رواية عشق الصقر الفصل الرابع 4 - بقلم شهد طارق

روان : بابا الحقنى. شهد من ساعة ما سبتها فى المدرسة ولسه مرجعتش وكمان تليفونها مقفول. وليد بفزع: إيه. ديه الساعة 11. هاتى أكلم فاتن. وليد: الو يا فاتن. أهدى بس. إزاى ساكنة لغاية دلوقتى. فاتن بدموع: هى قالتلى عندها درس الساعة 3 ف مش هتلحق تيجى. وهتقعد على محطة الترام لغاية معاد الدرس. والدرس بيخلص 6 وعقبال ما تيجى بتبقى 7.

اتصلت كتير تليفونها مقفول قولت يمكن الشبكة. وقولت يمكن المواصلات لكن وصلت الساعة 0 ولسه مجتش مش عارفة أعمل يا وليد مش عارفة. وليد: اهدى يا فاتن هتصرف. فاتن: أنا هتصل بالسنتر يمكن أعرف حاجة. وليد: ماشى وأنا هعمل الاتصالات وأتصرف ولو عرفتى حاجة اتصلى بيا. فاتن: حاضر. *** فى قصر الصقر. شهد بصوت ضعيف جداً: آآه حرام عليك أنا بموت. صقر: هههههه هو انتى لسه شوفتى حاجة. انتى لسه مشوفتيش الجنان شكله إيه.

شهد: أنا عملت إيه لكل ده. حرام عليك. صقر: هشششش بقى أنا مش فاضيلك. وخرج. شهد بقهر ودموع: آه يا رب ارحمنى برحمتك واخرجنى من المكان ده على خير. *** صقر: مروان. إيه جابك. مروان: مفيش كنت زهقان قولت أجيلى أسهر معاك. صقر: اها ماشى. مروان: هو إنت كنت بتعمل إيه فى البدروم. صقر: وانت مالك يا مروان. مروان: لأ عادى بسأل. هو إنت جايب حد تروقه هنا ولا إيه. صقر بابتسامة خبيثة: أحلى ترويقة. مروان وهو بيبلع ريقه: الله يرحمه.

صقر: هههههههه قصدك يرحمها. مروان بصدمة: هى ست. صقر: اها. مروان بإنفعال: انت اتجننت يا صقر. صقر بتحذير: عايز أبلغك معلومة. هى تحت بتتروق عشان غلطت فيا. أنا هعديلك الكلمة ديه عشان إنت صاحبى. غير كدة كان زمانك نازل تتروق معاها تحت. مروان: طب أطلب لها دكتور. أنا متأكد إنك طحنتها. صقر: ماشى أهو بعدها أكمل عليها. مروان فى سره: مش طبيعى. صقر: بتقول حاجة. مروان: أنا لا. بقول نطلب الدكتور. صقر: قصدك دكتورة. مروان: اه طبعاً.

*** عند روان. روان بدموع: عملت إيه يا بابا. وليد: اتصلت بكل الناس. حتى اتصلت بناس يوصلولها عن طريق الـ GPS. قالوا آخر مكان كانت فيه المدرسة. أعمل إيه مش عارف. روان بدموع وانهيار: يعنى إيه. مش هشوفها تانى. لأ لا رجعلى شهد يا بابا ونبى. وليد: أهدى يا روان والله بحاول. أهدى. روان: يا حبيبتى يا شهد. آآه روحتى فين. *** تانى يوم.

مازال وليد عمها بيدور عليها. وبيتصل بكل الناس. وفاتن منهارة ومش قادرة تقول لأبوها. أما فى قصر الصقر. شهد بصوت ضعيف جداً: إن إنتى مين. الدكتورة: أنا الدكتورة. شهد: ومين الـ جابك. الدكتورة: صقر باشا. شهد بسخرية: هه صقر باشا بنفسه جايبك ليا. غريبة. الدكتورة: إنتى إيه الـ وقعك فى إيده. شهد بألم: حظى الأسود. ونبى أبوس إيدك ادينى أى مسكن أنا بموت. الدكتورة: هعالج جروحك وأديكى حقنة مسكن هتخففك.

عالجت جروحها الكتير جداً طبعاً. وعطتها حقنة مسكن نيمتها لأنها فيها نسبة مخدر وكمان شهد مكنتش نايمة أصلاً من الألم. الدكتورة: صقر باشا أنا عالجت جروحها وعاطتها حقنة مسكن ودلوقتى نامت. صقر: ماشى روحى إنتى. الدكتورة: عن إذنك. نزل ليها صقر. وبص عليها وهى نايمة. صقر فى نفسه: أد ملامحك بريئة. وجميلة أوي. أنا مش عارف أنا عملت فيكى كدة ليه. من ساعة ما ماتوا وأنا بقيت قاسي بطريقة بشعة. الله يرحمكوا.

بعد شوية شالها. ووداها أوضة. بعد ما نزلها على السرير. صقر: نعمات يا نعمات. نعمات: نعم يا باشا. صقر: هاتى هدوم من عندك وغيرلها. ولما أصحى تعالى بلغينى. نعمات: أمرك يا باشا. تؤمر بحاجة تانية. صقر: لأ روحى. نزل الجنينة. ووقف بشرود. وقطع شروده. إيد مروان على كتفه وقال. مروان: بتفكر فى إيه يا صاحبى. تنهد صقر وقال: مش عارف. مروان: ناوي ترجع صقر صاحبى امتى. صقر: معرفش وشكلي ومش هرجع يا مروان.

مروان: انساه يا صقر. وارجع لحياتك. صقر بتهكم: هه انساه. مروان: أيوة انساه. وبطل قسوتك يا صقر. سلام يا صاحبى. وربنا يهديك. *** بعد ما مروان مشي. صقر فى نفسه: هتفضل لغاية امتى قاسي يا صقر. بتقسى على كل الـ حواليك هو ملهمش ذنب. حتى شهد. شهد بنت صغيرة غلطت فيك. عملت فيها كدة. بقيت بتستعرض قوتك على بنت وكمان صغيرة. فاق من شروده وقال. صقر: فعلاً أنا بقيت قاسي بدرجة غبية.

خلص كلامه مع نفسه ودخل لمكتبه يشتغل وهو مش عارف مصير شهد معاها إيه. عند بيت شهد. فاتن بدموع: آآه يا بنتى. أعمل إيه يا وليد. أعمل إيه بنتى اختفت مش عارفة عنها حاجة. طارق أقوله إيه بقاله يومين بيسأل عليها. وأقوله حجة شكل. أخاف لو قولته يجراله حاجة. آآه يا بنتى روحتى فين يا شهد. وليد: أهدى يا فاتن. أهدى. أنا الـ مستغربة أن المنطقة الـ حوالين المدرسة مش منطقة خطف خالص.

روان: أنا بكرة هروح المدرسة وأسأل عليها صحابى وصحابها. يمكن يكونوا عارفين عنها حاجة. وليد: إنتى يا فاتن اتصلتى بالسنتر. فاتن: أيوة اتصلت بيهم قالولى أنها مجتش الدرس أصلاً. يعنى اختفت من ساعة ما طلعت من المدرسة.