رواية عشق في قلب المراد الفصل السادس 6 - بقلم نور شريف

الحقني يا أحمد، دخلني المكتب بسرعة وهات مياه وعصير مانجة، وياريت فريش! أحمد باستغراب: إنتي إزاي دايخة وبتفكري في كل ده؟ عشق بتبريق: اسكت، قطع لسانك، دخلني وإنت ساكت. أحمد دخلها جوه. فتحت عين واحدة، بصت لقت عيسى واقف في وشها. عشق بخضة: جبتليي صرعع في مفاصل رجلي! آسفة والله يا حضرة اللواء، وبعدين أنا قولتلك عيسى عادي، يعني هل أنا شتمتك؟ عيسى بكتم الضحك: هو ده اللي كان ناقص؟

عشق: خلاص نتكلم جد، نتكلم في الشغل بعيد عن مهمة مراد، إيه المطلوب مني تاني؟ عيسى: في قضية جديدة، واحد بيهرب مواد تخدير. عشق قامت وقفت بصدمة: عملية تهريب؟ اسمه إيه ومعلومات عنه؟ عيسى: اسمه إبراهيم عبد العظيم، ملقب بـ "النمر"، في محافظة الفيوم، ده عنوان بيته، دي كل المعلومات اللي نعرفها، ده أبوك. عشق أخدت الأب والورق وركبت عربيتها وراحت القصر. مراد رجع من الشغل، شرب قهوة وقعد في الأوضة، قفل النور ونام.

عشق رجعت القصر، لاقت الأنوار مقفولة، بصت حواليها بخبث وقالت بصوت عالي: مراد! مراد قام بفزع: نعم نعم؟ عشق زقت الباب برجليها بقوة، دخلت بخبث: لما الظابط عشق تكلمك تقوم كده زي الشاطر تقف! مراد بلع ريقه بنوم: عايز أنام يا عشق. عشق زعقت بقوة: انتباه! مراد بضحك: على فكرة إنتي مخابرات، انتباه إيه ده؟ عشق قربت منه ورفعت صابعها في وشه: فين الاحترام؟ فين العدل؟ فين المساواة يا جدعع؟ مراد بضحك: إنتي عبيطة.

عشق قعدت جنبه: كنت بعيش الدور عشان داخلة مهمة، قرف على دماغك، مش عارفة اللواء شايف إن أي راجل المهمة دي ليا أنا، لأ، مش لوحدي. مسكت إيده بخبث: هاخدك معايا. مراد بصريخ منها: لأءءء، مش جايي، روحي لوحدك! عشق مسكت فيه بقوة: والله هتيجي معايا؟ مراد: لأءء، أنا بخاف منك. عشق طلعت تجري بره، وقفت الباب بالمفتاح، وقالت: أخدت منك مفتاح الأوضة، تك تك! مراد بصدمة: يا بنت الحرامية! عشق نزلت على السلم بهدوء:

واحدة شمال، واحدة يمين، إيه اللي أنا بقوله ده؟ لسه هنزل. قعدت على طرّابيزين السلم ونزلت بضحك: مراد ده عامل حتة سلم جميل، كل يوم هقعد عليه. مراد نفخ بضيق: مش عارف إيه الجنون بتاعها ده، يارب المهمة دي تخلص وتنجح عشان أنا قرفتتت. عشق دخلت أوضة مقفولة، فتحت الباب بهدوء: بتاعت إيه الأوضة دي؟ دخلت، لقت الأوضة كلها كتب وسلاح. صرخت بصدمة: يلهوي إيه ده! فتحت أول كتاب، معلومات قانونية.

قالت باستغراب: دي كتب سياسية، إزاي عند مراد؟ مراد عمل مكالمة: أيوه يا حضرة اللواء، هو إيه الجنان ده؟ قفلت باب الأوضة عليا، ونسلت أنا مشترك معاها في المهمة دي؟ عيسى بخبث: مش عايزها تشك إنك إنت الظابط مراد اللي بتدور عليه، عايز خبرة عشق تزيد يا مراد. مراد ابتسم: ده أول ما تعرف إن مراد هتاخد علقة مني سودة على اللي بيحصل فيا. عيسى: هبعتلك أحمد، ويا ريت عشق تشوفه وتتواجه معاه قدامها.

عشق خرجت بخبث: عرفت مكان الظابط مراد، ده حلو اللعب ده؟ عشق فتحت الباب بخوف: هيعمل فيا إيه الراجل ده؟ مراد مسكها من التشيرت وهو كاتم الضحك: قفلتلي الباب ليه؟ عشق بصت حواليها، رفعت حواجبها: سوي نفسك ما سمعت، ما حسيت، ما رأيت؟ مراد شدها من وسطها بخبث: عشقققققق. عشق بعدت عنه ورفعت حاجبها بصدمة: إنت ظابط؟ مراد بتوتر: ....