رواية عوضي الحلو الفصل الثالث عشر 13 - بقلم بنوته كيوت

أحمد: حقك عليا ي جدي، مكنتش عامل حساب لحاجة. بس أنا اتغيرت عشان رايد بنت عمي ف الحلال. مش أنت وعدتني ي جدي إنك هتجوزهالي؟ دلوقتي غيرت رأيك وهتجوزها لواحد غريب؟ من امتى بناتنا بتطلع بره طول ما ابن عمها موجود؟ مش القريب أولى من الغريب، وده كلامك لينا اللي على طول بتقوله إننا نبدأ بالقريب عن الغريب. دلوقتي أنت بتعمل إيه؟ الجد: ومن امتى بتاخد بكلامي؟ ولا تقاليدنا؟

بنت عمك خدت نصيبها وأنت هتاخد نصيبك. متجيش تتكلم على حاجة وأنت مش عارف معناها إيه. أحمد: ي جدي أنا مستعد أتغير عشانها، بس اديني فرصة. بلاش تاخد حبي من بين إيديا. الجد: كانت هتبقى لأخوك فهد، وهو اختار إنه يبعد ويقطع صلته بالعيلة. بعدين أنت قلت عايزها وأنت عارف نفسك إيه؟ واديتني كلمة ومطلعتش كداب. أحمد: اديني فرصة كمان، أنا مش زي فهد.

الجد: أنت مش زي فهد، أنت أوسخ من فهد. مفيش حديث في الكلام ده تاني. فرح بنت عمك على مازن يوم الخميس، يا تحضر زي أخوها يا حضورك ميشرفش. أحمد: اللي تشوفه ي جدي. عند سلوي ومازن في الجنينة. سلوي: حصل اللي كنت خايفة منه. مازن: طب وإيه اللي هيحصل؟ سلوي: قدام أهل البلد كلها، إحنا متجوزين. مازن: طب ما إحنا كده فعلاً. إيه اللي هيحصل؟ سلوي: إنت أعصابك باردة ليه كده؟ ولا كأن حاجة حصلت. مازن: إنتي اللي مكبرة الموضوع. هتفرق إيه؟

شوية الزينة والرقص، أهو الناس تفرح. سلوي: تلاجة. مازن: ابقي سخنيها. منار جت من بعيد بتنده على سلوي. منار: إيه ده؟ أنت مازن؟ سلوي: منار بنت عمي سالم. منار: لأ، عرفتي تختاري. زينة الشباب! تقدر تقولي ي مرمر أو منار، أي حاجة تمشي. أنا أختك الصغيرة من النهارده ها؟ مازن: أكيد ي مرمر. منار: قولي بقا مين وقع في التاني؟ مازن: إزاي؟ منار: يعني مين حب التاني في الأول؟ مازن: أكيد أنا.

منار: طبعًا طبعًا، أختي قمرة بتدخل القلب بسرعة. مازن: في دي معاك حق. منار: يووه، نسيت. كنت جاية ليه؟ تعالي ي سلوي، ماما عايزاكي. سلوي: ماشي، يلا. مشيت سلوي ومازن بيبص لطيفها لحد ما اختفت من قدامه. مازن لنفسه: ياترى هتعملي فيا إيه تاني ي سلوي؟ سلوي: خير ي مرات عمي. سوسن: تعالي اقعدي هنا. شوفي، كنت برتب في الأوضة ولقيت الصور دي. منار: وريني كده ي ماما. البت سلوي كانت بخدود أوي.

سوسن: الصور دي كانت سلوي عندها أربع شهور، قبل ما يمشوا عشان يعيشوا في مصر. احتفظت بيها. وقتها مكنش عندي عيال وكنت متعلقة قوي ب سلوي. وأمك كانت بتسيبك معايا، كنتي زي بنتي وأعز. سلوي: ربنا يعلم معزتك عندي ي مرات عمي. رغم إني بعدت عني، بس غلاوتك في قلبي زي ما هي. منار: هو أنا بنت البطة السودة ي جدعان؟ مفيش حد يحب فيا خالص. سلوي: طول عمرك بكاشة. شوفي صورتك وإنتي بتعيطي. منار: إيه ده ي ماما؟ بتصوريني وأنا بعيط؟

عشان تيجي تقولي عليا نكدية؟ وأنا سكرة ي ماما. سوسن: وإيه كمان؟ منار: بس والله قمر في كل حالاتي. سلوي: نرجسية. منار: منسية. سوسن: عايزكم تنزلوا مع بعض تشتروا شوية هدوم كده. منار: سيبي الموضوع ده عليا ي ماما. أنا ذوقي حلو. سلوي: نعم يختي. منار: متخفيش ي بت، هبهرك. سلوي: ربنا يستر. منار: هنروح امتى ي ماما؟ سلوي: بكرة. منار: طب أنا هروح أنام دلوقتي عشان أصحى فايقة. تصبحوا على خير. سلوي: وأنا كمان هروح أنام عشان تعبت أوي.

سوسن: بقولك ي سلوي. سلوي: قولي ي مرات عمي. سوسن: إنتي مبسوطة ي بنتي؟ مبسوطة إنك اتجوزتي إنتي ومازن؟ فيه حاجة مزعلاكي أو حاجة مخبيها؟ اعتبريني زي أمك واحكيلي. سلوي: ربنا يعلم ي مرات عمي معزتك عندي. وصدقيني أنا مبسوطة أوي ومش هلاقي أحسن من مازن يحبني ويخاف عليا. سوسن: دايماً أشوفك في أحسن حال ي بنتي. سلوي: تصبحي على خير. راحت أوضتها. مازن كان بيلعب في الفون وطافي النور. سلوي: بسم الله الرحمن الرحيم. مازن: إيه؟

شوفت عفريت؟ سلوي: قاعد وطافي النور ليه كده؟ اتخضيت. مازن: معلش. سلوي: نينينيني، رخامة. هات المخدة عشان أنام. مازن: تعالي خديها. سلوي: رخامة. أخدت المخدة حطتها على الكنبة ونامت. الصبح صحيت على صوت بيصرخ وووو.