رواية عشق الفهد الفصل الخامس عشر 15 - بقلم منة احمد

فهد دخل الأوضة ولقى عشق واقعة على الأرض. هدومها مقطعة وفيها خدوش في جسمها، وعشق كانت مغمى عليها. فهد: عشششششششق! فهد جري عليها بخوف وشالها بعيد. فهد شال عشق ودخل بيها. دادة نعمة اتخضت لما شافتها كده. فهد بصوت عالي: اطلبي الدكتورة بسرعة. دادة نعمة بخوف: حاضر. وفهد طلع بيها فوق وحطها على السرير وغيرلها هدومها. الدكتورة جت وكشفت عليها وطهرت جروحها وادتها إبرة وكتبتلها شوية أدوية ومشيت. وفهد قعد جنب عشق.

فهد بخوف: الحمد لله إن ما حصلكيش حاجة. لو كان حصلك حاجة مكنتش هسامح نفسي إني معرفتش أحميكي. ونام واخدها في حضنه. *** عند فريدة ومنة. اتصدموا لما شافوا الدكتور. فريدة ومنة بصدمة: مازن! مازن: اتفضلوا، متتأخروش تاني عشان مش بدخل بعدي المرة دي، بس عشان أول يوم. منة: شكراً يا دكتور. فريدة ومنة راحوا قعدوا واستمعوا للشرح. المحاضرة خلصت ومازن ندا عليهم. مازن: عاملين إيه؟ منة وفريدة: الحمد لله.

منة: هو حضرتك اللي هتدينا بعد كده؟ مازن: آه. منة: تمام. فريدة: امال بابا جدو التاني، قصدي الدكتور التاني راح فين؟ مازن بضحكة: اتنقل. تعالوا نشرب حاجة في الكافتيريا. منة: ماشي، يلا. وراحوا الكافتيريا وطلبوا عصير. منة كلمت سيف يبعت السواق، وقالتله إن مازن معاهم. وقعدوا يهزروا مع بعض. سيف جه عليهم. منة: إيه ده سيف، مش قولت السواق هو اللي هييجي؟ سيف: كنت فاضي، قولت أجي آخدكم. مازن شاف سيف وقام سلم عليه وقعدوا.

سيف: امال أنت بتعمل إيه يا ابني هنا؟ مازن: ما أنا شغال هنا دكتور. سيف: آه. فريدة بابتسامة: وبيدينا كمان. سيف: طب يلا عشان فوفه عاوزاكي عشان تتغدي معانا. فريدة: ماشي. منة: ما تيجي تتغدي معانا يا مازن، أكل فوفه تحفة. إيه رأيك يا سيف؟ سيف: آه، تعالى اتغدى معانا. مازن: إذا كان كده، ماشي. ومشوا وراحوا البيت ودخلوا. عفاف: اتأخرتوا ليه؟ سيف: الطريق كان زحمة. أعرفك، وهو بيشاور على مازن: مازن صاحبي أنا وزين.

وقال لمازن: مرات عمي وزي أمي. عفاف بابتسامة: أهلاً يا حبيبي، نورت. مازن بابتسامة: ده نورك. فريدة حضنت عفاف: وحشتيني يا فوفه. عفاف: وأنتي يا قلبي. زين جه عليهم. زين بصوت عالي: فوووووفه أناااا جعاااااااان! منة: مفجوع. زين: اصمطي، أنتي اللي مش بتاكلي خالص يا بت. زين: إيه ده مازن عندنا. وراح سلم عليه: معلش مشفتكش. منة: ما عشان أعمى وهمك على كرشك. زين: بس يا بت، والله هضربك. عفاف: بطلو خناق، ويلا الغدا جاهز.

وراحوا يتغدوا. ومازن قعد جنب فريدة من ناحية وسيف من ناحية، ومنة جنب زين وعفاف. عفاف وهي بتنظر لمازن: كل يا حبيبي. مازن: باكل يا طنط. منة بضحكة: طنط إيه؟ قوليها يا فوفه. مازن بضحك: أحلى فوفه. عفاف بابتسامة: حبيبي. وقعدوا ياكلوا. *** عند عشق. كانت نايمة في حضن فهد. عشق وهي نايمة قعدت تهلوس. عشق بهلوسة: طلعوني من هنا، ابعدوا عني، لااا يا بابا، يا سيف، لا ونبي سيبوني، لا ابعدوا عني، لاااااا آه!

فهد قام بسرعة، وشها كان كله عرق وعمالة تتكلم بتهلوس. عشق: لااا ماما، متسبنيش، لااا! فهد: عشق، قومي، ده حلم، عشق! وفضل يخبط على وشها. عشق قامت مخضوضة وفضلت تعيط وتصوت. فهد خدها في حضنه وهداها لحد ما نامت تاني. فهد سابها وقام يشتغل على اللاب جنبها على الكنبة. وبعد شوية عشق بدأت تهلوس تاني. عشق بهلوسة: ابعدووو عني، يا ماما، يا بابا، سيبوا ماما، لاااااا ابعدوا عن ماما، لاااا ماما متسبنيش!

وفهد سمعها وكان هيصحيها، بس لقاها سكتت، فما صحاهاش. وشوية وفهد نزل تحت. فهد: دادة، دادة! دادة نعمة جت. فهد: قولي للخدم يحضروا أكل. دادة: حاضر، هي عاملة إيه دلوقتي؟ فهد: كويسة. دادة نعمة مشت تقول للخدم يعملوا أكل. وفهد طلع يكمل شغله. وشوية ودادة نعمة طلعت بالأكل. خبطت. فهد: ادخل. دخلت وحطت الأكل وشافت عشق وطلعت. فهد قام يصحي عشق. فهد: عشق، عشق، قومي. عشق فاقت بكسل وفضلت تدعك في عينيها بإيديها. فهد: يلا عشان تاكلي.

وجاب الصينية وحطها على السرير. عشق: هو إيه اللي حصل؟ فهد ببرود: ما حصلش حاجة، كلي. عشق بعند: مش عاوزة. فهد قعد وقعد ياكلها. ولما خلصت حط الصينية على الترابيزة. عشق: أنا مصدعة. فهد: خدي الدوا. وعطاها الدوا. عشق قامت ودخلت تاخد شاور. بعد شوية. عشق: يلهوي، بقا نسيت آخد هدوم، زمانه مشي. عشق لبست البرنس وخرجت. لقت فهد قاعد على الكنبة وباصص في اللاب، فأتسحبت براحة عشان ميخدش باله منها. ومرة واحدة لقت نفسها في حضنه.

فهد: بتتسحبي لي، هاه؟ عشق بتوهان وخجل: هااا؟ فهد قرب منها وسكتها بطريقته. عشق زقته وجرت دخلت أوضة الدرايسينج وقفلت على نفسها. *** في بيت عشق. خلصوا أكل وقعدوا مع بعض. وفريدة ومازن كانوا قاعدين يهزروا مع بعض، وفي حد كان متبعهم بغضب. وكلهم كانوا بيتكلموا في أحاديث مختلفة. مازن: أستأذن أنا بقى. فريدة: وأنا لازم أروح عشان عشق وفهد ميزعلونيش. مازن: طب تعالي أوصلك. سيف: لا، أنا هوصلها عشان أشوف عشق.

مازن: صحيح، امال فين عشق؟ سيف: في بيت جوزها. مازن بستغراب: هي متجوزة؟ سيف: آه. مازن: تمام، أنا همشي. وسلم عليهم ومشي. سيف: يلا أوصلك. فريدة حضنت عفاف ومنة ومشيت مع سيف. وركبوا العربية ومشوا. وطول الطريق محدش فيهم اتكلم. ووصل. فريدة: شكراً. فريدة كانت هتنزل. سيف: استني. فريدة: إيه؟ سيف: ......................