رواية عشق الادهم الفصل الخامس عشر 15 - بقلم ميساء عنتر

ادهم اتجنن لما ملقهاش ودور عليها. لقي الممرضة اللي معاها: فين عشق؟ فين مراتي؟ الممرضة: حضرتك المدام قالتلي هتسبق على البيت بعد ما عملت الفحوصات وبقت كويسة. ادهم بتنهيدة: تمام. وسابها ومشي وهو فرحان إنها خفت. وصل قدام شقتهم وفتح. لقي الشقة ضلمة وفيه نور من أوضة النوم. راح وفتح واتصدم لما لقاها واقفة لابسة قميص أبيض وواقفة تفرك إيديها. قرب منها بلا وعي: عشق، انتي عشق؟ إيه اللي حصل؟ عشق بكسوف: بحبك أوي أوي يا ادهم.

ادهم بعشق: وأنا بعشق أمك. وقرب وشالها. عشق: ا ا الأكل يا ادهم، نزلني. ادهم بضحك: أكل إيه بس، تعالي كدا. وقرب منها و... هند وصلت الفيلا عند ادهم ودموعها نازلة على حياتها. طلعت الأوضة وقعدت تعيط: يارب، أنا غلطانة وندمانة إني سلمت نفسي لمصطفى من الأول. مهاب ملوش ذنب، بس بس أنا أنا حبيته أوي أوي، خلاص معتش متخيلة إني أعيش من غيره. الباب اتفتح ودخل مهاب: أخيرًا نطقتيها يا شيخة. هند بخضة: م مهاب، انت انت بتعمل إيه هنا؟

مهاب قرب قعد قدامها بهدوء: وحشتيني أوي يا حبيبتي. هند بعياط: أنا أسفة يا مهاب، عشان خاطري سامحني والنبي. مهاب حضنها بحب: أنا رديتك ليا تاني وأنا مسامحك يا هند، سامحتك خلاص لأني عرفت كل حاجة. هند بعياط وتوتر: ع عرفت إيه؟ مهاب: عرفت إن مصطفى هو اللي حضنك غصب عنك وإنتو في البيت. هند: إزاي؟ مهاب: أنا اتكلمت معاه يا هند وعرفت كل حاجة. وعلى فكرة زي ما قلتلك قبل كده متجوز واحدة اسمها ريماس وهي حامل منه.

هند بدموع: يعمل اللي يعمله، المهم انت مسامحني. مهاب: مسامحك يا حبيبتي، مسامحك. في الصعيد، في أوضة معتز وفرح. فرح بتوتر: م معتز، أنا عايزة أقولك حاجة. معتز بحب ليها: قولي يا فرح، مالك؟ فرح: أنا أنا حامل. معتز قام بفرحة وشالها: بجد بجد؟ قولي والله. فرح بابتسامة هادية: أيوه يا حبيبي والله حامل. معتز بفرحة: مبروك مبروك يا عيوني، مبروووووك. فرح: الله يبارك فيك. معتز فتح الباب ونزل وهو بيزعق: يا بابا، يا جدي.

أشرف بخوف: مالك يا حبيبي؟ إيه اللي حصل؟ معتز بسعادة: فرح حامل، حامل. الجد: بسم الله ما شاء الله، ألف ألف مبروك يا ولاد. أشرف: مبروك يا حبيبي، مليون مبروك يا ولاد. ادهم صحي وعشق كانت في حضنه ماسكة فيه. فضل باصص ليها وهو مبسوط إنها خلاص خفت وهتفضل معاه على طول. بدأ يصحيها وهي اتقلبت بنعاس: ممم، ادهم عايزة أنام، سيبني. ادهم: قومي يا كسولة، عايزين نقضي يومين سوا بعيد عن المشاكل بقى. عشق: هممم، اديني قومت يسيدي.

ادهم: والنبي بحبك يا قمر. عشق بضحك: وأنا بعشقك يا أدهومي. شالها وحطها في الحمام: خدي شاور على ما أعمل الفطار. عشق: لا أنا هعمل، خليك انت. ادهم بغمزة: لا انتي عروسة. عشق بكسوف: اطلع برا. في الصعيد. الجد بتنهيدة: أنا عايزكم في موضوع يا ولاد. معتز باهتمام: خير يا جدي، إيه اللي حصل؟ الجد: إحنا هنروح لعشق بكرة. معتز بعصبية: لا يعني لا.

أشرف: معتز، أنا عارف إن اللي هي عملته غلط، بس خلاص، هي اختك في الأول والآخر وغلطت وعرفت غلطها وربنا عاقبها بالمرض اللي جالها والحمد لله إنها خفت وقامت بالسلامة. الجد: أيوه يا معتز، أبوك معاه حق. يلا قوم نام يا ابني عشان هنروح بكرة. معتز: حاضر يا جدي. أشرف: وحياتي عندك يا ابني، وحياتي عندك تسامحها عشان خاطري، تتعاملي عادي والعيلة ترجع زي الأول تاني عشاني أنا. معتز: حاضر يا عيني يا بوي، عن إذنكم. في صباح يوم جديد.

صحوا كلهم وقاموا لبسوا ونزلوا على القاهرة. وصلوا وطلعوا على شقة ادهم. عشق فتحت الباب واتصدمت، مكنتش تعرف إنهم جايين.