رواية عشق فوق النيران الفصل الثالث 3 - بقلم مريم مجدي

يوم الخميس، اليوم الموعود. جه يوم الخميس وراحوا. أه، سيف عند فرح، وده طبعًا بعد ما غصبوهم على الجوازة. وطبعًا فرح نفس الحكاية. راح هو وباباه ومامته وأخوه. صالح (أبو فرح) : أهلًا أهلًا، اتفضلوا. حامد (أبو سيف) : يزيد فضلك. صالح: ربنا يخليك. حامد: عاملين إيه؟ صالح: الحمدلله تمام، وانتوا؟ حامد: بخير والله. الرجالة قعدوا يتكلموا سوا، والستات قعدوا يتكلموا سوا، وده قبل ما فرح تخرج.

حامد: ندخل في الموضوع على طول. أنا أطلب إيد بنتك فرح لإيد ابني سيف. صالح: تمام، واحنا موافقين. حامد: على بركة الله. صالح: على بركة الله. منال (مامت سيف) : أومال فين عروستنا؟ ميرفت (مامت فرح) : عن إذنكم، هقوم أشوفها. دخلت ميرفت تشوف فرح، ليه كل ده مخرجتش؟ ميرفت: يلا يا بنتي، إيه كل ده؟ فرح: يا ماما، مش عايزة. ميرفت: أنا قولت كلمة، أنا وأبوكي. يلا يعني، يلا. فرح: حاضر. ميرفت: خدي العصير ده وانتي خارجة. فرح: حاضر.

ميرفت: وافرضي وشك وانتي خارجة. فرح: حاضر، حاضر. خرجوا برا، ولسه فرح بترفع عينيها تشوف مين العريس. سيف (بذهول) : هو انتِ؟ فرح (بذهول) : هو انتَ؟ منال (أم سيف) : هو انتوا تعرفوا بعض؟ سيف: آه، شوفتها عند المكتب لما روحت أجيب سلمى. فرح: إيه، هما سلمى وياسين قرايبك؟ ياسين: إيه، أنا هنا؟ فرح: أيوا، هو ده. حامد (أبو سيف) : ما شاء الله. صالح (أبو فرح) : خلاص نقرأ الفاتحة. حامد: يلا.

كلهم كانوا بيقرأوا الفاتحة وهما فرحانين، ما عدا اتنين. أكيد إحنا عرفناهم. أيوا، فرح وسيف كانوا مغصوبين. حامد (أبو سيف) : خلاص، الخطوبة يوم التلات اللي جاي. صالح (أبو فرح) : على بركة الله.