رواية عشق المراد الفصل الحادي عشر 11 - بقلم نور ايمن

زين: بما إننا بقينا في دايرة الجد، أقولك أنتِ مين. نور بخوف: مين؟ زين: أنتِ أمك تبقِ أخت مراتي الله يرحمها، يعني أنتِ بنت حماتي، ومراد يبقَ ابن خالتك، يبقَ لازم أحافظ عليكِ. نور بصدمة: إيه الكلام ده؟ ماما مكنش ليها أي حد أصلاً، وكانت بتقولي إن مامتها ماتت وهي بتولدها، وإنها ملهاش إخوات ولا أي حاجة، وباباها مات وهي عندها 20 سنة.

زين: وأنا برضه يعتبر اللي مربي مراتي دي، ومكنتش أعرف ليها أي قرايب، حتى باباها اللي كنت عارف اسمه معرفتش أوصله. بس أنتِ من أول ما شفتك وأنا شايف شبه كبير أوي بينك وبينها، ولما شفت بطاقة مامتك مع مراد عرفت إنها أختها. نور: يعني مراد عارف؟ زين: لأ. نور: إزاي والبطاقة معاه؟ زين: هو جاب الحاجة كلها ومفتحهاش، ونساها هنا في مكتبي، وأنا اللي دورت فيهم عشان كنت حاسس إن في قرابة. نور: ..... زين: خلينا في موضوعنا، ها وافقتِ؟

نور: هفكر وأقولك. زين: تمام. نور قامت وخرجت، وطلعت تقعد في الجنينة. مراد: جايه ورايا. نور: مكنتش أعرف إنك هنا، بس أنا عايزة أروح لماما، ممكن؟ مراد: اطلعي البسي. نور: حاضر. وطلعت لبست ونزلت، ومراد أخدها وصلها. نور: ممكن تروح، وأنا هجيب تاكسي وأجي بعد شوية. مراد: لأ مش ممكن. نور: عايزة أبقى لوحدي. مراد: هستناكي عند العربية. نور: تمام. مراد خرج.

نور بعياط: أنا محتاجاكي معايا بجد في الوقت ده، وانت يا محمد، كدا هونت عليكوا تسيبوني لوحدي. بعد ساعة خرجت نور وهي بتعيط. مراد حاول يسيطر على نفسه. مراد ببرود: خلصتي؟ هنمشي؟ نور: آه. في قصر الدمنهوري. نيرا: قالتلك إيه يا بابا؟ زين: هتفكر، هي متكلمتش معاكي؟ نيرا: لأ، هي خرجت مع مراد من أول ما طلعت من عندك. زين: ماشيين. نور: السلام عليكم. زين: تعالي يلا عشان ناكل. نور: مش جعانة. نيرا: وأنا كمان مش هاكل بقى.

مراد طلع من غير كلام. زين: استنى أما تاكل أنت كمان. مراد: مش عاوز. نور: تعالي يا مراد ناكل مع بعض. مراد نزل تاني من غير كلام. زين: قولتلي إيه يا نور؟ نور: موافقة. مراد: وأنا مش موافق. زين بعصبية: هو لعب عيال؟ مراد بضحك: بهزر طبعاً، أنا أقعد، كتب الكتاب بكرة إن شاء الله. زين: إن شاء الله. نور: لأ بكرة إيه، إحنا مفينش من الكلام ده. نيرا: بس بقى خلينا نفرح، اسكت. زين: نكتب الكتاب وبعد كده حددوا الفرح براحتكم.

نور: طب ليه الاستعجال؟ مراد: قبل ما تغيري رأيك. نور: يجدع. مراد: آه، يلا تصبحوا على خير. نور ونيرا وزين: وأنت من أهل الخير. نيرا: أومال فين تيته يا بابا؟ زين: نايمة. نيرا: ومش هتعرف الخبر ده؟ زين: بكرة تعرف يا حبيبتي، قوموا يلا عشان تناموا. نيرا ونور: حاضر. مجهول 1: يعني إزاي مش لاقيها في البيت؟ مجهول 2: والله يا باشا روحت ولقيت الباب مقفول وكسرته ودخلت ملقتش حد. مجهول 1: يعني هتكون راحت فين؟ مجهول 2: عندي خطة.

مجهول 1: قول انجز. مجهول 2: نفذ من بكرة. مجهول 1: ماشي. يوم جديد على أبطالنا واليوم المنتظر. مراد صحي من النوم، فتح الواتساب لقي نور أونلاين. مراد: صباح الخير. نور: صباح النور. مراد: قومي يلا جهزي عشان نروح نجيب للعروسة فستان. نور بفرحة: حاضر. وقامت أخدت شاور ولبست دريس بسيط باللون الأزرق وخمارها المشجر، والشوز الأبيض، وكانت في غاية الجمال. نيرا بتفتح عينها: أوبا! الجميل رايح على فين بالشياكة دي كله؟

نور بفرحة: حلو بجد، مراد قالي نروح نجيب فستان. نيرا: قمررر. نور: حبيبة قلبي بقى، يلا باي. وخرجت ولقيت مراد مقابلها. نور: على فين؟ مراد: كنت جاي أناديكي. نور: طب يلا أنا جاهزة. وخرجوا. مراد: هنروح على المطعم ناكل الأول عشان لسه يومنا طويل. نور: طب كدا مش هنلحق. مراد: لأ إن شاء الله. ونزلوا عند المطعم وكلوا ومشيوا، وداها عند مكان حلو أوي لفستاتين المحجبات. نور: إيه ده؟ ده باين عليه غالي.

مراد: ميغلاش عليكي حاجة يا قمررر. نور لفت نظرها فستان أبيض ستان، كُمامه واسعة وضيق من فوق ونازل بوسع، تحفة. نور: الفستان ده حلو أوي. مراد: مش ضيق شوية؟ نور: هيداري بالخمار. مراد: طيب تحبي تقيسيه؟ نور: آه. مراد: لو سمحت. الـبنت: اتفضلوا. مراد: البروفة فين؟ الـبنت شاورت وقالت كدا على يمينكم. مراد: تمام شكراً. وأخد نور ودخلت قاست الفستان وعجبها، وقلعته عشان تعملهالوا مفاجأة بقى، وخرجت. مراد: إيه ده؟ مورتهوليش ليه؟

نور: تشوفوا أما نروح. مراد: ده بجد؟ نور: آه. مراد: طب تمام. وخرجوا. نور: كدا لسه الخمار. مراد: حاضر. وأخدها في مكان للحجاب وجابت الخمار. مراد موجه كلامه للبنت اللي واقفة: لو سمحتي هاتي نقاب أبيض. نور بإنبهار: لمين؟ مراد: هقولك بعدين. وجابوا الحاجة وخرجوا. نور: وأخيراً خلصنا. مراد: لسه حاجة على السريع وهنروح على طول. نور: إيه؟ مراد: اصبري بقى.