رواية عشق جنوني الفصل الثاني 2 - بقلم سارة محمد

ساره طالعه من الفيلا وبتعدي الطريق وفجأة... (طبعا الكل توقع إنها تكون عملت حادثة) لا عادي، هي كانت تدوس على قطة. ساره: اععععع ابعدي! وأجرت، فهي عندها فوبيا من القطط. في الكلية: جنى: إيه يا بنتي اتأخرتي ليه كدة؟ ساره: إنتي عارفة بقا على ما خلصت اللي ورايا. جنى: طب يلا قبل ما المحاضرة ما تبدأ.

جنى بنت رقيقة، عيونها أزرق غامق وبشرتها بيضة، طولها متوسط، شعرها قصير لحد رقبتها كدة. صاحبة ساره المقربة، فهي الوحيدة اللي مبتعايرش ساره بشغلها. ساره وجنى دخلوا المحاضرة. البنات نزلوا تريقة على ساره، وخصوصا هيدي. هيدي: شوفوا اللي هتكون خدامتي أهي! أيوه هيدي بتحب آسر، أو بمعنى أصح بتحب فلوسه، وآسر مخدوع فيها، والمفروض إنهم هيتجوزوا. وساره مدتهاش اهتمام وخلصت محاضرتها وروحت. عند آسر ويوسف:

مراد: إيه يا آسر، أظن بقينا أصدقاء؟ ويشرفني إنك تزورني مرة في البيت. آسر: الشرف لي طبعًا، بس اسمح لي إن الزيارة دي تكون عندي. مراد: ليا الشرف. آسر: خلاص مستنيك النهارده. مراد: تمام. وقام ومشي. آسر: كلم بقى يا يوسف الست ساره بتاعتك دي وخليها تجهز الدنيا والغدا. يوسف: وأنا مالي يا عم، كلمها أنت. آسر: إخلص بقى! يوسف: لا، أنا أصلًا ورايا مشوار، يلا سلام. كلمها بقى. يوسف مشي وسابه. وآسر مسك الفون بعصبية. آسر: الو!

ساره: أيوه يا آسر بيه. آسر: حضري الأكل، فيه ضيف مهم جاي النهارده. ساره: تمام، تحت أمرك. عدى اليوم ومفيش أحداث غير ساره بتعمل الأكل وآسر بيشتغل ويوسف مع صحابه. لحد ما جه بالليل ومراد راح فيلا آسر، ورحبوا بيه، وطول الوقت وساره بتقدم الأكل وهو ما شلش عينه عليها. وآسر كل دا متعصب. خلصوا أكل. ساره: تحبوا تشربوا إيه؟ مراد وهو بيبصلها نظرات وقحة: مانجة. ساره: أفندم؟ مراد: قهوة مظبوط.

آسر وهو بيراقب نظرات مراد: وأنا كمان. اتفضلي يلا على شغلك. ساره وهي بتبص ليوسف وعينيها فيها دموع وبتمشي تروح المطبخ وتعيط وتهدي نفسها وتعمل القهوة وتطلع وتقدم القهوة. مراد: ممكن الحمام؟ ساره: اتفضل. ساره بتودي مراد الحمام، وآسر عينه عليها. يوسف: على فكرة أنا ساكت على نظراته دي عشانك. آسر: ومين قالك دا؟ أنا هطق. يوسف: نعم؟ الحجر اتحرك ولا إيه؟ آسر... وفجأة سمعوا صويت ساره. ساره: ااااااااه! ابعد عني! يووووسف! آآآآسر!

آسر ويوسف راحوا ولقوا مراد بيحاول يتحرش بيها ومقطع ليها هدومها. يوسف خدها في حضنه ولبسها الجاكيت بتاعه. وآسر بيضرب فيه بوحشية. يوسف: خلاص يا آسر، هيموت في إيدك. آسر بيكمل ضرب لحد ما يوسف حاشه. وآسر قام اتصل بالبوليس وخدوا مراد. مراد: مش هسكتلك يا آسر وهتشوف. وآسر مهتمش ولف يشوف ساره وفجأة...