رواية عشق فوق النيران الفصل الثالث عشر 13 - بقلم مريم مجدي

سيف شاف بنت جميلة نازلة على السلم جت وقعدت معاهم على السفرة. سامح: اعرفكم دي ياسمين. ياسين: أهلا. سيف: مراتك؟ سامح: مراتي مين؟ ياسمين أختي. سيف: آه، أهلاً يا ياسمين. ياسمين: أهلاً. سيف: اسمي سيف. ياسمين: أهلاً يا سيف. اتغدوا وقعدوا يتكلموا كتير أوي لحد ما الساعة جت 10 بليل. سيف: طب نستأذن إحنا. سامح: لسه بدري يا عم المستعجل. سيف: بدري إيه؟ للساعة 10.

مشي سيف وياسين راحوا الفندق. وسيف كان بيفكر في ياسمين، إن هي اللي ممكن تنسيه. *** عند فرح. تاني يوم، فرح لبست وجهزت عشان تروح الشغل. أحمد جه خدها عشان يروحوا على المكتب. أحمد: إزيك يا فرح؟ فرح: إزيك يا أحمد. أحمد: جاهزة؟ فرح: أكيد. ومشوا راحوا المكتب. فرح بدأت تشوف شغلها. أخلصت ومشيت هي وأحمد. وصلها ومشي. فرح طلعت البيت. إيمان: أهلاً أهلاً بالباشمهندسة بتاعتنا. فرح: أهلاً يا أختي. إيمان: إيه دا؟ في إيه؟

فرح: مفيش حاجة. إيمان: أومال مالك؟ فرح: تعبانة والله. إيمان: معلش، هو بس من المجهود والبيبي. فرح: آه والله فعلاً. إيمان مسكت الريموت كأنه ميكروفون: إيه شعورك وإنتي النهاردة أول يوم شغل؟ فرح: بسم الله الرحمن الرحيم. شعوري هو إني تعبانة وهقوم أجيبك من شعرك. إيمان: الله، مالك قفوشة كده؟ فرح: أنا قفوشة؟ أنا قولت إنتي عايزة تتجابي من شعرك. إيمان: بكلمك جد والله، إيه شعورك؟

فرح: بصراحة حاسة إني فرحانة أوي، لأني حاسة إني بدأت أنساها. إيمان: اممم، دي حاجة كويسة أوي. فرح: أوي. بس برضه هقوم أجيبك من شعرك. وقعدوا يضحكوا. *** عدت الأيام وكل واحد بيحاول ينسى التاني. وسيف وياسمين كانوا بيقربوا من بعض أكتر. وفي مرة سيف كان مع سامح. سيف: سامح. سامح: نعمة. سيف: أنا كنت عايزك في موضوع. سامح: في إيه؟ سيف: أنا عايز أطلب إيد ياسمين. يا ترى إيه اللي هيحصل؟