رواية عشق الأدهم الفصل الرابع عشر 14 - بقلم فرح القصاص

قمر فتحت الباب واتصدمت. قمر بصوت عالي: انتي إيه اللي جابك هنا؟ الكل اتخض وراحوا لقمر. ادهم بصدمة: نور؟ نرمين: في إيه يابنتي مالك ومين دي؟ قمر بعصبية: ردي إيه اللي جابك؟ نور بعياط: أنا، أنا كنت جاية أعتذرلك عن الموقف اللي حصل المرة اللي فاتت، صدقيني مكنتش أعرف إنه اتجوز، ولما عرفت قولت لازم أجي أعتذر. قمر: وإيه المطلوب؟ إبراهيم: يابنتي جاية بتعتذرلك، يبقى عايزة إيه يعني؟

قمر: لو سمحت يا بابا ملكش دعوة بالموضوع، أنت مش عارف إيه اللي حصل. نور: والله يا عمو أنا مكنتش أعرف إن أدهم اتجوز، فلما عرفت جيت أعتذر. ادهم: خلاص يا نور، اقبلي اعتذارك. نور: بجد؟ ادهم بص لقمر. قمر ببرود: أيوا. نرمين: بما إن كده، تعالي اشربي معانا كوباية شاي. نور: مرسي يا طنط. قمر: بما إن الكل اتجمع كده، حابين أنا وأدهم نخبركم بحاجة. ادهم حاوطها من وسطها، تحت نظرات نور بغيرة. نرمين: قولوا يا حبيبي.

قمر بفرحة: أنا حامل. إبراهيم ونرمين فرحوا جامد وبركولهم. قمر باستفزاز: إيه يا نور مش هتبركيلنا انتي كمان؟ نور بغيظ: لا طبعاً يا روحي، ألف مبروك يا حياتي. قمر: الله يبارك فيكي، عقبالك يا رب. ادهم: طب يلا يا قمر. إبراهيم: اقعدوا كمان شوية حتى. ادهم: والله يا عمي على عيني، بس عشان معاد الدكتورة. نور: بعد إذنكم يا جماعة. نرمين: إذنك معاكي يا حبيبتي.

نور: آه صح، يا أدهم انت وقمر معزمين عندي بكرة، ومفيش أعذار، مستنياكم، باي. قمر: أوف، واحدة باردة والله. ادهم: طب يلا ولا إيه؟ قمر بابتسامة: يلا. *** مازن بصدمة: انت.. انت عايش إزاي؟ لا لا أنا بحلم، مستحيل تكون عايش. _لا مش بتحلم ولا حاجة، أنا واقف قدامك يعني لسه عايش. مازن: عايش إزاي؟ ده أنا دفنتك بإيدي أنا وأدهم. _ياااه، دي حكاية طويلة أوي، مش وقته. مازن: طب انت ظهرت ليه دلوقتي بالذات؟ _ما هو ده اللي جي علشانه. ***

في الطريق. ادهم بيضحك جامد. قمر: بتضحك على إيه؟ ضحكني معاك. ادهم: على ردة فعلك لما شفتي نور. قمر: أصلاً دي بت مش سهلة، إزاي كنت بتحبها؟ ادهم: إيه الدخان اللي طالع من راسك؟ قمر بخضة: فين؟ فين؟ ادهم بيضحك بقوة: قصدي غيرانة يا هبلة. قمر بتضربه بهزار: ركز في الطريق، وبعدين أغير إيه بس؟ ولو يوم ما أغير هغير من دي. وحد قطع عليهم الطريق. شاب: طلعوا اللي معاكم. ادهم اتعصب وكان هينزلهم، قمر مسكته.

قمر: لا يا ادهم، اللي عايزه وخلّينا نمشي. شاب: نزّلولي المزة اللي معاه دي، تلزمنا. قمر بصوت عالي: ابعدوا عنيييي، ااااادهمممم! ادهم بعصبية شديدة جداً نزل في الشاب، ضربه شاب جاي من وراه ماسك حديدة. قمر: اااادهمممم!