رواية عشق اللؤلؤ الفصل الثالث عشر 13 - بقلم الاء عوض

انتبه حسام لمصدر الصوت واتصدم. حسام بسخرية: يااااااه حضرتك اتنازلت يا كريم بيه وبتتاسف كمان. كريم: بلاش سخريه اكتر من كده، انا حسيت اني غلطت وجاي اعتذر. حسام بغضب: حسيت انك غلطت بعد الموضوع بشهر يا بشمهندس، حسيت انك غلطان بعد ما طردتني قصاد الشركه كلها، حسيت انك غلطت بعد ما خلتني مش عارف ارفع وشي في وش الناس، روح بيتك يا كريم بيه ونام وانت مستريح ومتخليش ضميرك يوجعك.

كريم بقا مش عارف يرد يقول أي، مكنش يعرف انه وحش أوي كده في نظره، بس هو عنده حق في كل كلمة قالها. كريم بحرج: تمام يا حسام بيه، وانا اسف للمره التانيه، عن اذنك. طلع كريم وملامحه مش مبشره بالخير ابدا. كريم بحده: يلا يا أسر. أسر بضحك: تعالى يا كريم اسمع الاء بتقول عليك أي. كريم بغضب: يلا يا اسرررر. أسر: في أي يا كريم، اهدي، انا جاي أهو. كريم ببرود: وياريت يا انسه تيجي شغلك، عشان لو بكرا مجتيش هجيب حد مكانك.

كريم اخد أسر ونزل، والكل كان مستغرب من تحوله المفاجئ. خديجه: اكيد ابوكي قاله حاجه، انا هدخل يا بنات. الاء بسخريه: مش ده اللي كنتي بتقولي عليه طيب ومأدب، اشربي بقا. سلمي: بس واضح ان حصل حاجه بينه وبين ابوكي. الاء بتفكير: انا حاسه بكده بردوا. سلمي: ربنا يقدم اللي فيه الخير، يلا بقا نروح نتخمد. الاء: يلااا يا قدري. دخلت الاء وسلمى عشان يناموا. عند حسام وخديجه. خديجه: أي إللي حصل يا حسام. حسام بسخريه: كان جاي يعتذر.

خديجه بفرحه: طب كويس، ده طلع مأدب وعنده ذوق. حسام: جاي يعتذر عشان ضميره واجعه. خديجه: سامحه يا حسام، ربنا غفور رحيم، وهو كان متهور وبعدين اعترف بغلطه وجيه لحد بيتك واعتذر منك، يبقا أي إللي يمنعك انك تسامحه. حسام بهدوء: نامي يا خديجه، نامي. استغربت خديجه من رد جوزها. عند كريم وأسر. أسر: أي إللي حصل يا كريم، انا ملحقتش اخلص كلامي.

كريم بعصبيه: مش ده اللي كنت عايزني اعتذر منه، اتنازلت عن كبريائي وروحت لحد عنده واعتذرت، وكمان مش عاجبه. أسر: اهدي يا كريم. كريم بزعيق: متقوليش اهدي. أسر بعصبيه: ما هو انت اللي غريب، اتعاملت معاه بمنتهى التكبر، هنته قصاد أصغر واحد في الشركه، ولسه جاي تفتكر تعتذر الوقتي، وكمان انت اللي زعلان. كريم: حته انت شايفني وحش. أسر: لااااا، انت بقيت غريب اوي يا كريم، انا نازل. نزل أسر من العربيه بعصبيه.

سند كريم على الدريكسيون بتعب، وبعدين اتحرك على بيته وهو مش طايق نفسه. عند الاء. الاء كانت نايمه على سريرها بصه للسقف بتفكر. سلمي: بتفكري في أي يا لوءا. الاء: بفكر في كل حاجه، سلمي هو الحب حلو. سلمي بتنهيده: الحب غدار يا الاء، تفضلي تحبي اللي قدامك وهو يغدر بيكي في الاخر، بس فيه راجل ممكن يخليكي طايره من الفرحه، يحسسك كده بقيمه نفسك. الاء: مش نفسك. سلمي: في حد كده. الاء: لاء، خلاص انا جربت نصيبي.

سلمي: يعني لو لقيتي حد شاريكي وهيحسسك بقيمه نفسك مش هتقربي منه. حاولت سلمي تتماسك ومتعيطش لما افتكرت راجح. سلمي: لاء، انا جربت نصيبي ومش عايزه اتكسر تاني، تصبحي على خير يا الاء. اتنهدت الاء ونامت هي كمان. عند أسر. أسر بابتسامه شر: منور يا باشا. ...... : انت مين وعايز مني أي. أسر: انا اعرفك كويس، بس انت محصلكش الشرف عشان تتعرف عليا. ...... : ليه ياعني هكون بكلم رئيس الجمهوريه. أسر: وفر سخريتك لنفسك، بكره تعرفني وتندم.

...... : طب فك عنيا. أسر باستفزاز: لاء مليش مزاج تشوفني النهارده، هسيبك هنا كده يوم يومين تلاته حسب المزاج، وبعدين هجيلك تاني، يلا انجوووي. ...... : تعالااااا هنااا، فكني يلااا، انت مفكر نفسك مين. أسر للحارس: خلي بالك منه، وانا يوم ولا حاجة وهرجعلك. الحارس: تحت امرك يا باشا. طلع أسر واتجهه على بيته.