رواية عشق الحمزة الفصل السادس والعشرون 26 - بقلم فاتن جمال

وممكن يعمل أي حاجة تخلي ليان تفتكر إني بكذب عليها وإني مبحبهاش. مراد: طيب وإيه دخلنا أنا وهدي؟ أدهم: أنت وهدي هتقفوا تحت البيت وأنا هوريك صورة رامي. ولو شفته جاي أو أي حد غريب داخل البيت اتصرف. مراد: قصدك أضربه؟ أدهم: بالظبط. مراد: طيب وإيه دخل هدي؟ أدهم: لو رامي جه وأنت عطلته، هدي هتطلع تقولي وأنا هتصرف. مراد: مش سهل أنت يا دومه. أدهم قرب من مراد وقال: عارف يا ميرو لو سمعتك بتقول دومه دي تاني هقتلك.

مراد: طب ابعد كدا خليني أروح أشوف حبيبتي. أدهم بنرفزة واتك على سنانه: مررراد متقولش حبيبتي دي قدامي، أنت سمعت؟ مراد: طيب طيب. حمزة دخل عليهم وقال: إيه؟ أدهم: تعال اسمع الأستاذ بيقول على أختك إيه. حمزة: قال إيه؟ أدهم: بيقول حبيبتي يا كلب. حمزة: طيب. أدهم ومراد بصوا لبعض باستغراب وقالوا: حمزة أنت كويس؟ حمزة وهو بيفكر في شروق: قال شروق. مراد: مالها؟ حمزة قال: طول النهار كانت بتاكل بشكل كبير وغريب.

أدهم: يمكن مكنتش أكلت من فترة. حمزة: مش عارف، بس أنا خايف تكون تعبانة. مراد: إن شاء الله خير. حمزة: المهم دلوقتي هنعمل إيه؟ أدهم: أنا قلت لمراد على اللي هيعمله. حمزة وكمل كلامه وقال: أنا عايز أخلص منهم. مراد بص بحزن وسكت. وحمزة شافه وقرب منه وقال: متخافش، إيمان هانم بره الموضوع. مراد بإصرار وحزن: لا يا حمزة، هي كمان لازم تتحاسب على اللي عملته. أدهم قرب من مراد وحضنه وقاله: ميرو حبيبي وجوز أختي.

مراد ابتسم بحزن وقال: أيوه علشان كدا كنت عايز تضربني وأنا بقول حبيبتي. حمزة بص عليه وقال: نعم، أنت قلت إيه؟ مراد بلع ريقه وقال: إيه يا حمزة. أدهم ضحك وقال: اشرب بق يا ميرو. مراد: حمزة استنى، هفهمك. حمزة فضل يقرب من مراد لحد ما مسك إيده وقال: عارف يا مراد لو جيت جنبها هقتلك. أدهم ضحك وقال: أنت سمعت يا ميرو حمزة قال إيه؟ مراد بعد عن حمزة وقال: حمزة بطل رخامة، أنت وأدهم. دي هتبقى مراتي. حمزة وأدهم: يعني إيه؟

أدهم: شكلك عايز تنضرب. حمزة: لا، ده شكله عايز يتكسر. مراد: لا، ده أنا شكلي هطلب الشرطة ليكو. أدهم جري ورا مراد وقال: تعال بق. مراد بيجري وقال: طب بس استنى. حمزة ضحك وقال: استنى أنت وهو بق، خليني أقولكم هنعمل إيه. مراد: اديني سكت، خلي أدهم يسكت. حمزة: خلاص يا أدهم اقعد. أدهم: قعدت، بس حسابك معايا يا مراد. حمزة: ركزوا معايا. بالليل في شقة ليان. ليان: هدي شكلي حلو؟ هدي: قمر والله. ليان: هو أدهم فين؟

هدي: راح يجيب بابا وماما. ليان: هدي أنا خايفة. هدي: حبيبتي متخافيش. جرس الباب رن. هدي: خليكي هنا، هشوف مين وأجي. ليان: تمام. هدي راحت فتحت الباب لقت مراد. هدي: مراد، أنت بتعمل إيه هنا؟ مراد: إيه القمر ده. هدي بكسوف وابتسامة: حمزة لو جه لقاك هنا هيولع فينا. مراد: متخافيش، حمزة وأدهم كمان عارفين إني هنا. هدي: طيب وعايز إيه؟ مراد بابتسامة وقال: عايزك يا جميل. هدي ضحكت وقالت: مراد يا حبيبي، أنت مجنون صح؟

مراد هز رأسه وقال: أيوه مجنون بيكي يا بنت الهادي. هدي: مراد، مش وقته هزار، أنت جاي دلوقتي ليه؟ مراد: هو أدهم مقللكيش؟ هدي: قال بس الكلام ده مش دلوقتي. مراد: مانا بحب أبدأ بدري. هدي: طيب اتفضل ادخل اقعد. مراد: لا، أنا هستنى العيلة هنا. هدي: طيب ممكن أروح أشوف ليان. هدي لسه هتمشي، مراد شدها ليه وقال: القمر بتاعي بقالي عليه أسبوع ويكون معايا. هدي بكسوف وابتسامة: مراد سبني. مراد: تؤ تؤ، مش هسيبك من غير مقابل.

ولسه هيقرب منها يبوسها، سمع صوت بيقول: عايز إيه يا حبيبي؟ مراد: الله يحرقك، دايماً جاي في وقت غلط. أدهم: بصلي هنا، كنت بتقول إيه؟ مراد ساب هدي وقال: أنت مش قلت قدامك ساعة؟ أدهم: كنت عارف إنك مش سهل، علشان كدا قلت أجي على غفلة. مراد: طيب يا زفت. أدهم: يلا أنت كمان ادخلي جو. مراد: فين بقيت العيلة؟ أدهم: في القصر، حمزة هيجيبهم ويجي. هدي: طيب ادخلوا. أدهم: لا، هننزل تحت شوية، وأنت شوفي ليان لو عايزة حاجة.

مراد: باي يا روحي. أدهم: طلعت روحك. مراد: غور بق. في قصر الهادي. شروق واقفة قدام المراية مش عارفة تلبس إيه. مي بتنادي على شروق: يا شروق. شروق: حاضر يا ماما جاية. مي واقفة مع هدي الأم ومحمد والهادي. حمزة دخل من باب القصر وقال: يلا يا مي. مي: ثواني يا حبيبي، شروق بتلبس. حمزة: خالتو، أنا كنت عايزك في موضوع. مي: في إيه يا حمزة؟ حمزة قرب مسك إيدها وقال: ممكن نقعد شوية. مي راحت مع حمزة

وقعدت على الكنبة وقالت: نعم يا حمزة، في إيه؟ حمزة: خالتو، أنتِ عارفة إنك غالية عندي أوي. مي بقلق: وإيه لازمة الكلام ده يا حمزة؟ حمزة بتنهيدة: أنا مش عايزك تزعلي من اللي أنا هعمله. مي: هتعمل إيه؟ حمزة: خالتو، الأول أنا عايز أقولك إني أنا وشروق اتجوزنا من فترة. محمد: حمزة، أنت بتقول إيه؟ الهادي الكبير ابتسم وقال: شاطر. محمد: بابا، أنت بتقول إيه؟ الهادي الكبير: بقول إنه شاطر، خد حقه، شروق حق حمزة.

مي: بس مش بالشكل ده يا عمي. هدي الأم: مي، أنتِ مش كنتِ موافقة؟ مي: موافقة وليس موافقة، بس أنا كان نفسي في فرح لبنتي. حمزة: وأنا هعمل كل ده اللي أنتِ عايزاه، بس اديني فترة مش طويلة. مي: طيب يا حمزة، بيتي من هنا لوقتها متقربش من شروق. حمزة: إزاي دي مراتي. مي: مش هي كانت عاملة نفسها بتكرهك وهي مراتك؟ حمزة: طب وأنا مالي. مي: أكيد أنت اللي طلبت منها كدا. حمزة: أيوه، وعايزك تعرفي ليه أنا قولت كدا. مي: ليه؟

حمزة: علشان اللي خطفها واحد من اللي شغالين مع شريف، وعشان كدا بردو عايزك متزعليش مني، علشان أنا ناوي آخد حقي وحقك وحق شروق منه. مي بتنهيدة: يعني هتموته؟ الهادي الكبير: حمزة عمره ما يعمل كدا يا مي، مش عشان هو ابني، لا، عشان شروق. حمزة: متخافيش يا خالتو، أنا هسألهم للشرطة علشان مكنش كسرت قلب شروق، وأنا مش قد كسرت قلب شروق. هدي الأم: طب يا حمزة، يمكن شريف يتغير. محمد: لا يا هدي، شريف عمره ما هيتغير.

مي: حمزة، أنا مش زعلانة ومش هزعل، بس عايزة وعد منك. حمزة: وعد إيه؟