رواية عشق الأسد الفصل الثالث 3 - بقلم رحمة خالد

الليل ليلتك يا عروسة. رمى بها على السرير وقرب منها. عشق بدموع: ارجوك لا. وحياة مرام. أسد بعد عنها وقال بغضب: انتي تعرفي مرام منين؟ انطق. عشق فكرت لثواني وقالت بكذب: أنا... أنا حلمت بطفلة صغيرة وجاتلي وقالتلي اسمها مرام وقالتلي إنك باباها واختفت. هو انت كنت متجوز قبلي؟ أسد: حاجة متخصكيش. وانزلي نضفي القصر ده كله. ارجع من الشركة ألقيكي خلصتي كله. عشق بصوت عالي:

أنا مش خدامة عندك. لو على الفلوس اللي انت اديتها لماما هرجعها لك. أسد بسخرية: وهترجعيها إزاي بقا يا قمر؟ هو انتي حيلتك حاجة؟ عشق بغضب: هشتغل وأرجعها لك. أسد بحدة: صوتك ميعلاش عشان متصرفش معاكي تصرف مش هيعجبك. يلا يا شاطر من هنا. واه، الاستاذ اللي كنتي بتكلميه اسمه أحمد إيه؟ عشق: وانت مالك أصلاً؟ أسد قرب منها وتكلم بغضب: اتقي شري يا عشق. عشق بتوتر: اسمه أحمد الرفاعي. أسد بصدمة: أحمد الرفاعي!

عشق استغربت وتجاهلته وبعدت عنه. أسد نزل بسرعة وركب عربيته وطلع على الشركة. *** في الشركة: ريان: اهدّي يا أسد، مش كده. أنا هجيبهولك بطريقتي. أسد خبط على المكتب: كان مع مراتي الأولى ودلوقتي معاه التانية. مش ناوي يجيبها لبره يا ريان؟ بس أنا هندمه عشان ميقربش لحاجة بتاعتي تاني. وقام خرج من الشركة وركب عربيته. ريان جري وراه: استنى يا أسد، رايح فين؟ أسد: خليك في الشركة يا ريان، هروح مشوار بسرعة وهرجع. ريان:

متعملش حاجة يا صاحبي، أنا هجبهولك لحد عندك. أسد بصوت عالي: رياااااان! لو سمحت ادخل الشركة ومتجيش وراي. ريان ضرب كف على كف ودخل الشركة. *** أحمد: عايزك تعرفلي عشق اتجوزت مين. شخص: تمام يا أحمد بيه، في خلال 10 دقائق هعرفلك كل حاجة. أحمد بشر: تمام. وقف أحمد. أحمد في نفسه: مش هسيبك يا عشق غير لما آخد اللي عايزه منك. بعد ساعة، فون أحمد رن. أحمد فتح: ها؟ شخص: اتجوزت أسد الأسيوطي. أحمد بصدمة: إيييييييه!