رواية عشق الأسد الفصل الأول 1 - بقلم رحمة خالد

يا ماما حرام عليكي أنا بنتك متعمليش فيا كده. الام بدموع: يا بنتي أنا عايزه مصلحتك صدقني هتعيشي معاه ملكه. عجبك الفقر اللي احنا فيه ده؟ ده أنا مش لاقية أكل لإخواتك. : يا ماما ارجوكي أنا مش عايزة أتجوزه. والله أنا هشتغل وهصرف عليكوا عشان خاطري يا ماما خليني معاكي. الام بصت بخوف على الراجل اللي واقف على الباب وبيبص عليهم بسخرية وقرب من البنت ومسكها بقوة. عشق بصراخ ودموع: اوعي بقاااا سبنيييي.

بص عليها وضحك بسخرية: يلا يا حلوة بطلي شغل العيال ده وامشي قدامي بزوق أحسن. عشق بصت على مامتها بدموع: عمري مهسامحك. ومشيت بحزن. الام بدموع: ارجوك يا اسد بيه خلي بالك منها. اسد بجمود: تمام. واتفضلي الفلوس. في الوقت ده كانت عشق واقفة وشافت اسد هو وبيدي الفلوس لمامتها. عشق بصدمة: يااه يا ماما لدرجادي شيفاني رخيصة. بتبيعيني يا ماما. وخرجت بجمود ومشيت من غير ما تتكلم مامتها. الام في نفسها: سامحيني يا بنتي. غصب عني والله.

عشق ركبت عربية اسد من غير كلام. واسد استغرب جدا واتحرك بالعربية. وبعد ساعتين وصلوا عند قصر كبير وجميل جدا. عشق بصت على القصر بذهول وشاورت عليه: هو ده القصر بتاعك؟ اسد: أيوه. يلا انزلي. عشق نزلت من العربية ودخلت القصر وبتبص في كل مكان فيه. عشق في نفسها: الله. ده زي بتاع المسلسلات. يعني كلام ماما صح. أنا هعيش ملكة هنا. عشق حست بأيد بتطبطب على كتفها وبصت: يلا يا هانم أطلعك الجناح بتاعك. عشق باستغراب: انتي مين؟

: أنا الدادة بتاع اسد بيه يا هانم. عشق بابتسامة تدخل القلب: اسمي عشق. متقوليش هانم ممكن. الدادة بابتسامة: حاضر يا بنتي. اتفضلي. عشق مشيت مع الدادة ووصلت الجناح. عشق بصت على الدادة: هو اسد فين؟ الدادة: راح الشركة يا بنتي. عشق في نفسها: وأنا مالي بيه. ميغور في داهية حتى. الدادة: اتفضلي ادخلي. دخلت وقعدت على السرير. بعد شوية سمعت صوت عالي جاي من تحت. نزلت على السلم وشافت بنت لابسة لبس ضيق جدا وقصير وحاطة ميكب أوفر جدا.

عشق بصتلها بقرف من منظرها: مين حضرتك؟ البنت بغرور: حضرتي****** عشق بصدمة: ايييييييه.