رواية عريس لقطة الفصل الأول 1 - بقلم حنين عادل

ماما: سيبك المهم احكيلي حصل أي قبل ما جي. ولا حاجة يا ستي، وشي طول السكة احمر من الكسوف، انتي عارفاني خجولة. يقولي اسمك إيه؟ مردش. يقولي انتي كويسة؟ ما ردش. يقولي أنا اسمي فارس؟ مردش. انتي عارفة يا ماما أنا خجولة أوي ومبعرفش أتصرف. ماما: ما ده اللي هيوكسك ويقعدك جمبي. أعمل إيه يا ماما، الخجل زينة المرأة برضه وصوت المرأة عورة. ماما: لازم تتدردحي شوية، عايزة أشوفك عروسة بقى وأخلص منك.

يعني أعمل إيه يعني يا ماما، طبيعتي كده، انتي عارفة يا ماما أصحابي بيكلموا شباب وحاجة آخر قرف، بس الحمد لله يا ماما عرفتي تربي، واديكي شفتي واد زي القمر باشا يخلي الحجر ينطق، بس أنا خجلي منعني. ماما قربت مني ومسكتني من ودني. ماما: هو مين ده يا بت اللي خجول على أمك يا روح أمك. آه آه آه، خلاص خلاص، أنا آسفة، هاحكيلك كل حاجة. ماما: أيوة كده، ظبطتي. بصي يا ماما، أنا كان ناقص أقول له زوجتك نفسي، ده اللي كان فاضل.

ماما: ما أنا عارفة، ما ربيتش تربية زبالة. يعني أجي بفايدة. ماما: الواد ما عادش راجع تاني يشوف خلقتك. طب إيه العمل يا مدرسة؟ هاعمل إيه؟ ماما: أنا عملت وخلصت يا روحي. عملتي إيه يا مدرسة؟ ماما بتطلع تليفونه من جيبها وبتضحك. قلبتي الراجل في تليفونه. ماما: بس يا بت، ده كله عشانك. إد إيه انتي أم عظيمة. ماما: هو الواد قمر، خسارة فيكي وفي اللي خلفوكي. يا ماما انتي ليه مش مقتنعة إنها راحت عليكي.

ماما: راحت على مين يا روح أمك، انتي بس اللي كبرتيني، أصلاً اللي يشوفني جنبك يقول أختك. والصغيرة كمان. ماما: أيوه ما أنا عارفة. المهم انتي كويسة زي القردة ولازم نمشي، ها يعرف إزاي يجي. لا ما أنا قلت له على العنوان. ماما: لا، عرفت أربي. ما أعمل إيه يا ماما، الواد يتاكل أكل. ماما: أنا اللي جبته لنفسي، أنا أمك يا بنت الهبلة. انتي حبيبتي وصاحبتي يا فوفا. ماما: يعني قلتيله على العنوان بالظبط.

بالمللي، وإن ما افتكرهوش يرن على التليفون يسأل. وحان وقت الخطة التانية، التدبيسة. نيها هاهاهاها. ماما: انتي اتهبلتي يا بت. احم، معلش اندمجت شوية. روحنا البيت. أخدت تليفونه أقلب فيه. إيه ده، حتى التليفون ريحته حلوة أوي أوي. فتحت الفيس والواتس. اسمه فارس أبو الوفا. عنده 256 صديق على الفيس، بس عنده 20 ألف متابع. مش بيتكلم مع بنات. عنده 20 محادثة على واتساب كلها شغل. شكله كان دحيح. لا شكله محترم.

وطبعاً عشان هو معايا أمانة، مارضيتش أقلب فيه عشان دي أسرار. كله إلا الأمانة. أنا بموت فيا وأنا محافظة على مبادئي. يعدي يوم. والتاني ومفيش فايدة. إيه الواد نسي التليفون ولا إيه. كنت واقفة في البلكونة سرحانة. يا ترى بيفكر فيا؟ أنا شفت ده في عينيه. أنا عارفة، هو كان معجب بيا. أنا بنت حلوة برضه وتتحب. إيه ده، دا يجي. أروح فين. أجري أدخل الشقة. وأطلع تاني البلكونة. أنا اتجننت ولا إيه. ولحسن الحظ أمي تحت.

زغاريط على السلم ومبروك يا أم حنين. لولولولولولولي. ماما: الله يبارك فيكم، عقبال عندكم. فارس: مبروك. ماما: الله يبارك فيك يا غالي. مش عارف. دخل. أنا كنت. ماما: طب بس اقعد نشرب حاجة. قعد. ماما: يا أبو حنين يا أبو حنين. بابا: إيه يا أم حنين. ماما: عريس يا خويا جاي يتقدم لحنين. فارس. أنا. ماما: 😉. فارس: بس. ماما: هاتي الشربات يا بت ولولولولولي. بابا: قولي يا بني أهلك ما جوش معاك ليه. فارس: أصل.

ماما: هايجوا لما نتفق على كل حاجة. طلعت بالشربات. ماما: قوم يا خويا نسيبهم يتكلموا مع بعض شوية. بابا: يتكلموا إيه يا ولية، مش لما أعرفه الأول. ماما: تعالي بس وأنا هاقولك. بابا سمع الكلام، أصل ماما مسيطرة. دخلت قعدت. يا لهوي، انت إيه يا عم بقا، بدلك بتموتني. فارس: في سوء تفاهم، أنا كنت. حلاوته زايدة حتة، هات لنا منه ستة. فارس: نعم. ها، بتقول إيه. فارس: بقول في سوء تفاهم. وأنا كمان بحبك. فارس: نعم.

برفانك تحفة، لاكوست ده. فارس: أيوه. الابيض. فارس: أيوه. آه يا أبيض انت يا عريس. فارس: هو في إيه. خلاص، أنا موافقة. فارس: على إيه. يا ماما يا ماما. ماما اجت. ماما: ها يا عرسان، إيه الأخبار. فارس: عرسان. أنا موافقة. ماما: على بركة الله. لولولولولولولي. فارس: لا مش قادر. انكجته وهوا يا عيني من الصدمة كان زي الفرخة الدايخة. وشبكت صوابعي في صوابعي. عارف شبكة العشرة الكرام دول، انت محظوظ بجد. نيهاهاهاهاهاها.

فارس، انت أغمي عليك. فارس، انت ليه مش بترد. ما انت فاتح عينك أهو. فارس، طب هنتجوز امتى. بيشاور بإيده أنه مش قادر يتكلم. يا حبيبي، مستعجل أوي كده، خمس أيام للدرجادي بتحبني. فارسيتبع