رواية عشقة اثر قلبي الفصل السابع 7 - بقلم فرح

فاطيما صحيت، دورت على سليم ملقتوش. غيرت لبست بجامة ونزلت. لقيته قاعد مع صحبه، سمعته بيقول: سليم بحزن: أنا خايف عليها يا حازم. حازم: يبقى تتعالج يا صاحبي. سليم: قالوا نسبة النجاح قليلة أوي. الله يسامحه جدي خلاني أتجوزها. حازم: سليم، أنت حبيتها صح؟ سليم كان هيتكلم، لقاها فتحت الباب ودخلت. فاطيما: أنت تعبان؟ سليم بص لها: اطلعي فوق. فاطيما بزعيق: عندك إيه تعبان؟ مالك؟ سليم بص على حازم، لقاه حاطط وشه في الأرض ومش بيبصلهم.

سليم بهدوء: اطلعي البسي وانزلي، هفهمك. لو سمحتي متعنديش معايا. فاطيما بزعيق: مش طالعة. فهمني. سليم بحزن: مرض وحش. فاطيما بدموع: متعالجتش ليه؟ سليم سكت. فاطيما بدموع وزعيق: رد عليا. أنت عايز تسيبني بعد ما حبيتك؟ وحضنته. اتعالج، وحياتي عندك. أنا عارفة إنك مبتحبنيش، بس بالله تتعالج يا سليم. سليم: أنا كمان حبيتك، وهتعالج. بس اطلعي البسي عشان خاطري. فاطيما مسحت دموعها: حاضر. وطلعت.

حازم قرب منه وحضنه: هستناكم بره عشان هوصلكم. وطلع. سليم طلع فوق، لقي فاطيما بتلبس. حضنها. سليم بخبث: كنتي بتقولي إيه تحت بقى؟ فاطيما بتوتر: مكنتش بقول. يلا بس البس عشان نمشي. سليم: ماشي، ماشي. هعديها بمزاجي. ولما نرجع لينا كلام تاني. وغمز لها. لبسوا وراحوا للدكتور. الدكتور بحزن: اتأخرت يا سليم باشا. أنا قلت لك لما جيت نبدأ علاج، وأنت مرضتش. فاطيما: يعني إيه؟ يعني مش هينفع؟ الدكتور: لأ، هينفع إن شاء الله. بس عايز وقت.

فاطيما: تمام يا دكتور. هنبدأ أول جلسة بكرة. الدكتور: تمام. وطلعوا روحوا البيت. سليم: فاطيما، أنا مكنتش عايز أقلقك. فاطيما بزعيق: تقلقني إيه وزفت إيه. وكملت بدموع: كنت عايز تسيبني؟ طيب ليه علقتني بيك بقى وخلتني حبيتك؟ سليم مسح دموعها: خلاص يا قلب سليم، أنا آسف. وكمل بخبث: اممم، قولتِ إنك بتحبيني. فاطيما ضربته في كتفه: هو ده وقته؟ سليم شدها عليه: طبعًا وقته. أومال. وشالها. فاطيما: سليم نزلني. عايزة أنزل أعمل الأكل.

سليم نزلها على السرير. بعد شوية. فاطيما: سليم، سيبني أقوم، جعانة. سليم بخبث: قومي. فاطيما شهقت: يا قليل الأدب. سليم ضحك عليها وقام: أنا داخل الحمام يا هبلة. وهي دخلت حمام الأوضة التانية. خلصت ونزلت. سليم خلص ونزل وراها، لقاها في المطبخ. حضنها. سليم: أومال فين الدادة؟ فاطيما: أنا مشيتها الفترة دي عشان عايزة أعمل الأكل أنا. سليم بحب: مش هتلحقي يا روحي. وجامعتك بس. فاطيما: لأ، هلحق والله. ابعد بس خليني أخلص يا ولااا.

سليم ضحك وراح قعد على الكرسي في المطبخ جنبها. فاطيما: أنت قاعدلي كده ليه؟ هتوتر كده. اطلع بره. سليم: لأ، اعملي وأنا مش هتكلم خالص خالص. فاطيما ضحكت عليه وكملت الأكل. وطلعوا قعدوا في الجنينة. فاطيما: بقولك يا سولي. سليم بص لها بقرف: سولي. عموماً. قولي يا أختي. فاطيما: أنت إيه بينك وبين أحمد؟ لو سمحت ريحني.

سليم اتنهد: والله ما أنا عارف بيكرهني كده ليه. وكمان بيبص عليكي بصات مش كويسة. لما جدك قال اتجوزك، أنا وقفت وزعقت وقلت أشمعنى هو؟ أنا هتجوزها. فاطيما: ربنا يهديه يارب. سليم حضنها: ويخليكي ليا يارب. عارفة نفسي في إيه؟ فاطيما: امم، إيه؟ سليم بخبث: نملي البيت ده عيال. فاطمة قامت من حضنه: يا قليل الأدب يا سافل. أنا عارفة. سليم ضحك عليها: والله العظيم أنتِ مراتي. أنا شاقطك يا بت انتي ولا إيه؟ فاطيما: لأ. بس متقولش كده.

سليم بضحك: حاضر. فضلوا ساكتين شوية، وبعدين سمعوا صوت حاجة وراهم. بيبصوا لقوا...