. بيخرج أمير هو وجميلة ويروحوا البيت. بتعدي الشهور وأمير بيبقى مخلي جميلة نايمة في السرير دايمًا، وكذلك عمرو. وجابوا شغالة جديدة. جميلة: أمير، اصحى أمير، قوم بسرعة، مش قادرة. أمير: اهدي، اهدي. بيشيلها وبيخرج برا. بيقوم عمرو على صوتهم. أمير بيخرج وبيسوق العربية وبيرجع للمستشفى. جميلة: أمير، لو مت، خد بالك من ابني. أمير: بعد الشر عليكي، أوعي تقولي كده، أنتِ هتقومي وتاخدي بالك منه. بتبص غزل عليها بدموع. عمرو بيحضنها. وفضلوا قاعدين كتير. وبعد نص ساعة بيطلع صوت الطفل. وبعد ربع ساعة طلع هو وأمه. جميلة: فين ابني يا أمير؟ هو كويس صح؟ أمير: أهو، متخافيش. جميلة: ده قمور أوي يا أمير. وبتحضنه: أنا بحبك أوي يا كوكو. أمير بياخده بغيره: لا، أنتِ بتحبيني أنا بس. جميلة: يا أمير، ده ابني. أمير: بردو لا. بعد لما يمشوا، بيقرب منها وبيقول: بحبك. جميلة: وأنا كمان.