رواية عشق الادهم الفصل الثامن 8 - بقلم نجلاء عبد الظاهر

بيري: انت بتقول إيه؟ يامن: بيري، أدهم اتجوز عليكي. بيري: أنا لازم أروح دلوقتي. يامن: ولو حد من العيلة شافك هتقوليله إيه؟ بيري: مراته. يامن: انتي ناسية إن محدش يعرف بجوازكم العرفي غيري. بيري: أيوه بس ده بيروح من جوزي يا يامن. يامن: انتي هتستعبطي. أدهم أصلاً لا بتاع جواز ولا غيره، وإنتي اللي غصبانيه على الحاجات اللي معاكي. بيري: ماتسكت بقى يا يامن، انت عايز إيه مني آخرتها؟ يامن: بصي يا بيري، إحنا مصلحتنا واحدة.

بيري: أفندم؟ مفهمتش قصدك. يامن: أنا عايز نغم، وإنتي عايزة أدهم. بيري: نغم اللي اتجوزها؟ يامن: أيوه. البنت حلوة أوي وأنا حبيتها، بس أنا طبعًا مش هعمل زيكم وهروح أتجوز عرفي. أنا أذكى منك يا بيري على فكرة. هخليها تحبني وتتطلق من أدهم، وإنتي تاخديه، وأنا هتجوزها قدام العالم كله. بيري: انت بتكدب على نفسك. حبيتها إيه يا يامن؟ من يوم ما إنت عاجبك شكلها يا يامن. وده مش جواز ومش هتاخد منك أسبوع وهتزهق منها وهتطلقها.

اتنفس يامن بضيق: بقولك إيه، مش هينفع الكلام هنا. هبعتلك لوكيشن، هستناكي هناك بعد ما أخلص شغلي. بيري: ابعت. قفل يامن الموبايل بضيق ومسك اللاب وبدأ يشتغل. وكل ده السكرتيرة سامعة. ندي: انتي بتعملي إيه يا روضة؟ روضة بتوتر: ولا حاجة، أنا كنت داخلة لمستر يامن. ندي: ادخلي. شافتها مشيت، وهي كمان بعدت على طول من قدام المكتب قبل ما حد تاني يشوفها ويشك فيها. قعدت روضة وهي عمالة تهز رجلها بتوتر وبتفكر في الكلام اللي قاله يامن.

فاقت على صوته بيناديها. يامن: روضة! روضة بتوتر: نعم يا مستر يامن. يامن: هاتي الملف بتاع الشركة اللي هنعمل معاها المناقصة. روضة: حا حاضر حاضر جاية. وجابت الملفات وادتهالها. عند نغم. خلصت أكل ومسكت الأطباق وكانت هتغسلهم. أدهم: سيبيهم، أنا هخلي الخدم يغسلوهم، متعمليش حاجة. نغم: اسكت لو سمحت، أنا هعمل أنا. أنا عايزة أسأل سؤال، هو أنا كده مرتك رسمي؟ ابتسم أدهم: أيوه. نغم: انت مبسوط على إيه؟ انت مقولتليش حاجة.

هو انت خدرتني؟ أدهم: يعني رشتلك حاجة وإنتي نايمة. نغم: كسرت الباب؟ أدهم: كسرت الباب. حطت إيدها على وشها بضيق وفتحت الماية، بس أول ما جت عليها اتألمت. نغم: آي! أدهم: انتي كويسة؟ ابعدي خلاص. نغم: قلتلك ملكش دعوة. أدهم: خلاص ابعدي، أنا هغسلهم. بعدت نغم وهي شايفاه بيحاول يعمل أي حاجة. أدهم: يا خرا*بي، شوفتي بقى بيبرق إزاي. ضحكت نغم: انت مش حاسس إنك بقالك ساعة في طبق. أدهم: إش! إنتي. رفعت نغم حاجبها وقعدت مستنياه يخلص.

أدهم: أوف، أخيراً. نغم: ناوية أزغرط وأوزع رز بلبن. ابتسم أدهم بسخرية وهي مشيت من قدامه. عدى يوم، يومين، أسبوع وهما زي القط والفار. تك تك. نغم: مين؟ زينة: برقة. أدهم هنا. نغم بغيظ: لااا! ويلا من هنا بدل ما أجيبك من شعرك. وقفل الباب في وشها. نغم: أدهم! نزل أدهم وهو بيبتسم بتوتر. نغم: تاني يا أدهم، حرام عليك بقى. يا أخي قلتلك هنتطلق بس اعملي حساب شوية. وقعدت على الأرض ضمة نفسها وقعدت تعيط. قرب منها وضمها ليه.

أدهم: أنا آسف. نغم: أسفك مش هيفيد بحاجة. وخرجت منه وراحت المطبخ. بص لطيفها بحزن وطلع تاني. بيري: إيه؟ عملتي إيه؟ زينة: مفيش غيرها. بيري: وهو موجود؟ زينة: مش عارفة، هي قفلت الباب على طول. بيري: تمام. وقربت من البيت بخبث وخبطت. كانت نغم في الطبخ بتعمل نسكافيه لنفسها وسمعت صوت الجرس بيرن تاني. نغم: ملحقتش يا أدهم وربنا. فتحت ولقيت بيري قدامها. نغم: نعم. بيري: أدهم موجود. نغم: لا، أدهم غير متاح. اتفقنا؟

يلا يا حبيبتي أشوف وشك مش بخير. ولسة هتقفل الباب لكن مسكته بيري ودخلت. نغم: تعالي هنا. بيري: مش عايزة تعرفي أنا مين؟ نغم: واحدة رخي*صة؟ بيري: لا يا حبيبتي، أنا مراته.