رواية عشق الملك الفصل الأول 1 - بقلم الكاتبه النادره

رقصي لي. سيدرا بخجل وصدمة: أفندم؟ نعم، أنت بتقول إيه؟ فارس بجرأة: هو أنتِ مش مراتي؟ يعني من حقي. سيدرا بتوتر: بس يعني حضرتك عارف إنه جوازنا على ورق، وإنه أهلي وأهلك غصبونا عشان يطمنوا علينا. اقترب منها ووقف أمامها. فارس بإعجاب: أنتِ حاطة إيه على خدودك؟ حطت سيدرا إيديها الاثنين على خديدها بتوتر وهي حمراء جداً وقالت: والله مش حاطة حاجة، فيه حاجة فيهم؟ بص لها فارس بمكر: شيلي إيدك كده وريني إيدك.

مدت له سيدرا إيدها بخجل، فشدها وحضنها وحط إيدها على قلبه بهدوء وهمس عند أذنها: أنتِ ملكي من يوم ولادتك، فاهمة؟ وخدودك مفيش فيهم حاجة غير إنهم بيشدوني للرذيلة، وأنا بصراحة بحبها. وقبل يدها ومشى وهو بيضحك على ملامح الصدمة والخجل اللي على وشها. سرعان ما دخلت للتواليت وبدأت في غسل وشها بخجل وابتسامة وهي لسه مش مستوعبة اللي حصل. وخرجت مسرعة بعد ما فكرت في كلامه وقالت بصوتها الهادي الجميل: فارس، فارس.

جاء من وراها: يا جمال اسمي من شفايفك. نعم يا عيون وروح وقلب فارس. بصت له سيدرا بخجل: أنت تقصد إيه بكلامك ده؟ فارس بحب: أقصد إني جوزك، ومن حقي أفُك الحجاب ده. وشال الدبابيس وفك الحجاب وفك التوكة، وانسدل شعرها لبعد ضهرها وهي مركزة في عيونه بس. فارس بتفاجؤ: إيه الجمال ده. سيدرا بخجل بصت في الأرض بكسوف. فارس

بحنية ورفع عيونها ليه: سيدرا، أنا الفرق بيني وبينك 7 سنين، أنتِ 19 وأنا 26. ههتم بكليتك وبحلمك اللي أهلك رفضوه وهساعدك وهوصّلك لحلمك بإذن الله، ومفيش أي حاجة هتعطلك، بس ده كله قصاد طلب واحد. سيدرا بلهفة: إيه هو؟ فارس: *****. سيدرا بخجل وصدمة: إيه؟ كل يا ابني. بص لها حازم بتوتر: باكل يا ماما أهو. الأم حنان بهدوء: مالك من أول امبارح وأنت مش على بعضك، وحتى مخرجتش مع أصحابك ولا لشغلك؟ أنت زهقان من حاجة؟

بص لها حازم بغضب غير مبرر: يوووه، أنتِ كل شوية كده؟ مش طافح ولا خارج وداخل أوضتي؟ دخل حازم أوضته وساب دموع أمه وحنانها. *هناك من يتمنى لحظات معها حتى ولو قسوة، وهناك من لا يقدر حنانها واهتمامها.* لحد ما سمعت الأم صوت تخبيط على الباب. مسحت دموعها وقامت تفتح. لقت صاحب ابنها. دخلته أوضة حازم بابتسامة وراحت تجيب لهم حاجة يشربوها. ورجعت بهدوء، بس الصدمة لما سمعت صاحب ابنها وهو بيقول لحازم:

هتعمل إيه في البت اللي اغتصبتها دي؟ 9 سنين يا ابني وأهلها بيدوروا. أنا رأيي تسافر بره لحد ما الموضوع يهدى. من الصدمة لفت الأم ودخلت المطبخ وقعدت على كرسي تفكر، لحد ما حزمت القرار وهو...