رواية عشق المراد الفصل السابع عشر 17 - بقلم نور ايمن

ميرا: يااه كل ده! معتز: دي أبسط حاجة، انتِ متعرفيش أنا بجد من أول ما شفتك وأنا قولت هي دي اللي هتبقى شريكة عمري، بس كنت فاكر إننا هنلعب قط وفار، بس ملهفناش نلعب. ميرا بضحك: بسكدا من عيني. معتز: لا، أوعي. ميرا: طب قوم يلا عشان أقدر أقوم، بكرة عندي شغل. معتز: انتِ مجنونة! ميرا: ليه؟ معتز: تروحي شغل تاني يوم جواز؟ وبعدين لو بعد سنة مفيش شغل. ميرا بزعل: ليه؟ معتز: هو كدا، انتِ تقعدي معززة مكرمة وأنا أنفذ.

ميرا: مش بشتغل عشان الفلوس. معتز: امم، اومال إيه؟ ميرا: عشان أبعد عن البيت أكتر وقت أقدر عليه. معتز: آه، احكيلي عن عمك ده بيصرف عليكِ؟ ميرا: ولا جنيه، أنا معايا فلوس في حسابي، أنا اللي علمت نفسي بيها، ولو هما عرفوا إن أنا معايا فلوس كان زمانهم خدوهالي وقعدوني من التعليم. معتز: فلوس منين ومعرفوش إزاي؟

ميرا: بابا كان عامل حساب ليا، وعليه الفلوس، بس هو اللي كان معاه الفيزا، وقبل ما يموت عطاهالي وقالي معرفش أي حد بيها واخبيها بعيد عنهم وبالذات عمي، وأكد عليا إني على قد ما أقدر أعافر وأكمل تعليم. معتز: ربنا يرحمه يا حبيبتي. ميرا بدموع: يارب. معتز: والله لأجبلك حقك من كل اللي زعلِك. ميرا: يلا نروح ومتشغلش بالك. معتز: يلا. نور: وحشتني يا مرااااد. مراد: وانتِ كمان يا قلب مراد. نور: إيه كل ده، كنت فين؟

مراد: الشغل كان كتير يا حبيبتي. نور: أنا كنت عاوزة أجلك بس خوفت. مراد: من إيه؟ نور: منكم. مراد: هو أنا بخوف؟ نور بضحك: جد؟ مراد: يلا يابت قدامي على الأوضة. نور: حاضر. مراد: نونو حبيبتي، كنت عاوزك في موضوع. نور: اتفضل. مراد: عاوزين نعمل فرح. نور: لمين؟ مراد: لينا. نور: اشمعنى؟ مراد: عاوزين نفرح بقى، وكمان صاحبي كتب كتابه النهارده، اتفق معاه ونخليها ليلة واحدة. نور بفرحة: ماشي. مراد: عاوزين ننزل نشتري شوية هدوم.

نور: لمين؟ مراد: لينا يا نور، فتحي دماغك معايا كدا. نور: بحاول والله، وبعدين أنا عندي امتحانات الأسبوع الجاي. مراد: إن شاء الله بعد النتيجة نعمل الفرح. نور: طب هننزل نجيب لبس امتى عشان عاوزة أشتري كام خمار ونقاب كدا. مراد: بكرة يا حبيبتي. نور بفرحة: طب يلا ننام. مراد: تصبحي خير يا عيونين. نور: وانت من أهل الخير يا حبيبي. يوم جديد على الأبطال. معتز: بقينا الضهر يا ميرا، اصحي بقى.

ميرا: يا طنط حرام عليكي، خمس دقايق وقايمة، كفاية ضرب بقى. معتز: أنا معتز يا حبيبتي. ميرا بهلوسة: عاوزة أنام. معتز: لأ، مبدهاش، ده أنا أنام أنا كمان. نور صحيت ملقتش مراد جمبها. مراد وهو خارج من الحمام: صباح الفل. نور: صباح الجمال، على فين بالشياكة دي كلها 😉😂. مراد: انتِ نسيتي ولا إيه؟ نور وهيا بتنط من على السرير: لا، أنا فاكرة. مراد: هعمل كام حاجة على اللاب لحد ما تخلصي. نور: ماشي.

ميرا: صباح الجمال على عيونك الحلوة دي يا تيته، الناس بتكبر وتبقى وحشة، انتِ بتحلوي. فريد: بس يا بكاشه. ميرا: أنا بكاشه يا تيته. فريدة: آه، يلا قولي عاوزة إيه. ميرا: بصي بصراحة، كنت عاوزاكي تعملي مكرونة بالبشاميل عشان نفسي فيها من إيدك أويي. فريدة: عيوني، يلا اطلعي ذاكري وأنا هقوم عشان أخلص قبل ما الجماعة ينزلوا. ميرا: ماشي يا حبيبتي. مراد: إيه كل ده يا نور؟ أنا زهقت من الانتظار. نور: ثواني وهخلص أهو.

مراد: ساعتين يا مفتري. نور: ما أنا مش هخرج مع أي حد، ده مراد بيه. مراد: يلا يا لمضة. نور وهيا بتفتح الباب: خلصت. مراد بتصفيرة: انتِ هتمشي معايا بالحلاوة دي كلها؟ لأ، مقدرش. نور: لي بس يا حبيبي؟ مراد: يا بنتي، مقدرش أقوم كل ده كتير. نور: هيح. مراد: يلا ننزل، كفاية كدا. نور: يلا. زين: على فين؟ اقعدوا افطروا. مراد: هناكل برا. فريدة: ده أنا عملتلكوا مكرونة بالبشاميل. مراد: لأ، كدا ناكل هنا بقى.

نور وهيا رايحة تقعد: أنا بقول كدا برضه. بعد مرور ساعة. نور: يوووه، ده حلو. نور: عشان خاطري. مراد: طيب، هاتيه، بس أقسم بالله ما هتخرجي بيه من باب الأوضة، يلا بقى. نور بقرف: أومال هجيبوا لي، تعالي نشوف حاجة تانية. مراد: أيوا كدا. وبدأوا يختاروا هدوم ليها وخلصوا وراحوا على محل رجالي، مراد جاب كام حاجة لنفسه، وطبعًا نور دخلت واختارت معاه. نور: عاوزة آكل آيس كريم.

مراد: تعالي أجيبلك، وأخدها وجاب ليها وليه وراحوا العربية وركبوا ورجعوا على البيت. نور وهيا بتترمي على السرير: يووم متعببب. مراد: جد. نور: انت عندك شغل ولا مش هتنزل النهارده؟ مراد: هتابع على اللاب توب. نور: ماشي. وقامت أخدت شاور ورتبت الهدوم اللي جابوها وراحت قعدت جمب مراد على السرير. نور: لسه كتير؟ مراد: نامي يا حبيبتي، انتِ تعبتي وأنا هخلص وأنام. نور: ما تعلمني بتعمل إيه كدا.