رواية عروس برنس الصعيد الفصل الحادي عشر 11 - بقلم اسماء حبيب

نور طلعت لقت أوض كتير. "هاااادي باااادي اكرمب ذبااادي شاااالو حطو كل علي دييييي… هي دي." نور دخلت أوضة وكانت حيطانها مدهونة أسود في أسود والسرير بتاعها قديم. "الله يخربيت اختياراتي." نور مسحت المراية. "ايييح رغم الأذية يا بت بس شكلك عسلية أخراشي." نور بتبص في الأدراج ورجعت تبص في المراية لقت واحد وراها. "هههههه أكيد تهيؤات." نور لقت الشخص ده قرب منها ومعاه سكينة ولسه هتصوت حط إيده على بؤها وكتفها.

"مسمعش صوتك، أنا مخابرات." نور هزت راسها. الشخص كان مغطي وشه. "أنا هبعد عنك بس مسمعش صوتك، لأن في حاجة مهمة لازم تعرفيها تمام." نور هزت راسها تاني بـ "نعم". الشخص بعد عنها. "أنتي أخت قاسم، مش كده؟ نور: "ولا أعرفه، أقسم بالله. ده أنا كنت عاملة حادثة وهو بيعالجني، م مش أكتر." الشخص المجهول: "تمام، اسمعي. خدي الموبيل ده." نور: "اشمعنى بزراير؟ أنا عايزة واحد تاتش." الشخص المجهول بشلل: "ودا وقته؟

نور: "آه سوري، آسفة يا حضرة المتخفي، كمل." الشخص المجهول: "هو يبقى تاجر ممنوعات كبير أوي، وبتروح أرواح ناس كتير بسببه، ولازم نقبض عليه." نور: "يالهويييي." الشخص المجهول: "اشششس، وطي صوتك." نور: "معلش من التربة، بس اشمعنى مش قبضت عليه؟ ما هو تحت؟ الشخص المجهول: "لأنه مش متلبس." نور: "امال دلوقتي سلبوته اللي مش محترم؟ الشخص المجهول: "صبرني يا ربي على الغباء." نور: "يا حضرة الأستاذ المتخفي، احترم غبائي وفهمني براحة."

الشخص المجهول: "هو ذكي، بيعرف يصرف كل الكم اللي بستورده من بره من غير ما نمسك عليه حاجة." نور: "ااااه، دليل يعني، ما تقول كده من الأول." الشخص المجهول بسخرية: "وعرفتيها؟ لوحظك مش معقول." نور: "أنا بذكائي الفتاك استنتجت كده، بس أي المطلوب مني؟ الشخص المجهول: "تنقلينا كل تحركاته، وتعرفي لو فيه تسليم، وهيتم إمتى وفين." نور: "جاسوسة يعني." الشخص المجهول: "حاجة شبه كده، خلي بالك مستقبل شباب مصر في إيدك."

نور: "متخافش، رأفت الهجان في ضهرك." فجأة الباب كان بيتحرك. نور بصت بصدمة. "رحنا في داهية." عامر وبيحاول يفتح الباب: "أنتي جوه؟ نور بصوت واطي: "اهرب." الشخص المجهول دخل البلكونة. نور خبت الموبيل. "مييين؟ عامر: "أنتي أهنه." نور: "لأ، أنا بره، بس نسيًا بؤي جوه الأوضة." عامر: "دمك تقيل، افتحي الباب." نور بتحاول تفتح الباب: "معتذر." عامر: "طيب بعدي." نور بعدت عن الباب وعامر زقه جامد واتفتح. نور: "ينفع كده؟ افرض نايمة."

عامر بشك: "أنتي كنتي لوحدك أهنه؟ نور: "ا ام امال يعني هيكون في حد معايا؟ انت غريب على فكرة." عامر: "أصلي سمعتك وأنتي بتصوتي." نور: "أنااا دي؟ أكيد تهيؤات. أحسن حاجة إننا ننام، لأن الوقت اتأخر جداً وكان يوم يشل." عامر بشك دخل البلكونة ونور اترعبت وبتكلم نفسها. "يااالهوااي، استرها يااارب." عامر دخل البلكونة وطلع. "خلي بالك الجو أهنه تلج. البرنس بيقولك قفلي البيبان والشبابيك زين." نور: "حا حااااضر."

عامر مشي ونور طلعت تجري على البلكونة. "اختفى فين ده!؟ غريب؟! دخلت نور الأوضة وقفلت البلكونة والشباك كويس. أما الشخص المجهول من ورا شجرة كشف عن وشه وكان عز. "ههههههه دي طلعت بت حكاية. بس كداا ميت فللل والله ووقعت يا برنس في القفص ومن مين؟ هههههه من حتت بنت مفعوصة." تاني يوم. صحي صابر على صوت عمر اللي بينادي عليه. عمر من عند شباك أوضته: "اصاااابرررر اصااااااابر اصحاااا بقيي يخربيت الغيبوبة اللي انت فيهااا يا اخي."

صابر فتح الشباك: "أي الدوشة ديييي على الصبح." عمر: "بصحيك، وبعدين انت واكل أي قبل ما تنام؟ مأثر على السمع عندك." صابر: "وانت مالك؟ اصبر هغير وأفطر وبعدين أنزلك." عمر: "مش تتأخر وهتلاقيني على القهوة مستنيك." صابر: "ماشي يا عم، يلا بقي امشي طريقك زراعي." عمر باستظراف: "أوعى المطب." صابر: "ياااا ساتر، خفت دمك دي هتموتني." عمر: "مش ضحكتك." صابر وبقفل الشباك في وشه: "اعتبرني ضحكت." عمر وهو ماشي: "عيل نكدي."

صابر فتح باب أوضته وكان طالع بالفلنة الحملات والشورت. "مااااااام…." (اتصدم من كم الستات اللي عندهم في البيت) "!!!! نبوية بزعيق: "خش استر نفسك يواااد، ميصحش كدااا." صابر: "يااا فضحتي لمؤاخذة." دخل صابر بسرعة ولبس جلبيه أبوه وخره. "احم، السلام عليكم." الستات: "وعليكم السلام." صابر: "ماما، خدي." نبوية راحتله: "عايز إيه! صابر: "فرقة حصبله بتعمل إيه عندنا هنا." نبوية: "لأ، بس هيساعدوني في الطبيخ علشان فرح البت اختك."

صابر: "طيب مين هيفطرني." نبوية: "خش صحي هند." صابر: "طيب." صابر دخل لقي عند قعدة على السرير سرحانة. "اهند قومي حضري فطار." هند مردتش. صابر: "سمعتي قولت إييي؟ قومي اعمليلي فطار، لصوتي يعلى اللي بره يسمعوا وتبقي فضيحة." هند سكتة. صابر: "ودي أعمل فيها إيه بس." صابر دخل وشدها من قفاها. "بت قومي اعمليلي فطار." هند: "هاااه." صابر: "سلامتك يا عنيا، كنتي بتفكري في مين." هند: "في اللي مضى يا عنيااا، وسع كدااا."

صابر: "اعمليلي فطار." هند: "ناقص إيد ولا رجل؟ خش اعمل لنفسك." صابر: "أي الصباح العسل دااا بقي." هند: "صابر بجد أنا مش ريقة." صابر: "مالك يا عنيا." هند: "انت مش هتفهمني." صابر: "أنا ماشي، لاحسن الضغط يعلى وأنا لسه صغير." هند: "خد بالباب في إيدك." صابر: "لي؟ هو ابن اختي." صابر مشي ونزل على طول راح لعمر. عمر: "أي السرعة دي." صابر: "مفطرتش يا عم." عمر: "تعالى أفطرك فطار ملوكي." صابر: "يلا بينا."

عمر خده ووقفوا على عربية فول. صابر: "هو دا الفطار الملوكي." عمر: "كل وانت ساكت." صابر: "ما اللي يعرف أمثالك لازم يبقى ساكت." بعد ما فطرو أخده عمر على مكان شبه مهجور. صابر بقلق: "عمررر أنا اتوترت." عمر: "متخافش، بس تعاله." صابر: "على فكرة أنا مش خايف ب…" "اعاااااا." ظهر واحد من ورا صابر: "انتووو مين." عمر: "حلو يا ابيض." الشخص ده: "حلو يا اخضر.. الدور التاني." عمر: "تمام، يلا يا صابر."

صابر وماشي معاه: "مين أبو اخضر ده؟ عمر: "كلمة سر علشان محدش غريب يدخل المنطقة بتاعتهم." صابر: "ايييوه فهمت." طلع صابر مبني وخبط على باب. "ياااا اخضر يا عنب افتح." الباب فتح. صابر: "عجبت لك يا زمن، من افتح يا سمسم لافتح يا اخضر يا عن. هو البلد جري فيها إيه." عمر: "اسكت ودخل." دخلو وكان في واحد في أوضة قاعد وبيدخن وتنين بيعبوا ممنوعات في أكياس. "والله وطليت يا عمر، فينك."

عمر: "أبويه تعب ومقدرتش أبعد عنه. بر الوالدين، ما انت عارف يا نمساوي بقي." صابر بشلل: "الله الله عليك يا شيخ عمر." نمساوي: "ومين الواد ده! عمر: "دا صحبي عايز يدخل الكار، ومفيش أحسن منك يدخله في حتة أمان." نمساوي: "وليه سوابق ولا نضيف! صابر: "لأ، أنا نضيف، حتى مستحمى امبارح." نمساوي: "لأ، وخفيف كمان ههههه." صابر: "مهو الخفيف لازم يشتغل مع التقيل علشان التوازن." نمساوي: "هههههههه، لأ حلوة حلوة، عجبني."

عمر: "طيب أسيبكم بقي أنا." صابر كلبش فيه: "رايح فين وسايبني معاه؟ هرسوح." نمساوي: "أنت خايف ولا أي! صابر: "ل ل ل ل دا أنا بودعه بس، أصله هيوحشني." نمساوي: "روح يا عمر.. وانت اقعد." عمر مشي وصابر قعد. "نعم." نمساوي: "شكلك مؤدب." صابر: "لأ، معاك واحد أخلاق." نمساوي: "بس شغلانتنا دي عايز واحد مش اخلاق." صابر بسرعة: "اعتبرني متربتش." نمساوي: "يعجبني الواد المطيع." صابر: "هو إحنا هندننا نقضيها إعجاب؟

ما نختصر ونقرأ الفاتحة." نمساوي: "هههههه، لالا حلوة حلوووه." صابر في سره: "أي الأهط*ل اللي وقعت فيه داا؟ يلا بقي مله فدا الوطن." أما في الفيلا. نور صحيت بدري وبتلف في الأوضة. "بقي أنا من حظي أقع في واحد مجرم؟ لاء، واي قعدة بتمرقع عادي؟ ما أنا معنديش شوية من أبو أحمر، بس لازم أسلمه. كله فدااا مصر الغالية وشبابها برضو." الباب خبط. نور بخضة: "مييين." عامر: "إني." نور جريت فتحت الباب: "أيوه."

عامر: "مال وشك مخطوف أكده لي! نور: "م مين اللي خاطفه؟ بس أنا كويسة." عامر: "طيب انزلي، الفطور جاهز." نور: "طيب نازلة اهو." نور نشفت وشها ونزلت على السلم براحة لحد ما وصلت للسفرة بس لقت ستات بترص الأطباق على السفرة. "أي دا؟ هي دي أكيد مش تهيؤات." عامر: "تعالي على الوكل." نور باستغراب: "امال البرنس فين؟ عامر: "مخابرش، مشي الصبحيه." نور بشك: "و راح فين." عامر ومشي من قدامها بشلل: "يا ربي على الغباااء، قولتلك مخابرش."

نور بتطلع الموبيل من جيبها و…