رواية عشق المراد الفصل الرابع 4 - بقلم مريم محمد

مراد ببرود: المحك في مرة يا فيروزة أكون مدايق وتسأليني مالي. فيروزة بعند: لا هسألك. مراد بغضب: هتندمي. اللهم بلغت. فيروزة بغضب: مش بمزاجك على فكرة، أنا مراتك. مراد ببرود: مراتي؟ اممم، قولتي مراتي. طب تعالي بقا يا مراتي عشان... فيروزة وفهمت قصده، تكلمت بخوف: خلاص خلاص، أنا آسفة. مراد بغضب: اطلعي بره. طلعت فيروزة بره الغرفة وهي بتبكي. وبعد قليل دخلت الغرفة وهي ناوي تقول له حاجة. مراد بزعيق: هو أنا قلت إيه؟

فيروزة: أنا جاية أقول حاجة وطالعة. مراد: اتزفتي، قولي. فيروزة ببكاء: حضرتك مش ملزوم إنك تحميني ولا تتجوزني، ده مش ذنبك. أنت طلقني وأنا هروح لبابا. أنت مش ليك ذنب لكل ده. مراد وحس أنها صعبت عليه: فيروزة، اقعدي. فيروزة قعدت وهي بتبكي ومش عارفة توقف عن البكاء. مراد أخدها في حضنه بحنية: خلاص، اهدي يا روز. وبعد وشها عن حضنه ومسح لها دموعها بحنية.

مراد: حقك علي قلبي، وياريت متقوليش إنك مش ملزومة مني. فيروزة، انتي كل حاجة ليا، يعني ملزومة مني. متقوليش كدا تاني، وأنا مستحيل أسيبك تروحي لأبوكي. فيروزة مسكت فيه بقوة وهي في حضنه: اوعى تسيبني يا مراد، خليك جنبي على طول حتى لو عملت حاجات غلط، ومتزهقش مني. أنا بخاف أبعد عنك انت وخالتو. مراد مسك فيها أكتر وحاول يهديها لحد ما راحت في سبات عميق. حطها على سرير وطلع بره الغرفة. راح على شغله. في حتة تانية.

عز كان بيجري بيعمل رياضة وتليفونه رن. وقف عشان يرد على مكالمة. عز: إيه يا بابا؟ فريد بغضب: أختك اتجوزت مراد يا عز. لازم تجيب لي أختك. عارف يعني إيه أختك بقت في حضن مراد؟ يعني مش هنعرف ناخدها بعدين. كمل بحزن: عز، أنا عايز بنتي في حضني. عز بحزن على حالة أبوه: هحاول أعمل اللي عليا يا بابا. وقفل مع أبوه ولسه هيتحرك، لكن عربية خبطته خبطة خفيفة. عز: آآآه. نزلت بنت من العربية وهي خايفة.

ريحانه: أنا آسفة، أنا آسفة والله مش كان قصدي. عز بتعب: انتي حيوانة يابت انتي. ريحانه خافت وفضلت تبكي وهي بتتكلم: خلاص، ونبي آسفة. عز بص لها واتصدم من جمالها وسرح في ملامحها. عز مسح لها دموعها: خلاص، متزعليش. ريحانه: مش زعلانه. عز: عن إذنك. مشي عز وهيا ركبت عربيتها ومشيت. عند مراد في المستشفى، فاجأة دخل عليه حد بيرزع الباب. مراد بعصبية: إيه ده؟ في حد بيهجم على حد كدا؟ عز بغضب: أختي! لا يا مراد، انت فاهممم!

مراد ببرود: أختك؟ مراتي. عز: أختي مش كانت مراتك. انت عملت كدا لما بابا المرة دي كان هيرفع قضية لأن مش عارف ياخد أختي، وانت عارف يا مراد أنا أقدر أعمل إيه وآخدها. مراد ببرود: مش عليا أنا يا عز. عز بابتسامة تحدي: هنشوف. ومشي وسابه. قعد مراد يفكر بغضب. بعدين راح على بيت. دخل غرفته كانت فيروزة لسه نايمة. راح صحاها. مراد: فيروزة. فيروزة بنوم: نعم. مراد: خليكي جنبي. أخوكي ناوي على شر.