رواية عريس لقطة الفصل التاسع 9 - بقلم حنين عادل

اعمل ايه يا ماما مش راضي يكلمني. حاولت كتير أصالحُه وهو متجاهلني. تقولي إيه قاتلاه؟ ما أنا طلعته، هاعمل إيه أكتر من كده؟ يعني أموت نفسي؟ دي دماغه صغيرة خالص. ماما: بصي، بطلي شغل الهبل بتاعك ده واستغلي أنوثتك. أنا: أنا؟ ماما: وحركات "ما تيجي نجيب مليجي". لأتفاجأ بقلم نازل على وشي. ماما: مش اللي في دماغك يا زبالة، هو أنا عرفت أربي؟ أنا: قصدك إيه يعني؟ ماما: قصدي تغريه بجمالك، بطلي شغل المقالب ووريه إنك رقيقة وجميلة.

أنا: إن شاء الله يصلح حالك ويجبر خاطرك يا رب. ماما: أنا عارفة إنك هتنيلّي الدنيا. أنا: أنا؟ ده أنا هبهرك! دخلت أوضتي استعدادًا لتنفيذ الخطة الاستراتيجية. أثناء ما كنت بعمل عنه سيرش (أه، ده أنا جامدة جدًا في الإنجليزي، ما يغركوش يعني! وجدت أنه بيروح نايت كلاب واحد لا غير، يتردد إليه دائمًا. وده إن شاء الله هيكون المحطة الجاية. أكرمنا يا رب. مكالمة هاتفية. سيف: إيه يا بني، إنت فين؟ فارس: في البيت، بريح أعصابي.

سيف: تعالي نسهر النهاردة، ماتكسلش بقى. فارس: بجد مش قادر. سيف: لا يا عم، إنت واحشني وعايز أشوفك، تعالي بقى المكان بتاعنا. فارس: ماشي، هاجي. سيف: أشطة يا بروف. فارس: أشطة. هلاقيهالك منك ولا منها ولا من مين؟ سيف: 😂😂😂😂 الله يكون في عونك يا بني. في النايت كلاب. سيف: أيوه كده، فك، ماحدش واخد حاجة. فارس: أنا عايز أعرف وشي عليه إيه، كل ما تبص لي تضحك. سيف: ها، لا ولا حاجة يا بني، أنا مبسوط إني شفتك.

فارس: يا رب يكون ده السبب. سيف: أوماااال هيبقى إيه يعني؟ فارس: 🥴🥴. لبست فستان سهرة قصير وسبت شعري وأنا واقفة قدام المرايا. حطيت ميكب هادي. طلعت قمرين، قمرين إيه؟ تلاتة، أربعة، إيه ده كله؟ يخربيت جمالي، أوديكِ فين يا ثقة؟ لبست عباية فوق الفستان. أهل الحتة عندنا إن شافوني كده هبقى ما كانش يومي. ركبت تاكسي وقلعت فيه العبايه. الراجل كان مفكرني، لا مؤاخذة، بس إحنا أشرف من الشرف. نزلت قدام النايت كلاب ودخلت. ربنا يستر.

فارس كرم. كان قاعد على البار. قربت منه وأنا مبتسمة. كده بالظبط، أه، لازم أبين له إني رقيقة. فارس: إيه اللي جابك هنا؟ أنا عارف إنك عاملة لي الأسود. أنا: وحشتني يا فاروسي، ما وحشتكش ولا إيه؟ فارس: 🙂. أنا: عارفة إني وحشاك وإني بتحبني زي ما أنا بحبك. صح؟ سيف: 😂😂😂😂 أنا سيف ص... أنا: عارفة إنك صاحبه، إزيك يا سيف؟ سيف: أنا تمام. 😍😘 ليتفاجأ بقلم على وشه.

سيف: اظبط يا سيف، حركات حمدي الوزير دي مش عندنا، نحن بنات عائلات محترمات. سيف: إني آسف. 😂 شديت فارس من إيده، قصدي شدني من إيدي عشان نرقص مع بعض. فضلت أرقص وهو واقف صنم. لحد ما سابني وراح قعد على البار. كملت رقص لعل وعسى يجي يحن عليا ويعرف إن مالهوش غيري. سيف: يا عم البت جايلك مخصوص وبتحبك، ماتريحها بقى وريح نفسك. فارس: بس يا... سيف: بس، وربنا حلوة ودمها خفيف. إن ما شلتش اشتال أنا... فارس: اشتال وريحني. 👍

برقص ألاقي حد بيمسكني جامد. اللي بنعمله في الناس هايطلع علينا ولا إيه؟ واحد شارب وريحته طالعة. يعم حرام عليك، سيبني بقى. بيحسس على جسمي وبيقرّب مني بالجامد وبيحاول يبوسني وأنا بحاول أبعده ومش قادرة. أول مرة في حياتي أحس بالخوف. لحد ما غمضت عنيا، ما عدتش قادرة أبعده. لحد ما لقيته بعد عني أخيرًا. فتحت عنيا لقيت فارس ماسكه من قفاه وشده على الأرض ومطلعه بره. This my hero. طلعت أجري وراه، طلعت بره. لقيته طاحن الراجل ضرب.

أنا لسه هتكلم وأقول: لو كنت استنيت شوية كان فاتني عجنته في بعضه، ما كنتش محتاجة حد. اتفاجأ بقلم على وشي وقعني على الأرض. حسيت إن الإشارة راحت، ما عدتش شايفة بودني ولا سامعة بعيني. قمت من على الأرض وأنا دايخة. فارس بغضب: اللي تعمل كده زيك تبقى واحدة رخيصة. أنا ببكاء: رخيصة عشان حبيتك. فارس: أيوه رخيصة ورامية نفسك، وما فيش واحدة محترمة تعمل اللي عملتيه ده. بجد أنا عمري ما شفت بنت أرخص منك. وإيه القرف اللي لابساه ده؟

في واحدة محترمة تلبسه؟ أنا: عمرك ما شفت واحدة أرخص مني، وأنا في نظرك مش محترمة. فارس: أيوه مش محترمة، وعمري ما هربط اسمي باسم واحدة زيك، لأني بقرف منك. أنا: إنت عندك حق، أنا اللي غلطت ورخصت نفسي لما حبيتك، بس أنا قلت يمكن تحبني زي ما بحبك. بس في الآخر شوفتني واحدة مش محترمة ورامية نفسها عليك، وفي الآخر بتقرف مني. أنا عمري ما حد جرحني وقلل مني قدك. أنا هامشي وما عدتش هتشوف وشي تاني.

بس اعرف إن عمر ما حد كان بيحبك قدي، بس دلوقتي ما حد كرهك قدي. مشيت وأنا حاسة إن قلبي متقطع ميت حتة. إيه ده، أنا وصلت لإيه؟ وصلت نفسي لكده عشان بحبه. ملعون أبو الحب اللي يذل صاحبه. وصلت البيت وقلعت العبايه. إيه ده، أنا وصلت لإيه؟ وصلت لكده. مسحت دموعي وبصيت لنفسي في المرايا: أنا عملت كل ده عشان بحبك، مش عشان رخيصة أو مش محترمة. إنت اللي ما تستاهلنيش، ما تستاهلش واحدة حبتك قدي. أنا هنسّاك، هنسّاك يا فارس.

قلبي زي ما حبك هينساك ويكرهك، وده وعد وحياة حبي ليك. قدام النايت كلاب. سيف: ليه كده يا فارس؟ فارس: إيه؟ سيف: ليه جرحتها؟ فارس: إنت شفت اللي حصل؟ سيف: أيوه، إنت زودتها أوي، دي شكلها بتحبك يا جدع. فارس: وإيه بقى اللي عرفك إن شاء الله؟ سيف: عيون المحب فضحاه. فارس: وإنت فاكر إن بعد كل اللي عملته ده هتمشي أو هتبعد عني؟ دي مش بتحس، دي لزقة. سيف: لا، خلاص شكلها ما عدتش هاتقرب منك. فارس: يا ريت، بس ده لو عندها كرامة.

ماما: طب بتعيطي ليه دلوقتي؟ قولي لي إيه اللي حصل يومها، وإنت بقالك يومين قافلة على نفسك وبتعيطي، في إيه بس؟ أنا: مفيش يا ماما، تعبانة. ماما: طب فارس عملك حاجة؟ أنا: ما عدش فيه فارس خلاص. ماما: 🥺🥺🥺🥺 ليه؟ أنا: عشان... عشان ما بيحبنيش يا ماما، وإن الحب ما جاش دلوقتي عمره ما هيجي. ماما: متأكدة إن ده السبب؟ أنا: أيوه. 😭 أنا طول عمري بضحك ومبسوطة، أنا طبيعتي كده، ما بحبش النكد. بس لما بزعل بزعل وبيجيلي اكتئاب.

أصل الناس اللي بتضحك على طول دي قلبها أبيض، فمش بتستحمل. بس عارف يا فارس، كل ما بنسى كلامك برجع أفتكره. عقلي مش راضي ينسى، وقلبي مش قادر يسامح. خلاص مبقاش وجودك عندي ليه معنى، خلاص مبقتش توحشني. خلاص أنا مش بفكر فيك عشان واحشني، أنا بفكر في كلامك اللي جرح قلبي ومش قادرة أنساه. في بيت فارس. سيف: بتقول إيه يا عم؟ بجد أسبوع وما شفتهاش؟ فارس: أيوه، ارتحت. 😡 سيف: عشان تبقى تصدقني، إنت زودتها أوي.

فارس: لا، هوا ده اللي كنت عايزاه، إنها تبعد عني. أنا كده مرتاح. ويلا بقى بيتك بيتك، عايز أنام. سيف: عااااا، بتطردني يا برو؟ فارس: أيوه. 😂 سيف: هوا إنتوا كده الرجالة مالكوش أمان، تاخدونا لحم وترمونا عضم. اخص عليك يا خاين. 😂 فارس: خلصت، يلا بقى. 😂 وزقه بره. سيف: يا خسارة حبي ليك. 😂 ومشي. نام فارس. وبعد ساعتين صحي. فارس: 😳 معقول أنا حلمت بيها. وبس كده بقى، كفاية عليكم توقعاتكم للي جاي، مع إن أنا محدش يتوقعني. 😎😂😂

نيهاهاهاهاهاها.