رواية عشق الحمزة الفصل الرابع والعشرون 24 - بقلم فاتن جمال

ليان بفرحة: انت بتتكلم جد يا ادهم؟ ادهم: انا وعائلتي جايين نطلب إيدك. ليان: وبابا؟ ادهم: بابا هيكلمنا فيديو كول. ليان باستغراب: ليه؟ ادهم: عشان مفيش طيران في المكان اللي هو فيه. ليان: هو فين بالظبط؟ ادهم: في مالي. وبعدين هو موافق، شغله باله. ليان: ده بابا، يعني المفروض أكون قلقانة عليه. ادهم: طيب، أسيبك عشان تنامي. ليان قامت وقفت، وادهم قام عشان يمشي. ليان حضنته وقالت: بحبك أوي. ادهم: وأنتِ بموت فيكِ. تاني يوم.

مراد: هدي، متخافيش، كويس. هدي: لا، صوتك متغير. مراد: أكيد يا حبيبتي، مانا لسه صاحي. هدي: طيب ممكن أشوفك؟ مراد: حاضر، هجيلك النهارده. هدي: طيب، هكلمك فيديو كول. مراد: هدي، أنا لسه صاحي. هدي: يعني إيه؟ مراد: شعري مش متظبط. هدي: مش مهم. مراد: طيب، افتحي الكاميرا. هدي: إيه القمر ده؟ مراد ضحك وقال: والله أنتي اللي قمر. هدي: طيب، بطل كسل وقوم خد دوش والبس وتعال نفطر بره.

مراد: كان زماني عملت كل ده، بس حضرتك قاعدة ترني كأني ميتة. هدي: أولاً، بعد الشر عنك. ثانياً، أنا أرن براحتي، وإلا فيه مانع؟ مراد: وأنا أقدر. هدي: طيب، أسيبك تلبس. مراد: بحبك. هدي: وأنا كمان. عند حمزة. حمزة: صباح الخير يا روحي. شروق: صباح النور والسرور على عيونك. حمزة: إيه الجمال ده؟ شروق: عايزة آكل شورما. حمزة ضحك وقال: على الصبح؟ شروق: أيوه، نفسي فيها. حمزة: حبيبتي، أنتِ كويسة؟ شروق: أيوه يا حبيبي، بس أنا جعانة.

حمزة: من عيني، هبعت سمكة من سمك البحر يجبلك ويجي. شروق: لا، أنت اللي هتعملها لي. حمزة رفع حاجبه وقال: أنا؟ أنتِ بتهزري؟ شروق: لا، مفيش هزار. حمزة: شروق، متتهزريش، أنا مستحيل أعمل كده. شروق: بيعجبني فيك الثبات على رأيك. حمزة: طيب، أوصي كدا عشان الفراخ متتحرقش. شروق: عايزة آكل، بطني بتصوصو. حمزة: ثواني يا فندم، والأكل يكون جاهز. شروق بدلع: طيب، لو سمحت عايزة أقعد على الرخامة. حمزة: طب، إيه رأيك تقعدي على رجلي؟

شروق: والأكل؟ حمزة قعد على الكرسي وقعد شروق على رجله وقال: لسه شوية على ما يستوي. حمزة لسه بيقرب يبوسها، شروق حطت في بوقه بطاطس. حمزة: والله. شروق ضحكت وقالت: أنا جعانة. حمزة: هو أنتِ مأكلتيش بقالك سنة؟ شروق: أيوه، أنا جعانة. حمزة: طيب، قومي خليني أحط الأكل. حمزة فضل يتفرج على شروق. شروق: مش هتاكل؟ حمزة: كفاية إني أشوفك بتاكلي. شروق ضحكت وقالت: هاكل الأكل كله. حمزة: بالهنا يا روحي. عند عماد العمده.

عماد: يعني إيه مات؟ هو أنا مشغل معايا عيال؟ مدير أعماله: يا باشا، غلطة مستحيل تتكرر. عماد: هي فعلاً مستحيل تتكرر، عشان أنا اللي هنفذ. إيمان: عماد، أنت بتلعب بعمرك. عماد: ألعب بقى على المكشوف يا إيمان. إيمان: أنت اللي بدأت. عماد: وأول بداية يوم فرح ابنك، بالظبط بعد أسبوع. إيمان: هيكون يوم موتك. عماد: الأيام بينا. في قصر الهادي. هدي الأم: ادهم، قوم كفاية نوم. ادهم: شوية يا ماما.

هدي الأم: يا ابني قوم، مش النهاردة رايح تخطب. ادهم: أيوه، بس ده بالليل، ولسه. هدي تتكلم، ادهم قام وقال: يا نهار، ده أنا نسيت، كويس إنك صحيتيني. هدي الأم: بابا عايز يعمل فرحك مع مراد وهدي، إيه رأيك؟ ادهم: بس ده فرح مراد وهدي بعد أسبوع. هدي الأم: لو مش عايز، براحتك. ادهم: لا، عايز. محمد: ده إن كان عليه، عايز النهاردة قبل بكرة يا حبيبتي. ادهم: دايماً عارفني يا بابا. محمد: أمال ابني طبعاً.

ادهم: طيب، أسيبكم عشان عايز ألبس. هدي الأم: يلا يا حبيبي، نسيبه يجهز. عند حمزة. شروق: حبيبتي، أنتِ بقالك ساعة بتاكلي. شروق: مش عارفة يا حمزة، عايزة أفضل آكل. حمزة: طيب، يلا أنا على الشاطئ. شروق: طيب، يلا ننزل. حمزة وشروق نزلوا. وشروق حاسة إنها لسه جعانة. شروق: حمزة، أنا جعانة. حمزة باستغراب: نعم؟ لسه إيه؟