رواية عشق ام انتقام الفصل الثلاثون 30 - بقلم رنا سعيد

أدهم بإيده واحدة شدها من خصرها. أدهم: تعرفي إنك واحشاني أوي. رنا بابتسامة خجل: إيدك عاملة إيه دلوقتي؟ أدهم بابتسامة خبث: بحبك. رنا بعدت عنه وراحت قدام المرايا تمشط شعرها. أدهم ابتسم بخبث وأخذ منها المشط وبدأ يمشط شعرها في وسط ذهول رنا منه. أدهم بابتسامة: أنا بفكر نروح نعمل شهر عسل في مكان خاص بينا. إيه رأيك يا قمري؟ رنا بخجل وبصتله من المرايا وابتسمت وهزت راسها بمعنى موافقة. أدهم بابتسامة: هحجز لينا طيارة من بكرة.

رنا بتسرع: لا مش هنروح في مكان غير لما دراعك يخف الأول. أدهم بابتسامة: لا مش هتخف غير لما نسافر أنا وانتي كده في مكان بعيد عن الناس ويبقى أنا وانتي بس اللي فيه. رنا بدلع: أدهم حبييي مش هروح غير لما دراعك يخف. أدهم بضحكة: ماشي يا قلبي. رنا بابتسامة: بحبك. أدهم بابتسامة: قولتي إيه؟ رنا وقامت وفقت. رنا: بقولك عايزة أنام. أدهم بخبث: كدابة. رنا بتذمر زي الأطفال: أنا كدابة. أدهم: أيوه عشان قولتي بحبك.

رنا بضحكة وبتذهب للسرير: وأنا أكتر. أدهم بابتسامة خبيثة: أها يا بكاشة. رنا نامت على السرير وأدهم راح ينام جنبها. رنا وقامت قعدت: أنت بتعمل إيه؟ أدهم: هنام. رنا: هنا. أدهم: أيوه مش أوضتي وسريري وأنتي مرايتي حبيبتي. أدهم شدها لحضنه. أدهم: تعرفي إن فرح يوسف وصحبتك الأسبوع الجاي. رنا بفرحة: أيوه عارفة. أدهم: أنا بفكر نحضر فرحهم ونطلع على شهر عسل على طول. رنا بفرحة: ماشي. وهما كمان يجوا معانا إيه رأيك؟

أدهم بتفكير: ماشي عشان خاطرك يجوا معانا. رنا باست أدهم من خده. رنا بفرحة: ميرسي أوي يا حياتي. أدهم بابتسامة خبيثة: ما تجيبي واحدة تاني. رنا وخجلت ودافنت راسها في حضنه. أدهم بضحكة: أنتي مكسوفة. وعدى أسبوع. وتم عمل فرح يوسف في جزيرة تابعة لأدهم. رنا وأدهم قاعدين على الشاطي البحر. رنا: حلو أوي المكان ده يا أدهم. أدهم بابتسامة: حلو عشان انتي فيه. رنا ابتسمت.

أدهم: تعرفي إنك أحلى حاجة حصلتلي في حياتي وبدعي ربنا ديما إني أنا أموت قبلك عشان بجد مش هقدر أعيش حياتي من غيرك. رنا بخوف: بعيد الشر عليك يا روحي متقولش الكلام ده تاني. أنا اللي مقدرش أعيش من غيرك، أنت كل حياتي يا أدهم. أدهم ابتسم. رنا باستغراب: أدهم أنت بتعيط؟ أدهم بدموع: بتفكرني بأمي يا رنا. بحس كل حاجة فيكي بتشبه أمي، تصرفاتك، طريقة كلامك، ملامحك فيكي منها كتير أوي. بحس لما بشوفك كأني شايف أمي يا رنا.

رنا بابتسامة: مش عمتي يا أدهم. أدهم بضحكة: صح. رنا: بس أنت مقلتليش عمتي وأبوك ماتوا إزاي؟

أدهم: ماتوا في حادثة سيارة. أنا كنت لسه صغير، كان عندي عشر سنين. كانوا رايحين يجبوني من المدرسة بس قبل ما يوصلوا ليا، المدرسة كانت عربية نقل خبطت فيهم. ومن ساعتها خالي صلاح هو اللي أخدني واعتنى بيه وكان ليا الأب والأم وكل حاجة في الدنيا. عشان كده لما بيطلب مني طلب مستحيل أرفض له. يا رنا، خالي ده فضله عليا كتير، هعمل إيه عمري ما أقدر أوفي فضله ده. أنا أفدي بروحي لو طلبها.

رنا بابتسامة: امممم عشان كده لما قالك انتقم مني انتقمت على طول. أدهم: ما أنا بقولك مقدرش أرفضله طلب يا حبيبتي. بس تعرفي أنا حبيتك يا رنا من أول مرة شوفتك فيها لما خبطت فيكي في كافتيريا. وصدقني أنا لما كنت بجرحك بكلمة أنا كنت بتعذب وبموت من جوايا. ويبقى مش قادر أكمل في الخطة ويبقى عايز أقولك كل حاجة. تعرفي، يبقى عايز كده آخدك في حضني وأقولك غصب عني اللي بعمله ده وسامحني. رنا بابتسامة: وأنا مسامحاك يا أدومي.

أدهم بخبث: مش كفاية بقى كلام يا قلب أدومي عشان نطلع ننام. رنا بنوم: أنا فعلاً نعسانة أوي يا أدهم وعايزة أنام. أدهم وقام وشالها واتجه بيها ناحية الشاليه الخاص بيهم. أدهم بخبث: لا يا رورو مفيش حاجة اسمها نوم النهاردة مفهوم. رنا بضحكة: مفهوم. النهاية