رواية عوضي الحلو الفصل الأول 1 - بقلم بنوته كيوت

ي عمو ي عمو استني. خير ي بنتي. مشوفتش عوض؟ عوض مين؟ اللي بيتكلموا عليه ده انه بييجي بعد ما تتخزوق. ربنا يعوضك ي بنتي. ده انا اتطردت من شغلي وعليا دفع ايجار الشقة، غير هاكل منين واشرب منين؟ انا الدنيا كلها خزوقني في وقت واحد وكله بيقولي ربنا يعوضك، طب هو عوض هييجي امتى؟ عوضك ممكن ييجي على اشكال مختلفة، اتفائلي وانتي هتلاقيه. ربنا يسعدك ي بنتي. تسلم ي عم. كملت مشي في الشارع وقفها صوت شاب بينده عليها. بتنده عليا انا؟

ايوه انتي. وتنده عليا بصفتك ايه؟ تعرفني ولا تعرفني؟ ما تتكلمي بأدب زي ما بكلمك. اتنيل عايز ايه؟ لولا اني مضطر كنت وريتك شغلك. في أي ورشة قريبة من هنا؟ استنى اشوفها في جيبي يمكن ألاقيها. ما تردي عدل. بس ي اسمك ايه؟ هيا مش ناقصة قرف على الصبح. ما الورشة قدامك اهي، ليه اللف والدوران ده؟ اها، ما اخدتش بالي. ما اخدتش بالك ولا عايز حجة وخلاص؟ انتي لسانك متبري منك. اها، تتبناه.

على فكرة مش قصدي حاجة، أنا ساكن هنا جديد، فمعرفش حاجة في المنطقة. بس انتي مالك بتتخانقي مع دبان وشك؟ المصايب كلها اتحدفت عليا مرة واحدة، وانت مالك انت وتسأل ليه؟ عاجبك كده؟ اتاخرت على المقابلة بسببك. سابته ومشيت بسرعة عشان تلحق أي ميكروباص يوصلها مكان وجهتها. ركبت الميكروباص وسرحت تاني، هتعمل ايه واي اللي هيحصل معاها لو متقبلتش. بصت جمبها لقت نفس الشخص اللي قابلته. انت تاني؟ هو ايه اليوم النحس ده ياربي.

نحس عشان شفتك. خير ي أستاذ، انت ماشي ورايا ليه؟ أنا ماشي وراكي. والله لو منطقت في أي هصرخ بأعلى صوت وأقول إنك متحرش، وشوف الرجالة دي هتعمل فيك ايه. وريني هتعملي ايه. طيب استنى وهتشوف، وسع كده. وقف يا ستاذ على جنب، الراجل اللي جنبي ده مش محترم بيتحرش فيا. مالك ي نجم بيها؟ ما تحترم نفسك ي أخ. دي كدابة. شفتوا يا جماعة، بيقول عليا كدابة، وأي واحدة ترضى تقول كده؟ طب أنا عايزة حقي.

أما انت بجح صحيح، غلطان وبتقاوح في الكلام. وقف يا ستاذ على جنب، خلينا نعلمه الأدب. اضربوه عشان يتعامل بأدب بعد كده، أيوه اضربوه قوي. اتجمعوا عليه وضربوه. وهيا نزلت من الميكروباص بسرعة عشان ميلحقهاش. حاول يوصلها معرفش. ماشية تضحك كل ما تفتكر منظره. يحرام، خسارة أخد الضرب كتير، بس يستاهل. وصلت قدام الفندق اللي هتشتغل فيه. يارب وفقني واتقبل يارب، ونبي يارب أنا غلبانة.

دخلت راحت عند الاستقبال وقالت لها إنها جايه تقدم على وظيفة، فطلبت منها الانتظار لما تبلغ المدير. تقدري تتفضلي على أوضة المدير. خبطت ودخلت وسمح لها بالدخول وهو عاطيها ضهره. السلام عليكم ورحمة الله وبركاته، كنت جايه أقدم على وظيفة هنا. وعليكم السلام ورحمة الله وبركاته. اتفضل.