رواية عشق الحمزة الفصل الثامن والعشرون 28 - بقلم فاتن جمال

شروق: أي انت بتقول إيه؟ حمزة: أنا غلطان إني ما قولتلهاش. شروق: ماما قالت إيه؟ حمزة: قالت إياك تيجي لمي. شروق ضحكت وقالت: وأنت قولت إيه؟ حمزة: قولتلها حاضر. شروق ضحكت وقالت: طيب اتفضل بره لحد ما أخلص لبسي. حمزة: طيب، بسرعة ممكن؟ شروق: حاضر. بعد وقت، كانوا في بيت ليان. أدهم: نادوا. محمد: اتكلم مع مين؟ أدهم: اه، ثواني. أدهم نادى على هدى وقال: خدي لو سمحتي تعالي انتي وليان. أدهم وقف مستني.

لقى ليان خارجة لابسة دريس منت جرين ولفه الطرحة بطريقة حلوة أوي. هدى: حم حم، نحنا هنا. أدهم: بتقولي إيه؟ ليان ابتسمت بخجل. أدهم قرب منها وقال: إيه القمر ده؟ ليان ابتسمت وبصت للأرض. هدى: يا بني وسع كده خلينا نخرج. أدهم قعد. هدى (الأم) : بسم الله ما شاء الله. ليان بكسوف وابتسامة: شكراً يا طنط. هدى (الأم) : طنط إيه؟ انتي تقوليلي يا ماما. ليان بابتسامة وقالت: حاضر يا ماما. أدهم ابتسم وقال: أنا هرن على توفيق باشا.

فتح اللاب توب ونادى. أدهم: أزيك يا باشا؟ توفيق (المزيف) : الحمد الله يا حبيبي. أدهم: أنا جبت أهلي عشان أطلب إيد ليان من حضرتك. توفيق (المزيف) : المهم رأي ليان. ليان ابتسمت وقالت: إزيك حضرتك يا بابا؟ توفيق (المزيف) : الحمد الله يا حبيبي. في الوقت ده كان مراد خد هدى ونزلوا تحت. مراد: تعالي نقعد في العربية. هدى بكسوف: لا خلينا واقفين أحسن. مراد: طيب أنا هجيب عصير. هدى: تمام. نرجع لأدهم.

أدهم: طيب يا فندم، والدي موجود، تحب تكلمه؟ توفيق (المزيف) : لا يا أدهم، أنا أهم حاجة عندي راحة ليان. أدهم: متخافش. بص ليان وكمل كلامه وقال: ليان بقت كل حياتي. حمزة: احم احم. أدهم: اه، طيب يا فندم، نسيبك احنا. توفيق (المزيف) : مع السلامة. محمد: طيب نقرا الفاتحة. أدهم: أنا طلبت من توفيق باشا أن الفرح يكون الأسبوع الجاي مع مراد وهدى. ليان: بس بابا مش هيكون جه. أدهم: نبقى نبعت له صور الفرح.