رواية عشق الفهد الفصل الرابع 4 - بقلم زولة وحيدة

فهد مسك عشق من إيدها وخدها ع الأوضة. فهد قفل الباب بغضب. فهد بغضب: واقفة معاه في المطبخ ليه؟ عشق: هو اللي دخل. أنا كنت بجهز الفطار. فهد حاصرها مع الحيط وحط إيده ع الحيط جنب راسها. فهد بفحيح: لو فكرتي تطلقي مني وتروحي تتجوزي فؤاد أو أي راجل تاني غيري مش هتعيشي، فاهمة؟ عشق بخوف: فاهمة. فهد: شاطرة. وبعد عنها. فؤاد خبط الباب. فهد: عايز إيه يا فؤاد؟ فؤاد: اطلع أبويا بينادي عليك. فهد وهو متجه ع الباب: اياكي تطلعي من هنا.

عشق: حاضر. فهد طلع وبص ع فؤاد وطلع عند معتز. معتز: صح اللي سمعته عن اللي حضرتك عملته مع البنت؟ فهد: دي مراتي وأنا بعمل اللي عايزه. والأحسن فؤاد يطلع من الموضوع ده، لأني المرة الجاية مش هسيبه في حاله. وطلع من الأوضة ومن القصر كله وراح ع الشغل. معتز: يا خسارة. عند عشق كانت قاعدة ع الأرض وبتعيط. فؤاد دخل. عشق اتخضت، مسحت دموعها وحطت الطرحة ع راسها وقامت اتجهت عليه. عشق: فؤاد عايز حاجة؟

فؤاد: أنا آسف إني دخلت كده، بس انتي ليه بتعيطي وكمان ع الأرض؟ هو فهد عملك حاجة؟ عشق: لا مفيش حاجة. أنا بس في حاجة دخلت في عيني. فؤاد: بجد؟ عشق بكذب: آه. فؤاد: بتكدبي... طب لو في حاجة دخلت عينك ليه قاعدة ع الأرض؟ قوليلي. عشق: آه، أنا كنت بعيط لأنه أخوك بيخوفني أوي. ده مرات عمي أحسن منه. فؤاد: قصدك إيه يعني؟ هي كانت بتعذبك؟ عشق بابتسامة ألم: دي قصة طويلة. فؤاد: طب تعالي نتمشى وأحكيلي عن حياتك وأنا هحكيلك عن حياتي.

عشق: أوك. فؤاد وعشق طلعوا، وعشق حكتله عن مرات عمها وعمها وأنهم أخدوا فلوس أبوها كلها بعد ما مات. فؤاد: يااااه، انتي إزاي اتحملتي كل ده؟ عشق: عادي، ربنا معايا. فؤاد: طب انتي بتدرسي؟ عشق: آه، أنا بدرس في كلية الطب. فؤاد: ربنا يوفقك..... هو انتي حبيتي حد من قبل؟ عشق: لأ. فؤاد: طب تقبلي تطلقي من فهد وتتجوزيني أنا؟ والله حبيتك من أول نظرة. عشق: ......

فؤاد: لو مش عايزة أنا مش هجبرك. انتي إنسانة وعندك الحق تختاري قرارات حياتك وأنا مش ليا الحق أجبرك ع حاجة، ولا حتى فهد. وانتي لو مش عايزة تكملي مع فهد قوليلي وأنا هطلقك منه والإنسان اللي هتحبيه هجوزهولك وههتم فيكِ. عشق: ...... فؤاد: هديكي وقت تفكري وأنا معاكي في أي قرار تاخديه. عشق: شكراً ليك. فؤاد: ها نرجع البيت ولا نتمشى أكتر؟ عشق: لا، أنا عايزة أرجع. فؤاد: أوك. بعد رجعوا القصر.

عشق دخلت الأوضة. فهد قفل الباب بغضب ومسكها من شعرها. فهد بغضب: انتي مفكرة نفسك إيه... بتعصي كلامي صح؟ عشق بوجع: أرجوك ابعد، أنا هفهمك. فهد: مش عايز أفهم. وضربها قلم. عشق: انت إزاي تضربني كده؟ أنا عمي ما ضربنيش قلم تيجي حضرتك وتضربني؟ فهد بابتسامة: يا سلام، طلع عندك لسان؟ أنا هوريكي. وقلع الحزام وفضل يضربها لحد ما ظهرت علامات ع جسمها. عشق ببكاء: اااااه، حرام عليك، ربنا هيحاسبك، انت بتظلمني.

فهد بغضب: اخررررسي. وتاني هتنامي ع الأرض للابد. وإذا أبويا أو أمي أو فؤاد عرفوا إني ضربتك هتندمي كتير، فاهمة؟ عشق بدموع: آه، فاهمة. فهد طلع من الأوضة وقفل عليها الباب وأخد المفتاح وطلع. عند فهد مع سلمى. فهد: حبيبتي أنا آسف ع اللي حصل يومها. سلمى بدموع مزيفة: انت بس بتحبني يا فهد. امتى هعيش معاك في القصر؟ أنا موافقة إنه مانعملش فرح، كفاية كتب الكتاب. فهد: أنا والله بحبك. سلمى: طب خدني ع القصر. فهد: طب جهزي ملابسك.

سلمى بفرح: حاضر. وراحوا ع القصر. في القصر. سلمى بمياعة: حبيبي، أنا عايزة الأوضة اللي انت وعشق قاعدين فيها. فهد: ليه؟ أنا مجهزلك أحسن أوضة في القصر. سلمى: لا، أنا عايزة اللي فيها عشق. فهد: طيب تعالي. وفتح الباب. عشق كانت نايمة ع الأرض وحرارتها مرتفعة أوي. سلمى بصت عليها وابتسمت بشر. فهد: يازفتة انتي، قومي. عشق: ....... فهد بغضب: قوومي. عشق: ..........