رواية عروس برنس الصعيد الفصل التاسع عشر 19 - بقلم اسماء حبيب

نور…. اقسم بالله يا باشا مراته والله العظيم مراته يا باشا هو انت قفشتنا في شقة نص كم يا باشا طب اقف طيب نتفاهم أنا كده منظري هيبقى معفن قوي. صابر ينهار أزرق. صابر وما كانش مصدق عينيه…. نور لااااء أنا أكيد بحلم مستحيل. البرنس وبص للظابط ووقفه…. أنا دلوقتي هجيب المأذون اللي كتب كتابي عشان تصدق كلامي. الضابط…. يبقى هتشرف معانا لحد ما هو يجي. البرنس ماسك إيد نور…. ما تخافيش أنا معاكي ما فيش حاجة هتحصل. نور بصدمة…. صابر.

البرنس بعدم فهم…. صابر مين؟ نور وشورت على صابر أخوها…. أخويا. صابر جه يجري عليها ومسكها من إيديها…. مش معقول اللي أنا شايفه. البرنس وبعد صابر عنها…. أنت مين؟ صابر…. أنت اللي مين وبعدين أنا مش متخيل اللي بيحصل ولا مستوعبه أنت إزاي عايشة بس أنا برضه كنت حاسس إنك عايشة. نور…. يا برنس ده أخويا صابر. البرنس…. أه أهلاً وسهلاً. صابر…. لا أنا مش فاهم حاجة فهميني هو في إيه أنا مش فاهم. نور…. بص يا صابر بالله عليك ما تتعصب.

صابر…. أبص إيه بس هو أنت عفريتة ولا أنا بتهيأ لي هو أنت يا بنت مش كنتي ميتة؟ نور…. ميتة إيه بس يا صابر أنا هربت. صابر وشدها من هدومها…. وربنا لأوريك بوظتي أعصابي يا شيخة وكنت فين ده كله يا ست هانم يا محترمة وكمان جاية القسم. البرنس بعد صابر عن نور…. إيدك بس أكده. صابر بص ليه بغيظ…. وبصفتك إيه تبعدني عن أختي. البرنس…. بصفتي إني جوزها. صابر بصدمة بص لأخته…. بتهزري يا نور صح أنت اتجوزتي.

نور…. ما أنت مش مستوعب أفهمك كل حاجة. الضابط…. لا أنتم تشرفوني بقى جوه في المكتب وهنفهم كل حاجة. طبعا قعدوا في المكتب والبرنس كلم المأذون وجه وأثبت للضابط إنهم متجوزين جديد وسابهم وخرجوا التلاتة. نور…. مسكت في صابر اللي كان ماشي وسايبها…. بالله عليك ما تزعل مني أنا قلت لك ده كله كان غصب عني كنت يعني عايزة تسيب أختك تتجوز طارق المعفن بتاع الحارة وكانت مرات أبوك غصباني وأنت عارف ليه عشان كده ما صدقت هربت.

صابر…. وليه ما جيتيش تواجهيني وتفهمني إنك مش كنتي عايزاه من الأول. نور…. خفت يا صابر ما أنت عارف إن أبوك بيمشي ورا مراته وكان الموضوع خلاص ما فيش رجوع. صابر…. وأنا اللي قلبي اتقطع عليك وتعبت بسببك فكرناك ميتة. نور…. أنا آسفة. صابر…. وهيفيد بإيه للأسف دلوقتي يا نور واللي انتي عملتيه ده يتغفر! نور…. بالله عليك يا صابر تسامحني وتخلي بابا يسامحني أنا عارفة إن هو ممكن يطردني أصلاً بره البيت.

صابر صعبت عليه أخته وأخذها بين دراعاته…. أعمل إيه بس في قلبي ده مش تخافي خلاص أنا معاكي. نور…. أنا بحبك قوي يا صابر. صابر…. ما خلاص يا أختي مش تخافي هتوسط لكِ عند أبوكي بلاش جو الرومانسية البهتان ده. نور بصت ليه ومسحت دموعها وهي بتضحك…. اللي فاهمه. البرنس…. طب يلا العربية أهناك أهي. صابر بس بقرف للبرنس…. لااااا معلش إحنا بنحب مرمطة المواصلات. البرنس بهدوء…. أنا هشغل العربية وتكون ركبتوه.

البرنس ركب العربية وصابر بص للنور باستغراب…. هو بيسمع من مناخيره الراجل ده ولا إيه. نور…. أحسن حاجة ليك تسمع كلامه أنا عليا قلت لكِ وإن كان عن نفسي أنا هركب. صابر…. وأنا قلت لااااااء يا نور. بعد نص ساعة كان البرنس تحت بيت نور. صابر نزل بسرعة…. اتفضل يا برنس البيت بيتك يا جوز أختي. البرنس نزل بهدوء وفتح الباب لنور…. يلا انزلي. نور بصيت ليه بضحك…. من إمتى الرومانسية دي. البرنس…. مش عاجباكي.

نور…. لا كتر من الصنف ده حلو قوي. البرنس بس لها ضحك…. ولسه اللي جاي كتير قوي. صابر…. طب نسيبنا من التلزيق ده ونطلع بقى. البرنس بص ليه…. أنت بتقول حاجة. صابر…. أنا أنا أناااااااااا قلت! مين اللي قال؟ مش اتكلمت أنا؟! البرنس…. أه بحسب أنا سمعت صوت دبانة أم سرسعة عايزة ضربها على خشمها. صابر…. يكفينا شر الدبان يا برنس. أما فوق كانت هند بتكلم أحمد في الموبايل.

هند…. علياااا الطلبات بالتلاتة يا أحمد لو ما خليتش لون الحيطة رصاصي مانيش كاتبة كتابي عليك وعلياااا وعلي أعدائي ها. أحمد…. يعني إيه يعني! أنا أدخل بيتنا ولا هدخل سجن عشان أخلي لونها رصاصي. هند…. أنت إيش عرفك أنت فين الألوان الموضة. أحمد…. يا ستي لا مش هدهن رصاصي. هند…. ولنفترض إننا عملناها رصاصي لما العيال يشخبطوا على الحيطة مش هيبان وبكده يكون كسبنا نظافة ريحة وتوفير. أحمد…. صبرني يا رب.

هند…. طول ما أنت ماشي ورايا ربنا هيصبرك واحتسب الأجر والثواب عند الله. أحمد…. أنا أصلاً المفروض ما كنتش اتدبست في الجوازة دي من الأول. هند…. إحنا لسه فيها يا حبييييييبيييييييي أنا ما برمش نفسي على حد اااا. أحمد…. هو الناس بتستخدم حبيبي كـ رومانسية وانتِ ليه بتستعملي الكلمة حبيبي في الردحة. هند…. نحن نختلف عن الآخرين ومش في مني لا ألف ولا مية. أحمد وبكمل على نفس النمط…. وابقي كلميني على زيرو تسعمية.

هند…. لا ده أنت بقيت شاطر قوي أهو بتعرف ترد. أحمد…. تلميذك وأنا هجيبه من بره يعني معرفة تودي الواحد في داهية. هند…. ها هتجيب ليه كرتونة البيض بقى ولا إيه…. أحماااا الو احمااااااا يا أحمد سد الخط في وشي أردها ليه إزاي دي بس…. امممم يلا الجيات أكثر من الريحات وربنا لأوريك. هند سمعت صوت الباب بيخبط…. ماما افتحي يا مام. أنباوية…. اتكسحتي في رجلك عشان مش تقومي تفتحي الباب ما أنا بقولك يا حج البت دي ما عادتش عجباني.

أبوها…. قومي يا عديمة الذوق افتحي الباب. هند…. تسلم لي يا حاج عيني الاتنين. هند راحت تفتح الباب واتفاجئت بنور وصابر والبرنس وطلعت تجري في البيت….. يااااماااااااماااااااا عفريييت عفريييت عفرياااااااات يا لهواااي عفريت. أنباوية…. جرالك إيه يا بنت الملبوسة مين على الباب. هند…. ن نو ننوووووووور. أنباوية…. لا انتي شكلك اتجننتي صحيح. نور دخلت ووراها صابر…. لا يا حجة ما اتجننتيش.

أنباوية وقفت بصدمة…. بسم الله الحف.. الحفيظ.. احفظنا ياااااا رب. صابر…. استهدوا بالله يا جماعة دي مش عفريت دي نور الهربانة اللقيطة عاد. نور بهمس لصابر…. برستيجي يا صابر قدام البرنس. صابر…. برستيييييج إيه يا أم برستيييج اسكتي أما نشوف هعمل إيه في المصيبة بتاعتك دي. نور…. أنت شايف كده يعني؟ صابر…. أه عندك رأي تاني. نور…. اخص عليك أنت مش فيه من بعد الكلام حاجة تتقال يا ابني. صابر…. بحسب. نور…. لا أبقى أطرح.

البرنس دخل بعديهم…. السلام عليكم. أبوها بصدمة…. مين ده وانتي كنتي فين ده كله واحنا اللي فكرناك متي وهو في إيه! أنا مش فاهم حاجة. نور…. وحد الله في قلبك يا حاج وأنا هفهمك كل حاجة بس بالله عليك خلي السلاح نايم. أول ما صابر بدأ يحكي ليهم على كل حاجة أبوها طلع يجري وراها وجابها من قفاها…. بقى انتييي تعملي كل ده.

البرنس بعد أبوها عنها…. هي أي نعم غلطت ولك حق في أي حاجة هتعملها بس عايز أعرفك إنها دلوقتي في عصمة راجل واني ما أقبلش إن مراتي تتضرب. نور…. ياه وأخيراً لقيت حد يدافع عني تسلم لي يا سي برنس. أبوها…. والله أنت فاكرها هتبعد عني كده. البرنس…. لا حقك ومانيش بعدها عنك بس ناخد الأمور بهدوء. أبوها…. طب والله إنك راجل سيبها لي بقى.

البرنس…. أنا كنت جاي بس أخليك تشوفها لأني هاخدها وأروح بيتي وهنسافر يعني كنت جاي أعرفك بنفسي واني مين وأبقى إيه. أبوها…. هو شكلك يدي على ابن أصول بس إيه اللي وقعك في البهيمة دي. البرنس…. القدر. نور…. أنا غلطت بس كان غصب عني أنا ما كنتش عايزة الجوازة دي. أنباوية…. وكان ماله طارق يختي. نور.. هو انتي ليه بتكرهيني كده هو أنا آذيتك في إيه.

هند…. على فكرة يا نور إيه اللي عملتيه كان غلط كبير قوي وإنك تهربي ما كانش سهل علينا كلنا وكان من مصلحتك تيجي على الأقل تكلمي بابا وبعدين تهربي. أبوها…. اسكتي لأكسر عضك. هند…. اعتبرني ما اتكلمتش يا حاج. أبوها…. شوف أنا هوافق إن هي تمشي معاك بس بشرط. البرنس…. اشترط طبعاً زي ما تحب.

أبوها…. عايزك تحطها في عينيك مش تزعلها أبداً صحيح أنا قسيت عليكي يا بنتي فترة كبيرة قوي وجيت عليكي قوي قوي وما عرفتش قيمتك غير لما بعدت عني. نور جريت وحضنت باباها…. أنا بحبك قوي قوي يا بابا. باباها…. وأنا يا عيون بابا. صابر…. أكاد أبكي من فرط الحنان. هند…. ما تسكت بقى بقولك يا نور خطوبة الواد ده يوم الأربعاء خليكي هنا لحد ما يخطب بقى. نور بصدمة…. يخطب مين ياض؟! صابر…. بعيد عن السامعين والحاضرين رضا بنت المعلم.

نور ضحكت قوي عليه…. اللي مسحت بكرامتك بلاط الشارع صح. صابر…. ما تبص بقى أنت لازم تفضحنا موضوع وعدى هي دلوقتي اتغيرت علشاني أكيد. نور…. ربنا يتمم ليك بخير. البرنس…. بس أنا مش هقدر أدني هنا لازم أعود البلد. نور…. خلاص يا جماعة أنا هروح مع البرنس وأجي يوم الأربعاء. هند…. انتي بعتينا كده كلنا عشان خاطر البرنس. نور…. ومش أي برنس ده برنس قلبي. هند…. بنت من إمتى التلزيق ده. نور…. اعتبريه من النهارده يلا يا سي البرنس.

صابر…. عليه العوض ومنه العوض بنتك باظت يا حاج ما عدتش نافعة. البرنس بعد قعدة مع أهل نور نور أخذت هدومها ومشيت مع البرنس ووصله بيتهم الجديد بعد ساعات. البرنس…. انزلي يلا. نور بصت لقت أرض زراعية كبيرة وفي قدامها بيت قديم. نور…. هو ده. البرنس…. هو ده البيت الحلال بيت جدي مستعد ندخل. نور…. هو جوه. البرنس…. أيوه أنا مش خابر قوي بس بيتهيأ لي جوه. نور…. طب وهتعمل إيه. البرنس…. ما خبرش بس تعال.

نور مشيت معاه وخبطوا على الباب وفتح لهم راجل كبير واتكلم بذهول أول ما شاف البرنس.. قاسم. قاسم بابتسامة أمل…. إزيك يا جدي. جدو بذهول…. أنت كيف حي قالوا ليه إنك مت. قاسم…. لا يا جدي إني حي ما متش أبوي وأمي هما اللي ماتوا في السجن. جدو…. طب ادخل يا ابني ما تقفش على الباب أكده ومين البنية دي. نور…. أنا مراته يا عم الحاج. جدو…. اتفضلي يا بنتي اتفضلي.

البرنس دخل وحكى ليه كل حاجة وكان جدو فرحان إنه لقى بنت تغيروا وتغير تفكيره. بص يا ابني انت هتدنك هنا وتعيش معايا انت ومراتك الدار كبيرة وواسعة وتسع من الحبايب ألف ومن حيث الشغل في الأرض إني هعلمك كل حاجة. البرنس…. والله يا جدي أنا مش عارف أقول ليك إيه. جدو…. انت ما تقولش حاجة انت من هنا ورايح تسمع كل اللي هقولك عليه. البرنس…. من العين دي يا جدي للعين دي كل حاجة تقولها أمر وهيتنفذ.

نور كانت مبسوطة إنها على الأقل عاشت مع حد بتحبه وحبه حياتها كده. وأما عن صابر خطب رضا وكان خارج معاها في يوم. صابر نزل من البيت وراح ياخدها من بيتهم…. يااااا رضا انزلي أنا تحت واقفي. رضا بقفل الباب ونزله بسرعة…. جايه أهو ما تستعجلنيش. صابر أول ما شافها نازلة بفستان كان مقسم جسمها زعق فيها…. إيه اللي انتي لابساه ده. رضا…. وماله اللي أنا لابساه. صابر…. هو إنتي شايفاني مركب قرون ولا خروف أبوكي بعته يا هانم.

رضا…. إيه اللي انت بتقوله ده بس. صابر…. اطلعي غيري اللبس اللي انتي لابساه ده لاما ما فيش خروج. رضا…. يا باي منك أنا لسه هغير. صابر…. ولو شفتك نازلة باللبس ده تاني وربنا ما نكمل مع بعض أنا ما بحبش كده اللبس اللي ما يرضيش ربنا ده ما يتمشيش بيه في الشارع بس ممكن تمشي بيه في بيتنا عادي براحتك. رضا ضحكت عليه…. ماشي من عيني. صابر…. تسلم عيونك. رضا…. خلاص بقى اتلم. صابر…. هو أنا عملت حاجة يا ولية هتفتري عليا ولا إيه.

رضا…. ما خلاص بقى يا صابر لا نقلبها عركة. صابر…. اطلعي يا بت اطلعي ومش هتتأخري. رضا وحست فعلاً إن هي هتتجوزه راجل واختارت صح.. حاضر يا صابر. صابر واقف مستنيها…. ياااتاه الواحد كبر وبقى يمشي كلامه على حريمه بقيت راجل ياض يا صابر. عند هند اللي كانت كتبت كتابها واتجوزت ابن عمها أحمد.. في الشقة.. أحمد…. نفسي أفهم ليه ما عملتيش أكل أنا جاي جعان. هند…. اطلب دليفري.

أحمد…. دليفري إيه يا مقشفة يا بنتي انتي كنتي بتدخلي براسك و بتاكلي المحشي من الحلة تقولي ليه أطلب دليفري. هند…. إيه ده مين اللي قال ليك على موضوع الحلة ده. أحمد…. صابر يا أختي وقومي بقى حضري ليه الأكل أنا هموت من الجوع. هند…. على فكرة الست مش ملزمة تعمل الأكل لجوزها. أحمد…. قسما بالله يا هند لو ما قمتي عملت الأكل لأ وربنا لتنزلي أكل عند أمي.

هند قامت ودخلت الأوضة لبست العباية السمرة…. يلا بينا ننزل ناكل احنا الاثنين هي مرات عمي غريبة ونفسها في الأكل جميل بشكل يلا بينا. أحمد بشلل…. أعمل فيكي إيه بس يا بعيدة. هند…. أعمل بيا جمعية وأقبضها الأول أنا نازلة لو عايز تنزل تاكل بيت أمي مفتوح عن إذنك أما الحق آكل للأكل يخلص. أحمد…. استني يا طفصة خديه معاكي أنا جاي أهو.

كانت حياة هند وأحمد نوعاً ما مستقرة بعيداً عن الإهمال بتاع هند إلى أنها كانت بتقدر تحتوي أحمد اللي بيعلمها واحدة واحدة غلطها. أما عند نور كانت بتطبخ في المطبخ وسمعت صوت البرنس جه طلعت تجري…. أنت جيت يا سي برنس. البرنس بتعب قعد على الكرسي…. أه يا نور وجعان قوي. نور…. فوريييره كده ويكون رصيت الأكل كله. البرنس واستغراب…. إيه الرضا ده من إمتى. نور فرحه…. أصل في خبر حلو يا سي برنس.

البرنس…. ما تقولي على طول انتي دايماً أكده غاوية لف ودوران. نور…. من الآخر كده أنا حامل. البرنس وقف بفرحه…. صوح الكلام ده ولا بتضحكي عليا. نور…. طب والله العظيم حامل رحت كشفت عند الدكتورة اللي جنبنا هنا. البرنس بعصبية فجأة…. إزاي تطلعي من بره الدار ومش تقولي ليه. نور…. الله كنت عايزة أخليها ليك كده مفاجأة اتعصبت ليه بس. البرنس…. علشان طلعت بره الدار من غير إذن. نور.. خلاص بقى حقك عليا مش تفسد اللحظة.

البرنس…. هعديها لكِ المرة دي عشان مبسوط. نور…. أمال لو مش كنت مبسوط كنت هتوئدني. البرنس…. المهم مش تتعبي حالك في الشغل اليومين دول وأنا هجيب خدامة تخدمك ورزق العيل ده على الله ربنا يطعمنا ويرزقنا بحلاله. نور…. أحلى حاجة الحلال ده بجد مفيش أحلى من.. ثواني بس خدااامة عايز تجيب واحدة سااااات بقى صح. البرنس…. أمال أجيب راجل! نور…. وطبعاً بقى تبص ليها وتبص ليك وشوشو يوسوس والرزيلة تطبل.

البرنس.. قسما بالله لو ما اتعدلتي لعدلك انت عارف إن اللي في قلبي بس واحدة ما الها تاني. نور ضحكه…. بعشق لغة الرومانسية بتاعتك يا برنس. البرنس…. واني كمان. نور…. كده كده أصلاً أنا واحدة واثقة في نفسي وإن مفيش عروس واحدة تنفعك غيري أنا عروسة البرنس وبس. البرنس واخدها بين دراعاته…. انتي عروس برنس الصعيد اللي ما الهاش تاني.