تحميل رواية عشق الطفولة بقلم سلمي محمود pdf

حور بفرحه: الله يا سليم البدلة هتاكل منك حتة.

سليم بغرور: طب ما أنا عارف إنها حلوة، مش أنا المختارها.

حور: يا سلام، قال إيه زوقك عدل أوي.

سليم: لو زوقي كان وحش ما كنتش اخترتك يا موزتي.

حور بخجل: بس بقى يا سليم بتكسفني.

سليم: آآآه، كلها انهارده وبكرة وبعدين مش عايز أسمع منك "بتكسفني" دي.

حور: طب يلا أدخل غير بقى البدلة عشان نروح.

سليم: لا يا ستي، أنا هفطرك انهارده برا.

حور: لأ لأ، مش معقول تأكلني امبارح وانهارده كمان.

سليم: عدي الجمايل يا أختي، بخلص قبضك علي.

حور بدلال وهي تقترب منه وتعدل ربطة عنقه: بقى كدا يا سولي، خسارة فيا يعني؟

سليم: ابعدي يا بت، اللهم إني صائم.

حور بضحك: بعد إيه بقى؟

دخلت صاحبة المحل: خلاص كدا يا أستاذ سليم، البدلة تمام.

سليم: آه تمام، هاخدها انهارده. شكراً لحضرتك.

سوزي بدلع: العفو، بس أعدل الكرافتة بتاعتك، مش مظبوطة.

اقتربت منه سوزي لتعدل له الربطة ولكن أوقفتها حور.

حور: إيه يا أختي، رايحة فين هي؟ وكالة من غير بواب؟

سوزي: هعدله الكرافتة.

حور بزعيق: قسماً بربي لو ما بعدتي عن وشي لأمسح بيكي بلاط المحل. إيه، واقفة مش مالية عينك أنا؟

خرجت سوزي.

نظرت حور إلى الواقف أمامها يضحك.

حور بغضب وصوت مرتفع: عاجباك أوي؟

سليم: قسماً بالله لو صوتك على تاني لهتشوفى سليم تاني مش هيعجبك. امشي يالا قدامي.

حور: ماشي يا سليم، بس لما ولاد خالي يجوا عندنا وأقعد معاهم، متبقاش تزعل.

سليم بغضب: وربى الخلقني، لو حصلت مهتشوفى يوم عدل معايا، وانت حرة.