رواية عشق الادهم الفصل الثالث 3 - بقلم ميرو عادل

عدا الأيام وقبل كتب الكتاب بيومين. نزل ادهم لقا الكل قاعد على السفرة. ادهم: سلامو عليكم. ردو كلهم: وعليكم السلام. الجد: ادهم ومحمد هيروح مع البنات عشان يجيبوا الفساتين. البنات فرحت أوي. والشباب تمام ي جدي. طلعوا البنات يجرو يلبسوا. لبسوا ونزلوا، ولبسوا كلهم زي بعض: بنطلون أبيض وتيشيرت أسود وكوتش أسود في أبيض، ورفعوا شعرهم ديل حصان. والشباب لبسوا عكسهم، فاهمين يعني بنطلون أسود والشيرت أبيض والكوتش أبيض.

نزلوا كلهم واتصدموا إنهم عاملين ماتشنج، والبنات ضحكت أوي. وركبوا العربية، البنات ورا والشباب، واتجهوا ناحية الأتيليه. في الأتيليه: ادهم: ادخلوا بنات، ولما تخلصوا اندهوا. هنا: خليك معانا ي ابيه. مريم: أيوه ي أستاذ ادهم. وعشق فضلت ساكتة. ادهم في نفسه: هي متكلمتش ليه؟ مش عايزاني؟ وبعدين رد وقالهم: تمام، يلا. ودخلوا. عشق شافت فستان حلو أوي واشترته من غير ما ادهم يشوفه.

أما عند مريم وهنا، جابوا فساتين شبه بعض ونفس اللون لأنهم أخوات العروسة. وبعدين خدوا الحاجة وراحوا لبدل الشباب. وعشان أخدت بدلة، اديتها لهنا. عشق: خدي دي، اديها لادهم كأنك اللي جايباها. هنا بغمزة: انتي وقعتي ولا أي ي اتش؟ مريم بضحك: 😂😂😂. عشق بتوتر: انجزي ي هنا، ولا أقولك خلاص، هاتيه. هنا خدتها وراحت لادهم وعجبته أوي وخدها. أما مريم كانت بتشوف البدل وبصت على بدلة حلوة بزعل وقالت: لو كان هنا كنت جبتهاله.

ومشي، ومحمد ملاحظ ده، وراح اشترى البدلة، ومشوا. روحوا البيت وغيروا ونزلوا يعقدوا مع العيلة. نهال بصت لعشق بحزن وافتكرت حاجة وعيطت، ويامن فهم وبصلها بحزن. مريم وعشق بصدمة جريوا عليها وحضنوها. عشق بدموع: لو بتعيطي عشان هتجوز، مش هتجوز. أما مريم بمرح عشان يبطلوا عياط: أي ي نهولة، إحنا ملصمين بنتك بالعافية عشان عايزين نلبس فستان بس مش أكتر. 😂 هنا وهي بتأكد على كلام مريم: أيوه فعلاً ي خالتي. 😂😂

عشق بمرح: آه ي كلاب، والهي لأوريكوا. وطلعت تجري والبنات جريوا ورا بعض والكل بيضحك. عشق وهي بتجري كانت هتقع، وقبل ما تقع مسكها ادهم بسرعة، وبصوا في عيون بعض. وهنا جريت على فوق، ومريم طلعت تجري في الجنينة واتخبطت في محمد، ومسكها قبل ما تقع. وكل واحد منهم مركز في عيون التاني. مريم فاقت: أنا آسفة، خبطت فيك بس كنت بجري من عشق. محمد: ولا يهمك، خدي بالك المرة الجاية. مريم: تمام، بعد إذنك. وجريت وهو بيضحك. مريم

وقفت وهي بتضحك وبتقول: إيده بتدق لي؟ قصدها على قلبها. عند عشق وادهم: فاق ادهم من سحر عينيها، ووقفها: خدي بالك وانتي بتجري. عشق بكسوف: حاضر. وجريت على الأوضة، وهو ابتسم على هذه الطفلة. في غرفة البنات قاعدين بيضحكوا. مريم: ده اللي حصل وجريت منوه. هنا وعشق بضحك: هبل. مريم وهي بتضربهم: يلا ي كلاب، أنا معجبة بيه. البنات بفرحة: اوعااا. وبحضنوا بعض وبيناموا.