رواية عشق اللؤلؤ الفصل التاسع والعشرون 29 - بقلم الاء عوض

بعد شهر "عاااااشق" "ومين سمعك أنا عاااشقه" "كان قلبي أنا البااادئ" "مادام بنحب مش فااارقه" "عنيك الحلوه شاغلني" "لوحدك بس في النني" "تعاالي في حضني يا عمرييي" "تعالا يا روحي طمنييي" "مع حبي الحياه هنعيش" "ونداري من الفرقه" "واي يعني لو العشاق في دنيتنا يذيدو اتنين" كان هذا صوت المطربة التي كانت تغني بحب واضح، ولكن قاطعها عن اللحظة الرومانسية دخول حسام عليها.

حسام بضحك: يا سيدي يا سيدي، سيبتي المهرجانات ودخلتي على الرومانسي، البركه في كريم بقى. الاء بكسوف: لا يا بابا مش كده، أنا بس بحب الأغنية دي. حسام بمرح: يا تي مكسوفه. ضحكت الاء بكسوف. حسام بضحك: يلا يا حبيبتي اجهزي عشان كريم اتصل عليكي كتير بس انتي كنتي مشغولة، ههه بيقولك انزلي وهو هيوصلك للفيلا عشان تجهزي هناك. الاء بضحك: حاضر يا بابا، هاخد سلمي وهنزل لكريم. حسام: ربنا يخليكي يا حبيبتي. الاء: حبيبي يا بابا.

طلع حسام وساب الاء بتجهز نفسها عشان تنزل لكريم. قاطع تركيزها دخول سلمي عليها وهي ماسكة الطبق وبتطبل عليه وبتغني. سلمي بصوت عالي: يا عروسه يا عروووسه يا عروووسه. الاء: ولولوولولولو. سلمي: أنا مبسوطة ليكي جدا، ربنا يتمملك على خير. الاء بفرحة: أنا مبسوطة وطايرة من الفرحة وحاسة إني بحلم حلم جميل أوي أوي. قاطع كلامهم صوت فون سلمي وكان أسر بيتصل عليها، وابتسمت وفتحت عليه علطول. سلمي بفرحة: الوو. أسر بهدوء: انزلي تحت البيت.

سلمي بقلق: خير، في أي؟ أسر: انزلي وانت تعرفي. سلمي: حاضر. استأذن سلمي من خديجة والاء ونزلت لأسر وهي خايفة ومش مطمنة. نزلت ولقت أسر ساند على العربية. سلمي: في أي يا عم، قلقتني. أسر بهدوء: راجح رجع مصر. الكلمة نزلت عليها كالصاعقة، وخافت يرجع يضايقها تاني، هي ما صدقت نسته، ما صدقت طلعته من قلبها وعاشت حياتها. أسر: للدرجادي وحش؟ سلمي كانت في عالم تاني، شعورها كله خوف ورعب وعدم اطمئنان. أسر بوجع: لو واحشك أوي كده، روحيله.

سلمي تنهدت من غباوته معاها. سلمي: محدش وحشني غيرك. برق أسر بصدمة. سلمي بدموع: سبتلك قلبي من أول يوم شوفتك فيه، بس انت كنت غبي. أسر بصدمة: أنا غبي؟ سلمي: ده بس اللي لفت نظرك. أسر بهدوء: لا، لفت نظري حاجات كتير. بس… قاطعته سلمي بوجع ودموع: واضح إنك مش لاقي حاجة تقولها، أسفة عشان ضيعت وقتك، ولازم أطلع عشان انت عارف بقى، النهارده فرح الاء وكريم، عن إذنك. سلمي مدتش أسر فرصة إنه يتكلم وطلعت علطول.

أسر من عصبيته ضرب عربيته بإيده جامد. أسر بعصبية: غبي، غبي. ركب عربيته ومشي. كان عايز يطمن على سلمي بس مش عارف إزاي، فاتصل على الاء. أسر: سلمي جنبك؟ الاء بضحك: طيب، السلام عليكم الأول، انتوا زعلانين من بعض ولا إيه؟ أسر: حاولي تلطفي الجو ومتسيبيهاش زعلانة. الاء: تعبتوني معاكو، حتة يوم فرحي بصالح فيكو، لما انت حنين كده يا خويا، ماتروح تصالحها.

أسر بهدوء: عشان خاطري يا الاء، أنا مش ناقص وتعبان، معلش، آخر مرة هطلب منك كده. الاء: ماشي، بس اقفل الوقتي عشان سلمي جت. أسر: ماشي. وانتهت المكالمة. دخلت سلمي وكان باين عليها إنها بتعيط. الاء: برضه يا سلمي؟ قولتلك ميت مرة اعترفيله بحبك، مش كل يوم تنامي دموعك على خدك. سلمي بدموع: هو مش معبرني يا الاء خالص، كل ما اتشجع وأجي أقوله، بتراجع، خايفة. الاء: لازم تعرفيه. مسحت سلمي دموعها بإيدها.

سلمي: سيبك مني، ويلا عشان ننزل، النهارده فرحك يا استاذه، يعني خليكي في جوزك وبس. الاء: هيييح، والله وحشني. سلمي بزعيق: انزلي يا آخره صبري. سلمي والاء جهزو وكريم اخدهم وراحو الفيلا. في الطريق، الاء جت في بالها فكرة، كتبت لأسر مسج: "لو مش بتحب سلمي، سيبها ومتعلقهاش بيك، وعلفكرة سلمي جاي ليها عريس واحتمال توافق، لو بتحبها بجد، الحقها قبل ما تروح من إيدك." بعتت الاء المسج وعلى وشها ابتسامة نصر.

الاء: ده اللي لازم يحصل عشان يفوق قبل فوات الأوان. وصلوا الفيلا. الفيلا دي يا جماعة عشان يجهزوا فيها، والميكب ارتست بتكون فيها، وكريم بردو يجهز فيها، وبيهايصوا شوية، وبعدين يروحوا على القاعة. الميكب ارتست: ده انتي عليكي توصية جامدة أوي. الاء: من مين؟ الميكب ارتست: من كريم الدمنهوري. الاء بتنهيدة: لا، أنا مش محتاجة توصية، عايزاني أعملي زيي زي أي عروسة تانية. الميكب ارتست: تمام يا فندم. عند أسر.

قرأ المسج بتاع الاء واتجنن. أسر بعصبية: ازااااااي، ازااااي يجي ليها عريس وتوافق، ازااااي، ضيعتها من إيدك يا غبي يا غبيييي. تتوقعوا أسر هيعمل إيه!!؟