رواية عشق الجراح الفصل الثاني 2 - بقلم افنان سعد

في شركة الجراح، خبط آدم على الباب ودخل لزين. ادم: زين، الاجتماع كمان خمس دقايق. زين: تمام يا آدم، أنا جاهز. وبينادي زين على مراد. مراد: نعم يا زين باشا. زين: هاتلي كل الرسومات والتخطيط بتاع المباني على المكتب. مراد: تحت أمرك. زين: قبل خمس دقايق يا مراد. مراد: حاضر يا فندم. دخل زين بهيبته الاجتماع، وخلفه آدم ومراد. زين: كل الأوراق جاهزة والعقود والبنود، فاضل الإمضاء.

مندوب الشركة: بس يا زين باشا، الشرط الجزائي كبير جدا. زين: والأرباح للطرفين، مش ليا لوحدي. مندوب الشركة: حضرتك، هكلم أياد باشا. زين: آخرك معايا بكرة، ناس تانية مستنية إشارة وتمضي. *** عند لارين، قاعدة بتسمع مسلسلها المفضل وبتاكل فشار، وفرحانة وحاسة بأمل لفرصة الشغل بتاعت مستشفى الجراح. سلوى: نفسي أعدي عليكي مرة ألاقي بوقك واقف مش شغال، وبعدين بتسمعي إيه ها؟ لارين: ده مسلسل كوري يا سوسو، بس إيه جامد في الجون.

سلوى: في الجون يا لارين؟ أنا خلاص عرفت إنتي ليه مبتتقبليش في شغل. لارين: لا يا سوسو، ما أنا مبتكلمش كده برا، ده أنا رقيقة جدا وكيوت وعسولة، هادية جدا. سلوى: يا سلام يا سلام، بجد. لارين: إيه يا سوسو، عندك كلام غير ده؟ سلوى: لارين، الساعة كام؟ لارين: 5 المغرب. سلوى: مش ناسيه حاجة؟ لارين: حاجة زي إيه؟ سلوى: جعانة يا لارين، عاوزة أكل وآخد حبوب الضغط بتاعتي. لارين: أووف، نسيت يا تيتا سوسو.

سلوى: أول وآخر مرة آخد إجازة من المطبخ. *** في بيت سلمى، سلمى نايمة 24 ساعة من ساعة ما اتخرجت، ومرة وواحدة مامتها بتنده. ناهد: يا سلمي، يا بنتي. سلمى: أيوه يا أمي. ناهد: بتزعقي ليه؟ أنا في وشك أهو أهو. سلمى: خلاص يا حاجة، ما هزعق تاني. ناهد: بقولك يا بنتي. سلمى: قولي يا ماما. ناهد: مش إنتي دكتورة جراحة ومتخرجة بامتياز كمان؟ سلمى: أيوه، ليه؟ ناهد: ما تنزلي تشوفي شغل مع لارين بكرة، وأهو تبقوا سوا، وبدل قعدتك دي.

سلمى: هو إنتي زهقتي مني يا نهود بسرعة كده؟ ناهد: أزهق منك إيه؟ هو أنا ليا غيرك؟ أنا بس بقول. سلمى: بتقولي إيه يا ماما؟ ناهد: يا حبيبتي، قعدة البيت وحشة، انزلي معاها، سلو وقتكم، ولا إيه؟ سلمى: حاضر يا ماما، من عيوني. زين: تمام، الاجتماع خلص. مندوب الشركة: تمام يا زين باشا. ادم: إيه يا زين؟ مش بكرة بدري أوي؟ زين: ولا بدري ولا حاجة، أياد وراه حاجة. ادم: وراه حاجة إزاي؟ زين: هو مجاش، يبقى بيفكر في حاجة يكسب بيها هو.

ادم: مش فاهم. زين: دلوقتي هو متعاقد معايا، بس أنا المتحكم الرئيسي، وهو ما عاوز كده، عشان كده هيحاول يشوف الرسومات والتخطيط وياخدهم ويقدمهم هو، والمكسب ليه. ادم: تقصد إن في جاسوس هنا ليه؟ زين: أيوه، وهعرفه قريب جدا كمان.