تحميل رواية عشق درغام بقلم دنيا ثروت pdf

بابا انا كتبت كتابي

ماشي ياحبيبتي هتعزميني علي الدخله امتي بقا

مريم : بابا انا مش بهزر انا كتبت الكتاب خلاص

صابر بيقوم من علي الكرسي ويقرب ليها : بتخرفي تقولي اي يامريم ولا لسه مفوقتيش من البنج

مريم : بابا انا بحبه و.

قبل ماتكمل تلقت اقوي صف*عه في حياتها

صابر : من انهارده ابوكي ما*ت انا معنديش بنت اسمها مريم دفن*تها انهارده... تلمي هدومك ومشوفش وشك تاااني

.... بعد مرور ساعتين في المستشفي

تحديدا في غرفة مريضه عمري لا يتعدي ال45 سنه في غيبوبه!

مريم مسكت ايديها ودموعها منهمره: لو مش عشانك مكنتش عملت كدا.. انتي عارفة كويس انا قلبي مع مين بس كان لازم اعمل كدا عشان ترجعيلي بألف سلامة.. باستها من راسها وقربت علي ودنها همستها = يمكن في يوم ارجعلك ياماما

💫💫💫💫💫💫💫💫💫💫💫💫💫💫💫💫💫💫

💫💫💫

في المساء

مريم : يعني مش هتسلم عليا قبل مامشي

صابر كان قاعد ومنطقش بحرف

مريم بحنيه : عارفه ان قلبك هيلين وترجع بابا اللي ملهوش غير مريم.. مسكت هدومها وبصت بصه اخيره في البيت ومشيت

بعد مرور ساعتين في قصر يشبه الملوك

فتح الباب بشموخه وغروره : اتأخرتي ياهانم

مريم :معلشي انا اسفه اتاخرت عشان بابا

درغام : هشششش مش عايز كلام كتير يلا ادخلي علي المطبخ شوفي شغلك

مريم : اشوف اي انا مراتك!

درغام : مراتي علي الورق لكن في القصر خدامه تخدميني انا ومراتي...!!!!!

&;

انت متجوز يادرغام؟

درغااام بيه اياكي تتعدي حدودك تاني مرة.

مريم وقعت منها الشنطه: انت بتقول اي يادرغام؟

درغام: قولت زفت درغام بيه.. اي اللي بقولة جديد؟ انتي جايه تخدميني انا ومراتيم.

مريم: واتجوزتني ليدرغام؟

درغام: عشان تجيبي ولي العهد.

مريم بصدمه: ازاي!!

درغام بضحكه خبيثه: اوعي تفتكري ان اتجوزتك عشان اعالج امك ولا عشان عايزك.. ياحبيبتي انا معالجتش امك اصلا امك معندهاش حاجه ده كله كان تمثيليه وانتي زي المغفله صدقتيم.

مريم مستحملتش كلمة واحدة منه وضر*بته بالقلم: انت اكيد حيوا*ن مش انسان.

درغام مسكها من طرحتها بكره شديد: مجتيش معايا سكه يومها فكانت عايز اعرفك انك هتيجي برجلك بيتي.

ورماها علي الارض: ده انتي تحمدي ربنا ان ليكي الشرف ان تشيلي ابني في بطنكم.

مريم بخوف شديد منه: مستحيل اخليك تلمسني مستحيل.

درغام: ههههه ضحكتيني انتي عايزاني المس واحده زيك واخون مراتي؟

شدها من علي الارض وسحبها لغرفه شبه مستودع ورماها فيها وقفل: بكره المدام تيجي تفتحلك.

في بيت بسيط.

شاهي: قولتلك يابابا مش عايزة ارجع هو مش بيحبني وانت عارف كدا.

محمد: يابنتي درغام بيه بيحبك لو مش بيحبك مكنش اتجوزك رغم كل البنات اللي قدامه.

شاهي: يابابا اسمعني انا مش بخلف واهو أقرب حاجه قالي هطلقك عشان مش بتخلفيم.

محمد:يابنتي الراجل اعتذر بدل مره الف عايزاه يعمل اي تاني ده انتو عشرة سنتين.

شاهي بعياط شديد: مش قادره اعيش معاه وانا مخبيه عليه يابابا احنا ضحكنا عليه ان متجوزني وانا بنت.....!!!!!!

لو عرف إنه ما كانش أول حد لمسك، كلنا هنموت.

شاهي: يا بابا لازم نقوله، أنا مش هقدر أعيش بالذنب ده.

محمد: يا بنتي، انتي بتحبيه وهو بيحبك، عايزة تخربي بيتك بإيدك؟

شاهي: عشان خاطري يا بابا، خلينا نطلق أنا وهو، خليني أرتاح.

محمد: أنا مش هسيبك تخربي بيتك بسبب غلطة حصلت زمان.

وفجأة سرح في خياله وعيونه بتدمع في صمت.

شاهي جريت عليه ومسكت إيديه ومسحت دموعه: خلاص يا بابا، ما تفتكرش، عشان خاطري خلاص، ما تزعلش.

محمد بص في عينها بخوف: هترجعي له يابنتي؟

شاهي حضنته بدون تفكير: هرجعله يا بابا، ما تعيطش تاني عشان خاطري، دموعك غالية عليا.

محمد طبطب عليها بحنية.

اليوم التالي، وتحديداً على باب القصر.

شاهي بتخبط على الباب بهدوء.

درغام فتح ببرود تام: إيه اللي رجعك يا هانم؟

شاهي: حقك عليا، أنا مشيت، ودي أول مرة أمشي وأسيبك.

درغام دخل وسابها على الباب.

دخل قعد على الكرسي ببرود وهو مش بيديها أي اهتمام.

شاهي: حقك عليا يا درغام، ما تزعلش مني، ده إحنا بينا عشرة، انت عارف أنا بحبك قد إيه.

درغام: أنا اللي غلطان، دلعتك، ووقت ما قلتي عايزة تعيشي لوحدك في البيت، قلت ماشي وماله، وسيبت العيلة كلها وجبتلك القصر ده.

شاهي: انت عملت كتير حلو معايا، مش هنكر، بس انت كسرت قلبي، قولتلي إنك عايز تطلقني وإن مليش لازمة.

درغام قام وقرب عليها ببصة مقرفة: انتي فعلاً مليش لازمة، ولا حتى هيبقي ليكي طالما انتي عقيم، يبقي زيك زي الزبالة.

طالما انتي عقيمة يبقي زيك زي الزبالة.

شاهي: انت فايق للي بتقوله يادرغام؟

درغام: اه فايق وفايق أوي كمان، أنا جوزك أقول اللي عايزة، انتي تقولي حاضر ونعم.

شاهي بدموع: طلقني.

درغام قرب عليها بضحكة خبيثة: هطلقك بعد ما ييجي ولي العهد.

شاهي مسحت دموعها بصدمة: يعني ايه؟

درغام مشي للغرفة اللي حبس فيها مريم وفتح الباب، كانت نايمة. في لحظة رمي عليها مايه متلجة.

مسكها من إيديها ورماها على الأرض قدام شاهي.

شاهي: مين دي وبتعمل إيه هنا؟

درغام: دي اللي هتجيب ولي العهد.

مريم بترجع بخوف منه ومن نظراته: انت بتقول إيه؟

درغام: اللي بقوله هيمشي على الكل، البت اللي على الأرض قدامك دي خدامة مش أكتر، جايبها من الشارع، واحدة كانت عايزة فلوس، هنأجر الرحم بتاعها وهيجي ولي العهد.

شاهي: وبعدين؟

درغام: وبعدين ياروحي هنرميها في الزبالة ونربي ابننا.

شاهي: أنا مش عايزة، ولا عايزة ابنك، عايزة تطلقني، وخلف منها هي، أنا مالي.

درغام ضربها بالقلم: عايزاني أخلف من خدامة؟ أنا أخلف منك ياعقيمة، أشرف من إني أخلف من مساحة البيوت.

شاهي فضلت ساكتة وهي حاطة إيدها على خدها.

درغام: من النجمة عيلتي كلهم هييجي وأنا عارف هيربوكوا إزاي ويعرفوكوا مقامكم، ولو فكرتي تخرجي من بيتك ياشاهي هتلاقي أبوك جثة قدامك.

مريم فضلت تبص عليه وترجع لورا سرحانة، إزاي حبت شخص قاسي زي ده.

صباح اليوم التالي.

تخبيط كان على الباب شديد.

درغام فتح، كانت ست كبيرة شديدة في نفسها، عمرها يبلغ الـ 50 لكن شبابها ظاهر على وشها، خافي سنها تماماً.

درغام جاي يبوس إيدها.

بعدتها عنه بعصبية: بعيد عن أمي كل ده يادرغام أفندي.

درغام: أمي، انتي عارفة الشغل.

سلطانة: شغل يشغلك إنك تشوف السلطانة، في ثانية أخليك شحات زي ما كنت ومالكش أي فلوس.

درغام: صدقيني كنت في مشاغل.

سلطانة: مش عايزة أسمع كلمة، فين مراتك ولا نايمة الهانم.

شاهي من ورا بابتسامة خفيفة: أهلاً وسهلاً ياماما، نورتي البيت.

سلطانة بصوت عالي هز القصر: أنا متشرفش أكون أمك ياخاطافة الرجالة، لولا إن في بطنك حفيدي كنت طردتك لكلاب الشوارع.

شاهي: حفيد إيه؟ أنا مش حامل.

مالك مصدومة: لي أنا مش حامل؟ يا حماتي، شكله ابنك كذب عليكِ.

درغام: معلش يا ماما، شاهي بتحب تضحك صح؟ يا شاهي.

شاهي بضحكة: صح يا حبيبي، مش عارفة ماما صدقت لي ده أنا بحب أعمل مقالب والله، هههه، أخص عليكي يا ماما.

سلطانة بعصبية أكتر: انتي إزاي توافقي إن مراتك تهزر معايا أصلاً؟

درغام: خلاص يا ماما بقا، حقك عليا، يلا بس ادخلي انتي وارتاحي، وأنا هخلي الخدامة تطلع لك طول.

سلطانة: والله دلعك اللي جايبنا الأرض.

وبصت عليها من فوق لتحت وطلعت على أوضتها.

قرب درغام على شاهي بخبث شديد: إنتي بتحبي الحوارات دي لي؟

شاهي: أنا مش بحب حاجة وانت عارف كدا كويس، قولتلك طلقني وخليني أرتاح.

درغام: ولما أطلقك أنا أعيش إزاي؟

شاهي: انت لي حاسسني إنك شاري؟

درغام مسك وشها بحنية: قولتلك إن المشاكل دي بتحصل بين أي اتنين متجوزين، لي مش مصدقاني؟

شاهي بتشيل إيديه بهدوء: بس دي المرة المليون، كل مرة بعدي وبقول جوزي حبيبي لازم أطيعه، لكن المرادي غير يا درغام، انت رايح تجيب واحدة من الشوارع وتخليها تحمل بولدنا.

وطلعت على أوضتها من غير ولا كلمة منهم.

مريم كانت في المطبخ سامعاهم. قعدت على الترابيزة وهي بتبص للفراغ: أنا لي سبت بابا وجيت هنا؟ لي عصيته وعصيت أوامره؟ أكيد زعلان مني.

دخل عليها درغام. فاقت من شرودها ومسحت دموعها: عايزة أشوفك.

درغام: اطلعي ودي الشاي لأمي ومتتكلميش معاها ولا حرف.

لسه هيمشي. مريم مسكت بإيديه بعياط: عشان خاطري يا درغام، عايزة أشوف بابا.

درغام صوت ضربات قلبه لأول مرة يسمعها، حاسس إن عايز يحضنها هي وإيديها في قلبه وحياته. لف ليها وشال إيديها من إيده. قرب عليها أكتر وبدأ يحسس على شعرها بحنية: مش أشوفك تترجيني تاني يا مريم، انتي مراتي، فاهمة؟

عليها اكتر وبدأ يحسس علي شعرها بحنيه:

مشوفكيش تترجيني تاني يامريم، انتي مراتي فاهمة.

مريم بتبعد عنه بخوف:

بجد يادرغام؟

درغام بلع ريقه ورجع لجموده:

مش قصدي حاجة، انتي عارفه انك مراتي وده حقك. تشوفي أهلك بكرة هاخدك لباباكي. أنا همشي دلوقتي، متنسيش تطلعي للسلطانة.

درغام مشي، ومريم فضلت حاطة إيدها على خدها وهي بتبص لطيفة مستغربة، إزاي هو ده نفس الشخص القاسي!!!

خبطت بهدوء، ولما سمحت ليها السلطانة دخلت.

سلطانة تفحصتها من فوق لتحت وضحكت بهدوء:

معقول انتي الخدامة هنا؟

مريم:

تحت أمرك في أي حاجة تعوزيها درغام بيه، قالي أطلعلك الأكل. ولا محتاجة حاجة تانية؟

سلطانة:

حطي الأكل على الترابيزة وتعالي اقعدي جنبي.

مريم استغربت من عطفها، قربت عليها وهي خايفة منها.

سلطانة قعدتها جنبها بحنية وطبطبت عليها:

في إيه، خايفة ليه؟ درغام قالك حاجة؟

مريم:

مفيش حاجة ياهانم، بس يعني عيب أقعد مع حضرتك كده.

سلطانة:

أنا ارتحتلك أوي وشكلك كده هتبقي صاحبتي. ههه.. المهم قوليلي اسمك إيه.

مريم:

اسمي مريم ياهانم.

خبطت شاهي ودخلت من غير استئذان:

إيه ده، إيه اللي جابها هنا ياحماتي؟

سلطانة:

هو أنا قولتلك تدخلي عشان تدخلي؟

مريم:

طب أنا أستأذن، عن إذنك.

شاهي بصت بقرف ليها:

متطلعيش تاني الدور ده، انتي مكانك تحت مش أكتر.

مريم دموعها اتجمعت في عينها ونزلت في صمت.

في الشركة وتحديداً في غرفة درغام.

درغام:

عايزك تلاقي شغل لعم صابر.

عاصم:

درغام، انت عارف إن الراجل كبير مش هيستحمل شغل النظافة هنا خالص.

درغام بزعيق:

انت مجنون ياعاصم، ده راجل عنده 50 سنة.

عاصم:

مش متعلم أي حاجة يادرغام ومش هينفع يشتغل غير كده.

درغام:

ميخصنيش، عايز شغل مريح ليه، عشان يعرف يصرف على نفسه ومراته.

عاصم:

وهو لما يعرف إنك جوز بنته متخيل هيجي يشتغل هنا!

درغام:

محدش عارف غيرك، ولا حتى هو هيعرف.

في المساء.

مريم كانت بتمسح دموعها وهي بتطبخ ليه. دخل عليها درغام. أول ماشاف دموعها روحه كادت تتخلع من مكانها، كأنه قلبه بيتكسر قدامه ومش عارف يتصرف.

قرب عليها بحنية:

مالك يامريم بتعيطي ليه؟

مريم:

مفيش حاجة يابيه، 5 دقايق والأكل يجهز.

درغام مسك إيدها ولفها ليه:

مالك يامريم انطقي، وبعدين إيه بيه دي؟

مريم:

شاهي هانم قالتلي إن مكاني هنا وزعقتلي قدام السلطانة. أنا والله ماكنش قصدي أطلع، انت اللي قولتلي.

درغام في لحظة شدها لحضنه:

مكانك مش هنا، مكانك فوق وعلى سريري وجنبي، لإنك مراتي يامريم.

درغام في لحظة شدها لحضنه: مكانك مش هنا، مكانك فوق وعلى سريري وجنبي، لإنك مراتي يامريم.

مريم بتبعد إيديه برعب: درغام بيه، انت كويس؟

درغام: مريم، انا دلوقتي اكتر وقت كويس فيهم.

مريم: درغام، انا خدامة هنا، وانت اللي قايل لي كده.

درغام: مريم، مسمعش كلمة خدامة على لسانك.

مسك إيديها بكل حب وحنان: تعالي، وهنقول للسلطانة إنك مراتي.

مريم بعدت عنه ورجعت لورا بهدوء: مش حابة إنها تعرف، انا عايزة أعيش هنا كده.

درغام: وفيها إيه لما نقول؟ ده حقك يامريم إنهم يعرفوا إنك مراتي.

مريم: درغام، انت ليه بتعمل كده؟

درغام: مش بعمل حاجة يامريم، انتي عارفة كويس أنا بحبك قد إيه.

مريم: درغام، بلاش جنان. انت لسه من يومين هزقتني وقولت إني خدامة، دلوقتي عايز تطلع وتقولهم إني مراتك؟

درغام: مريم، عايزة تبقي خدامة، افضل خدامة، لكن متزعليش من اللي هيحصل منهم، ومتصدعنيش بعياطك تاني.

ولسه هيمشي من المطبخ، لف ليها بكل جبروت: تحضري الغدا في خلال نص ساعة.

بعد مرور أسبوعين.

في صباح يوم غريب جداً، كانوا متجمعين على السفرة.

درغام: ماما، اختي وجوزها هييجوا امتى؟

سلطانة: انت عارف إن سفرهم والأوراق هياخد وقت، ممكن يومين بالكتير وييجوا.

شاهي: هي نور حامل يا حماتي؟

سلطانة: وانتي مالك انتي كمان بتسألي على حمل الناس، وانتي نفسك مش عارفة تجيبي حتة عيل.

سلطانة قامت من على السفرة وهي بتبص عليها بقرف: سديتي نفسي.

بصت على مريم اللي واقفة: هاتيلي الأكل على الأوضة يامريم.

شاهي بغل: شايف أمك بتقول إيه؟ شايف كل ما تشوف خلقتي تعمل إيه.

درغام: شاهي، متصدعنيش.

اكتفى بنظرة لمريم ومشي من القصر.

بعد مرور نص ساعة.

مريم خبطت عليها ودخلت: اتفضلي الأكل يا هانم.

حطته على الترابيزة ولسه هتمشي.

سلطانة: مريم، انتي إيه اللي جابك هنا؟

مريم لفت راسها ليها بضحكة بسيطة: عشان الشغل يا هانم، والله.

سلطانة: تعالي اقعدي جنبي يا حبيبتي.

مريم قعدت جنبها بهدوء وحبس.

سلطانة مسكت إيديها: جوز بنتي عايز يتجوز يا مريم.. تقبلي تتجوزيه شهر وهيطلقك ويديكي كل حقوقك؟

درغام دخل عليهم بعصبية: بتخر*في تقولي إيه ياسلطانة؟ دي مراتي!!!!

سلطانة مسكت ايديها : جوز بنتي عايز يتجوز يامريم.. تقبلي تتجوزيه شهر وهيطلقك ويديكي كل حقوقكدرغام دخل عليهم بعصبيه : بتخر*في تقولي اي ياسلطانه دي مراتي!!!!!