سليم: تسلم إيدك يا موزتي عالأكل.
سميحة (والدة حور، بفم ممتلئ): وهي موزتك دي اللي بتطبخ يا أخويا؟ وبعدين إيه موزتك دي؟ ماتحترمني شوية يا واد أنت.
سليم (وهو يمسك يد حور ويقبلها): جرا إيه يا سمسم؟ ماتسبيني أدلع البت شوية.
حور (بكسوف): بس بقى يا سليم، إيه اللي انت بتقوله ده؟
سليم (ببجاحة): يعني مش عاجبك اللي أنا بقوله؟
ثم أمسك يدها وسحبها خلفه إلى غرفتها.
سليم: بعد إذنك يا حماتي.
سميحة (بفرحة داخلية وهي تدعو أن تستمر علاقتهما هكذا): إذنك معاك يا أخويا، بيتك ومطرحك.
أغلق سليم الباب خلفه ثم نظر إلى تلك الواقفة بخجل.
سليم (بخبث وهو يقترب منها): بقى مش عاجبك كلامي؟ طب نشوف كلام غيره.
ثم أنزل بصره إلى شفتيها.
حور: اعقل يا سليم، ماما برا.
سليم: يا بنتي هو أنا شاقطك؟ انتي مراتي، مراتي!
حور: لا يا سليم، أنت أحرجتني على فكرة. ده كلام تقوله لماما برا، وبعدين مراتك دي لما أكون في شقتك.
سليم (بحب وهو يقبل مقدمة رأسها بحب): خلاص يا حبيبتي، متزعليش. وبعدين يا حور أنا كاتب عليكي بقالي سنة. حرام يا ناس، أنا استويت.
حور (بضحك): خلاص بقى يا سولى، هانت خلاص.
سليم: ماشي، بس ده ميمنعش من تصبيرة صغيرة.
ثم أخفض بصره إلى شفتيها.
واخفض رأسه نحوها وهو ينظر إليها بنظرات عاشق.
ثم سحب شفتيها فقبلة شغوفة إلى أن انقطعت أنفاسهما.
ابتعد عنها سليم ببطء وقال بصوت لاهث: بعشقك يا حوريتي.
حور: وأنا بعشقك يا قلب حوريتك.
سليم: تعالي بقى نطلع لأمك، الزمانها شايطة برا.
خرج حور وسليم من الغرفة.
سليم: أنا ماشي بقى يا حبيبتي، عايزة حاجة؟
حور: رايح الشغل؟
سليم: آه، المأمور طلبني انهارده الصبح، وقالي أكون في المكتب بعد الفطار.
حور: ترجعلي بالسلامة.
سليم: لا إله إلا الله.
حور: محمد رسول الله.
سليم: مع السلامة. باي يا سمسمة.
سميحة (بضحك): باي يا عيون سمسمة.
حور تنظر إلى والدتها بخجل شديد مما حدث.
سميحة (بضحك): تعالي يا هبلة.
حور (بخجل): ماما، انتي زعلتي؟
سميحة: زعلت من إيه يا ختي؟ ده جوزك. وبعدين سليم ده ابني من يوم ما أهله اتوفوا، ومعزته في قلبي زي معزتك بالظبط.
حور: ربنا يخليكي لينا يا ماما.
سميحة: ويخليكي ليا يا روح ماما. يلا روحي صلي وادعي لجوزك ربنا يرجعهولك بالسلامة من المأمورية دي.
حور (بقلق): يارب يرجعلي سالم، ويجمعني بيه على خير.