رواية عشق المراد الفصل السادس 6 - بقلم مريم محمد

ريحانه بخوف: نعم حضرتك عايز حاجة؟ عز: انتي رايحة فين يا هانم وسايبة شغلك؟ ريحانه بعدم استفهام: شغل إيه؟ هو مش حضرتك قلت إنك لقيت سكرتيرة؟ عز ببرود: آه، انتي السكرتيرة. ريحانه بفرحة: بجد؟ عز وهو لسه على نفس بروده: إمال، هزر! انتي هتكوني السكرتيرة الشخصية اللي بتدخل لي، ونهلة السكرتيرة العامة. ريحانه بفرحة: وأنا هبدأ النهارده. عز وهو بيلف وابتسم على فرحتها: آه، النهارده. عند فيروزة.

دخل عليها مراد الغرفة ببرود وراح نام على السرير. فيروزة: مش عندك شغل؟ مراد ببرود: إجازة. فيروزة بتساؤل: مراد، هو إنت ليه بتكره أبويا؟ مراد وهو بيجز على سنانه: أنا مبكرهش حد. فيروزة: بس بتكره أبويا. مراد: قولت مش بكره حد. فيروزة: طب هو أبويا شرير؟ مراد ببرود: معرفش. فيروزة: طب هو أنا ليه من زمان مش عايشة مع أبويا؟ مراد وهو على نفس بروده: ملكيش دعوة. فيروزة فردت جسمها على طرف السرير وهي بتبكي. مراد شدها لحضنه ومسح

دموعها وباسها على خدها: نامي يا روز وبلاش أسئلة. نامت فيروزة في حضنه وهي حزينة. عند ريحانة، كانت فرحانة إنها هتشتغل مع عز وحاسة إنها عايزة تفضل جنبه على طول. نهلة: ريحانة، خدي دخلي الورق ده لعز. ريحانه باستغراب: عز؟ انتي بتقولي عز كده؟ نهلة بتكبر: آه، أصل أنا وعز صحاب. ريحانه بغيرة على عز: آه تمام، عن إذنك. دخلت ريحانة الغرفة وكان عز مرجز في اللاب توب وشغال. ريحانه بصوتها الهادي: الورق اللي حضرتك طلبته يا بشمهندس عز.

عز بيبصلها بابتسامة: حطيه على مكتبي. ريحانه وهي بتحط الورق اتكلمت بصوت واطي: يخربيت وسامتك دي وأم ضحكتك، هي ماما نحلة يلا. عز بضحك: آه نحلة. ريحانه شهقت من الصدمة وإزاي سمعها، كان صوتها واطي. ريحانه بتوتر: أنا أنا... عز بمرح: عارف إني مز ووسيم من غير ما تقولي. ريحانه: عن إذنك. وطلعت وهي بتقول: مغرور بس بحبه. عند مراد، قام بعد ما فيروزة نامت وطلع قعد بره ولسه هيشغل التلفزيون، بس تليفونه رن.

مراد بغضب وصدمة: عايز إيييي؟ فريد: انت ليه مش عايز تفهم وتعرف الحقيقة؟ ليه مصدق أمك؟ ما انت ممكن تسمعني وتعرف الحقيقة، بلاش تخلي بنتي تاخد صورة وحشة عني، ولا انت تاخد عني صورة وحشة، ومش تنتقم في فيروزة على حاجة كذب من الأساس. مراد: أنا مستحيل أنتقم في فيروزة، لأن أنا بحب فيروزة. وقفل السكة في وشه. رمى التليفون بغضب على الأرض. مراد: أنا هوريك... والانتقام هيكون فيك انت مش في بنتك. عند عز، قام من مكتبه بغضب: نهلهههههه.

نهلة دخلت بخوف من صوته: الملف ده كل اللي فيه غلط، انتي عارفة لولا إني خدت بالي كان ممكن يحصل إيه. نهلة بخوف: دي ريحانة اللي كانت بتتعلم على اللاب وقالت إنها هي اللي تكتب وتطبع الورق وبعدين تدخله ليك، واكيد عشان هي أول مرة تشتغل عشان كده خربت الملف. عز بص لريحانة بغضب، اللي داخلة على شفتها ابتسامة. ... يتبع.