رواية عشق الفهد الفصل العاشر 10 - بقلم منة احمد

......... : بس اسكتي. عشق شفتو اتصدمت. ........ : هشيل ايدي بس اوعي تصوتي. عشق حركت راسها بـ "آه". شال إيدي. عشق بخوف: عاوز إيه؟ ....... : مراتي وبشوفها. عشق: جواز بالغصب. فهد ببرود: هاجي أخُدك بكرة وتمشي معايا من سكات وتقولي لأخوكي إنك هتيجي معايا وإنك مراتي، وإلا إنتي عارفة أنا ممكن أعمل إيه. عشق بخوف على أخوها، فهي عرفت من هو هذا الفهد: حاضر، بس إنت ليه بتعمل كده؟ أنا عملت لك إيه؟ أنا حتي معرفكش، حرام عليك.

فهد ببرود: بكرة تعرفي. وسابها ومشي. بره الحراس كانوا بيدوروا عليها. هي قعدت تعيط وتناشد ربنا وتدعي إنه يبعدهم عنها. مسحت وشها وطلعت وراحت الحمام تغسل وشها. وشافها الحراس. واحد من الحرس: كنتِ فين يا هانم؟ قلقنا عليكي. عشق بتوتر: كنت في الحمام. عشق سابتهم ومشيت وهما مشوا وراها. وراحت لمنة وفريدة. عشق قعدت. منة: اتأخرتي كده ليه؟ عشق بتوتر: ولا اتأخرت ولا حاجة، إنتي اللي همك على بطنك.

فريدة: طب يلا ناكل عشان جعانة ومش قادرة. وكُلوا وراحوا يحضروا محاضراتهم. وعشق نست اللي حصل. *** عند سيف، راح الشركة وكان بيشتغل. دخلت السكرتيرة. هنا: نانسي هانم بره وعاوزة حضرتك. ودخلت واحدة عليهم. نانسي: كده يا سيف؟ مش بتسأل عليا؟ سيف: روحي إنتي يا هنا. خرجت هنا. سيف: أهلاً يا نانسي هانم. نانسي وهي تقعد: عامل إيه يا سيف؟ وحشني. سيف: نانسي هانم، يا ريت يكون في حدود بينا، ويا ريت متشليش الألقاب.

نانسي: تمام يا أستاذ سيف. سيف: كان في حاجة في الشغل؟ نانسي بدلع: لا، أنا جيت أسأل عليك. سيف ببرود: طالما مفيش حاجة في الشغل، مفيش داعي تتعبي نفسك وتيجي هنا. نانسي بحرج: تمام. آه صحيح، كنت عاوزة أوريك كام حاجة في الشغل مش عاجباني. سيف: تمام، وريني. *** عند عشق، خلصوا محاضرات. عشق: ما تيجوا نطب على سيف في الشركة. منة: وزين أكيد هناك، انهارده بيروح الشركة. فريدة بخبث: وإنتي مالك ومال زين؟ منة: بس يا بت. عشق: مقفوشة أوي.

فريدة بضحكة: أوي. منة: طب اسكتي إنتي وهي بدل ما أضربكم. عشق: هتروحوا؟ فريدة: يلا بينا ويخرجونا كمان. منة: صح، يلااا. مشوا هما في عربية مع السواق والحرس في عربية. عشق للسواق: اطلع على الشركة. وراحوا الشركة. *** عند سيف. سيف: في حاجة تاني؟ نانسي: لا، خلاص. سيف: تمام، اتفضلي. وخرجت نانسي، وهي ماشية خبطت في حد والحد ده كان هيقع ولحق نفسه. نانسي: مش تفتحي يا حمارة! إنتي متخلفة؟ ناس جربوعة!

عشق: مين دي اللي جربوعة يا عنياااا؟ لمي نفسك يا برص المجاري إنتي! نانسي: بت.. منة: مالك يا روح أمك متعنطزة على إيه؟ فريدة: وبعدين إنتي اللي خبطيني، إنتي اللي مش بتشوفي! أعملك إيه؟ سيف خرج على الصوت. سيف: في إيه؟ عشق: طنط دي خبطت فريدة وكانت هتقعها وعمالة تشتم فينا. نانسي: طنط! إنتي متخلفة إيه؟ ناس البيئة اللي بتشغلوهم في شركة محترمة زي دي. فريدة: البيئة دي هي إنتي! احترمي نفسك.

نانسي بتكبر: هووس، مش هنزل مستوايا لمستواكم. منة: لي مفكرانا جربيع زيك؟ نانسي كانت لسه هتتكلم، قطعها سيف. سيف بغضب: احترمي نفسك كويس يا نانسي، واعرفي إنتي بتكلمي مين. نانسي بتكبر: مين يعني؟ سيف: صحاب الشركة اللي إنتي واقفة فيها دي. نانسي: مش الشركة بتاعتك إنت. سيف بغضب: وبتاعتهم هما كمان، واللي يجي على أخواتي أنسفه. سيف: واعتذري لهم لو عاوزة الشغل اللي بينا يكمل. نانسي: وإيه دخل الشغل؟ سيف: ده اللي عندي. نانسي: Sory.

عشق ومنة وفريدة بصوا لها بقرف وسابوها ومشوا ودخلوا المكتب. وسيف دخل وراهم. عشق: سيفو يا حبيبي. سيف: اممم، يبقى في مصلحة. منة: حبيبي اللي فهمنا. سيف: اه يختي، عاوزين إيه بقى؟ منة وفريدة وعشق في صوت واحد: عاوزين نخرج. سيف: وإنتوا ملقتوش غيري؟ فريدة: أيوا يا زمكس، بقا خليك جدع وخرجنا. سيف بصدمة: زمكس؟ وأنا اللي كنت مفكرك هدية، طلعتي مصيبة زيهم. فريدة: وبلوى لو تحب. منة: يلا بقااا، هتخرجنا ولا لا؟

عشق: اه، وقول للواد زين يجي معانا ياله، اهو نكسب ثواب فيه. وفي الوقت ده كان زين داخل. زين بصدمة: الواد زين؟ وتكسبي ثواب! منة: لو جبنا في سيرت ربع جنيه مخرم كان أفيد. زين: معلش يختي. فريدة وعشق ومنة في صوت واحد: خرررررجووووونااااا! سيف: بس خلاص، يلا. وخرجوا وركبوا العربية، عشق ومنة وفريدة وراه، وزين بيسوق وسيف قاعد جنبه. زين: عاوزين تروحوا فين؟ عشق: هنتغدى الأول.

سيف: همكم على بطنكم ومش باين والله، نفسي أعرف الأكل اللي بتاكلوه بيروح فين. فريدة: في بطننا، هيكون بيروح في. زين طلع بيهم على المطعم. ودخلوا قعدوا. وطلبوا أكل. وقعدوا يستنوه. منة: أنا هروح الحمام وجاية. منة وهي ماشية، واحد خبط فيها. منة: متفتح يعمي! خالد وهو ينظر لها: إيه القمر ده؟ معلش يا موزة. منة نظرت له بقرف وجت عشان تمشي، مسك إيديها. خالد وهو ماسك إيديها: رايحة فين بس يا موزة؟ لسه مخلصناش كلامنا.

لقي حد بيقبض على إيده. ....... : شيل إيدك يا روح أمك. خلاه يسيب إيد منة. خالد: إنت مين إنت عشان تتدخل؟