رواية عشق جنوني الفصل الخامس 5 - بقلم سارة محمد

وقفنا لما جنى ويوسف وأسر سمعوا صوت سارة وراحوا عندها بسرعة. أول ما فتحوا لقوا الأوضة متكسرة ومتبهدلة وسارة مش موجودة والشباك مفتوح. "سارة! انتوا يا بهايم ياللي بتشتغلوا هنا! " نزلوا على تحت ما عدا جنى. حارس ١: "أيوه يا باشا." أسر: "كل ده ومش حاسين إن في حد دخل البيت وخطف سارة؟ حارس ٢: "محدش طلع بره الفيلا يا باشا." أسر: "تقلبوا الدنيا وتلاقوها."

عند جنى، كانت بتدور في الأوضة ولقيت ورقة. أول ما لقتها نزلت عند أسر ويوسف. جنى: "أسر الحق، هيقتلوها." عند مراد: مراد: "عفارم عليكم يا رجالة، أهو ده الشغل ولا بلاش." شخص: "إحنا سبنا الورقة يا باشا." مراد: "تمام، روحوا انتوا دلوقتي." مراد: "جيتيلي برجلك يا حلوة." سارة: "سيبني في حالي، أنا ما عملتلكش حاجة." مراد: "ولا حاجة، بس أنا مفتري." فجأة بيدخل والد مراد. سارة بصدمة: "انت! عند أسر:

جنى: "أسر، أنا لقيت الورقة دي، هيقتلوها." أسر أخد الورقة وكان مكتوب فيها: (بتحبسني أنا يا أسر؟ مش مراد السويفي اللي يتحبس. بس عارف أنا هحرق قلبك وهقتلها، بس قبل ما أقتلها هاخد منها اللي أنا عاوزه.) أسر: "كلب! إحنا لازم نلاقيها، يلا يا يوسف." وقبل ما يمشوا، يوسف اتبعت له فيديو. يوسف: "أسر الحق! أسر بصدمة: "يا ابن الـ... الفيديو كان فيه واحد بيقطع هدوم سارة. أسر: "يوسف، تعرف تتبع الرقم ده؟ يوسف: "آه."

وجاب اللاب توب وعرف المكان اللي فيه سارة وطلعوا كلهم. ويوسف أخد جنى معاه، خاف أحسن حد يعمل فيها حاجة. ركبوا العربية ومشوا. مراد: "تصديقي طلعتي بطل، أهدي بقى عشان عايز أتمتع." بعد 10 دقايق، أسر ويوسف وجنى وصلوا ودخلوا قبل ما مراد يلمس سارة. حصل ضرب نار وجنى جريت على سارة وفكتها واستخبوا. بعد 5 دقايق، مراد هرب والبوليس وصل (طبعًا لازم ييجي بعد المصيبة ما تحصل) . وقبضوا على اللي كان مع مراد.

أسر ويوسف راحوا عند سارة وفجأة أغمى عليها. أسر شالها وطلعوا على المستشفى. عند هيدي: هيدي: "ألو." مراد: "ألو، أيوه يا هيدي، انتي فين؟ هيدي: "في البيت يا حبيبي." مراد: "طب أنا جاي، بس عايزك تتصلي على أسر وتعرفي هو فين." هيدي: "تمام." قفلت واتصلت على أسر. عند أسر، كانوا واقفين بره مستنين الدكتور يخرج. أسر: "ألو، هيدي؟ أيوه يا حبيبي، وحشتني." أسر: "مش وقتك دلوقتي، أنا مش فاضي." هيدي: "مش فاضيلي يا حبيبي؟

طب قولي انت فين." أسر: "في المستشفى، سارة تعبت." هيدي: "طب هجيلك يا حبيبي، انت عارف إن هي معايا في الجامعة." قفلت ولبست فستان يبين أكتر ما يستر ونزلت. بعد فترة الدكتور خرج، جريوا عليه كلهم. يوسف: "خير يا دكتور؟ دكتور: "هي جاتلها صدمة عصبية، وأنا قلت لكم قبل كده بلاش توتر. عمومًا، هتتابع على العلاج ده وتسريح في السرير لمدة أسبوع، ويا ريت أكتر." أسر: "طب هي هتفوق إمتى؟ دكتور: "10 دقايق كدا وهتفوق."

يوسف وجنى وأسر دخلوا، وكانت هيدي وصلت. دخلت هي كمان. أسر كان قاعد جنب سارة وماسك إيديها. هيدي شافت كدا وكانت جواها بتشيط. سارة بتعب وتوهان: "أنا فين؟ أسر: "انتي في المستشفى وأنا جنبك... قصدي كلنا جنبك." جنى بعياط: "قلقتيني عليكي." سارة: "أنا كويسة، متخافيش." يوسف: "انتي هتعملي فيها تعبانة، كلها ساعة وهتيجي تتنطي فوق راسي." ضحكوا كلهم. هيدي: "حمد الله على سلامتك يا سارة." سارة بأشمئزاز: "شكرًا."

هيدي بدلع: "أسر حبيبي، تعالا عاوزاك." أسر بزعيق: "أظن مش وقته دلوقتي." هيدي: "خلاص يا حبيبي، متتعصبش." جنى: "أنا مش عارفة الجو اتكتم لي أول ما هيدي دخلت." هيدي طلعت بعصبية. وبعدين يوسف لاحظ نظرات أسر لسارة. يوسف: "جنى تعالي ننزل نجيب أكل عشان سارة." جنى: "أوكي." نزلوا. يوسف: "عاوزة أقولك على حاجة." جنى: "نعم؟ يوسف: "انتي مش ملاحظة إن في نظرات إعجاب بينهم؟ جنى: "آه لاحظت." يوسف: "طب أنا عندي خطة نقربهم من بعض."

وبدأ يحكي. عند أسر وسارة: سارة بحزن: "عاوزة أقولك على حاجة." أسر بلهفة: "قولي." سارة: "أنا... أنا شوفت عمي."