رواية عوضي الحلو الفصل العاشر 10 - بقلم بنوته كيوت

احنا هننزل البلد بكرة، جهزي نفسك. سلوي: إيه لأ طبعاً، أنا مش جاهزة. مازن: لازم يعرفوا عشان بعد امتحاناتك هنسافر لندن عند أهلي. سلوي: بس... مازن: متخافيش، هكون معاكي ومش هسيبك. سلوي: تمام. مازن: روحي نامي دلوقتي عشان تصحي فايقة، وأه صح، أنا أخدت إجازة من الكلية. سلوي: طب أنا هنام فين؟ مازن: أها، في أوضة دي، لسه الأوضة التانية مش مترتبة حلو، بس بكرة هكلم حد ييجي يرتبها. سلوي: طب وأنت هتنام فين؟

مازن: هنام هنا على الكنبة. سلوي: بس مينفعش تبوظ نومتك عشاني، أنا هنام هنا وأنت نام مكانك. مازن: أنا قولت إيه، ادخلي نامي جوا، هي ليلة. سلوي: طب هي مكركبة قوي يعني؟ مازن: لأ مش قوي، ساعة وتبقى روقان. سلوي: طب تقدر تتفضل تنام في أوضتك وأنا هنام في الأوضة التانية، يلا. مازن: بس دي مكركبة قوي. سلوي: هنضفها. مازن: هساعدك فيها. سلوي: لأ شكراً. مازن: يبقى تنامي في أوضتي. سلوي: مينفعش اتنين أعند من بعض يتناقشوا.

مازن: هنبدأ منين؟ سلوي: امممم، مش محتاجة كتير، شيل معايا نطلع دول بره وأنا مهمتي التراب ده. خلصوا ترتيب الأوضة ورجعوا كل حاجة مكانها. سلوي: يااه أخيراً، ماكنتش فاكرة إنها هتاخد كل ده. مازن: إنتي اللي أصريتي، لو كنتي نمتي في الأوضة... سلوي: وأنا ميرضنيش إني أقلق حد في نومته عشان راحتي. عندك نسكافيه؟ مازن: أها عندي. سلوي: هعملك مج غير شكل، السكر فين وكمان النسكافيه؟ مازن: السكر في الرف اللي فوق وكمان النسكافيه جنبه.

بعد شوية جهزت النسكافيه ورسمت على وشه قلب. سلوي: ها، رأيك؟ مازن: لما أشوف الأول، هو الشكل ممتاز، لما نشوف الطعم. سلوي: اتفضل أهو. أخد رشفة من المج وبصلها. سلوي: ها، حلو؟ مازن: تسلم إيدك. سلوي: كنت عارفة إنه حلو. مازن: بس القلب ده عملتيه إزاي؟ سلوي: سر بقا. مازن: اممم. سلوي: طب أنا هنام، تصبح على خير. مازن: وإنتي بخير. في صباح يوم جديد، صحي مازن حضر الفطار وخبط على أوضة سلوي. فتحت الباب وهيا بتفرق في عنيها. سلوي: مين؟

مازن: مين إيه، هو فيه حد معاكي غيري؟ سلوي: ها، مازن، آسفة، متعوضتش على الوضع الجديد. مازن: ولا يهمك، صباح الخير. سلوي: صباح النور. مازن: اغسلي وشك وتعالي، أنا حضرت الفطور. سلوي: إيه ده بجد؟ مازن: مستغربة ليه؟ سلوي: عشان كان حلمي إني أتجاوز واحد يحضرلي الفطار، هو مش بالظبط حصل بس جزء منه. مازن: طب الأكل هيبرد، اغسلي وشك وتعالي. سلوي: حاضر. دخلت غسلت وشها وطلعت، كان مازن مجهز السفرة. سلوي: بتعرف تعمل أكل ولا؟

مازن: احكمي بنفسك. شدت كرسي وقعدت عليه، مسكت المعلقة وابتدت تاكل. سلوي: لأ بجد هايل، تسلم إيدك. مازن: بالهناء. سلوي: لقلبك. سلوي: يااه بجد أكلت كتير أوي، تسلم إيدك. مازن: واضح، الصحون مفهاش حاجة. سلوي: وأنت بصيت في الكام صحن اللي أكلتهم؟ إيه القر ده من أولها؟ مازن: لأ يا ستي، بالهناء، قومي اجهزي عشان نوصل قبل الليل. سلوي: ماشي. دخلت استحمت ولبست مشجر أبيض في بيج وعليه طرحة بيج، ولو تضع أي مساحيق.

وأخدت شنطة سودة مع حذاء أسود. سلوي: أنا جاهزة. مازن: وأنا كمان جاهز، وأه على فكرة... سلوي: إيه؟ مازن: طالعة زي القمر. سلوي: تسلم. بعد عدت ساعات في الطريق، وصلوا بيت سلوي في الصعيد. أول ما نزلت وشافهم الغفير، راح قال لجدها كبير البلد. طلع وكلهم كانوا طالعين بعده. نزلت من العربية ومازن مسك إيدها يطمنها. سلوي: جدي. الجد: مين اللي معاكي ده؟ وكيف يمسك يدك وتيجي حداه؟ مازن: ده من حقي يا جدي. الجد: كسر حوقك، همل يدها.

مازن: دي مراتي. الجد: .... سلوي: أها.