رواية عشق خالد الفصل العاشر 10 - بقلم رنا احمد

في المستشفى… كان واقف خالد وهو بيسمع كلام أم فله بصدمة ليصرخ بحده: "كلام إيه ده اللي بتقوليه يا أم فله؟ ده لا يمكن يحصل أبداً. أنا بحب عشق ومستحيل أكسرها مهما حصل." أم فله بدموع وتوسل: "أبوس إيدك يا خالد يا ابني دي الفرصة الوحيدة علشان تنقذنا. أبوس إيدك يا خالد ده أنا اللي مربياك ورافت زي أخوك." عشق بدموع وصراخ: "إنتي بتقوليلي إيه يا ست انتي؟

روحي شوفي بنتك غلطت مع مين. أنا لا يمكن أقبل بكده أبداً. اتكلم يا خالد ساكت ليه؟ أوعى توافق سامع؟ أوعى، لأن ساعتها هتكون حياتنا مع بعض انتهت." أم فله بدموع ورجاء: "أبوس إيدك يا عشق يا بنتي اعتبريني زي أمك. ده جواز على الورق شهرين تلاتة بس وبعدها يطلقها ومحدش هيوريكم وشه تاني." عشق بدموع ووجع: "خالد خالد انت ساكت ليه؟ رد عليا قولها إنك مستحيل توافق. مش هتكسرني يا خالد صح؟ خالد بحزن شديد وأسف:

"أنا آسف يا عشق. آسف يا حبيبتي بس أنا متعودتش حد يحتاجني وأخذله يا عشق." عشق بصدمة ودموع: "يعني إيه؟ يعني إيه يا خالد؟ هتتجوزها؟ هتتجوز عليا يا خالد؟ هو ده العشق اللي عمالة تكلمني عنه؟ هو ده الحب يا خالد؟ بعد ما حبيتك واتغيرت عشانك. أنا بكرهك يا خالد بكرهك وخليك فاكر إني قولتلك لو اتجوزتها هتطلقني." خالد وهو ماسك إيدها بقلق: "استني هنا. رايحة فين؟ عشق بدموع وصراخ:

"هكلم جدي. يبعتلي عربية ومن هنا ورايح ملكش دعوة بيا يا خالد. انساني يا خالد خليك مع عروستك الجديدة. عشق ماتت يا خالد ماتت." خالد بحزن ووجع وهمس: "بعد الشر إن شاء الله. أنا يا حبيبتي." أم فله بدموع وأسف: "أنا آسفة يا خالد يا ابني. إن شاء الله كل حاجة هتتعدل. ربنا يجازيك خير يا ابني." خالد بحزن شديد: "أنا عايز أتكلم مع فله يا خالتي. عن إذنك." *** في غرفة فله… كانت تجلس وهي تنظر إليه بخوف وارتباك. خالد بحده:

"مين أبو اللي في بطنك؟ فله بخوف وارتباك: "واحد زميلي في الكلية بس للأسف مات في حادثة من 5 أيام." خالد بحده: "آه مات. طب اسمعي بقا. أنا هتجوزك شهرين وهطلقك بس أوعي تفتكري إني بعمل كده عشانك. أنا مش طايق أشوف وشك عشان أمك وأخوكي. فاهمة؟ فله بدموع وارتباك: "فاهمة. فاهمة. ربنا يسترَك يا رب زي ما سترتني." *** في فيلا المرشدي… كانت عشق نائمة في حضن نور بدموع وألم. عاصم باستغراب:

"أنا مش مصدق اللي أنا بسمعه ده. إزاي خالد يعمل كده؟ إزاي؟ ربيع بجدية: "أخوك خالد طول عمره خدوم. ده مش جديد عليه." عشق بدموع وصراخ: "قصدك إيه يا جدي؟ يعني انت موافق على اللي عمله؟ إنه يتجوز عليا ده؟ كسر لي قلبي يا جدي." ربيع وهو يحتضنها بحنان: "ألف بعد الشر على قلبك يا حبيبتي يا ضنايا. أهدي مش كده." خالد بحزن شديد: "هي خلاص يا جدي غضبت عليا ومبقتش طايقاني." عشق بغيظ ودموع: "إنتي إيه اللي جابك يا عريس؟ سبت عروستك ليه؟

متروحالها حرام. كفاية اللي في بطنها." ربيع بحده: "إذا تاخد قرار زي ده يا خالد. إيه؟ انت عايش في الدنيا لوحدك ولا إيه؟ خالد بحزن وأسف: "أنا آسف يا جدي. مكنش قدامي حل تاني. غصبن عني." عشق بدموع وصراخ: "لا كان فيه حل يا خالد. إنك تعرف مين اللي عمل كده وتجبره يتجوزها أو تسيب أخوها يتصرف. لكن انت عاجبك الموضوع. واضح إنه جاي على هواك." جاسر بجدية: "اتكلم يا خالد. دافع عن نفسك يا أخويا." عشق بدموع ووجع:

"هيدافع يقول إيه بعد اللي عمله." خالد بحزن: "الشاب اللي غلطت معاه فله مات. والست فتحية متنسوش إنها ربتني بعد أمي ماتت. ورافت أنا بعتبره أخويا زيكم بالظبط. والله ما كان عندي حل تاني. ده مجرد رد جميل." عشق بدموع وصراخ: "آه. وجاي ترد الجميل على حسابي أنا يا خالد؟ على حساب كرامتي أنا؟ حاسة إنك بتنتقم مني. آه تلاقيك بتقول: اللي كانت شايفة نفسها عليا كسبت الرهان ووقعتها في حبي ودلوقتي جاي تكسرني وتتدمرني يا خالد؟ صح؟ خالد

وهو يمسك يدها بدموع وأسف: "أوعي تقولي كده. انتي روحي. قسماً بالله كل دمعة بتنزل منك بتقطع قلبي. عشق انتي حب عمري. أرجوكي يا عشق متقسيش عليا كده." عشق بقوة وثبات: "أقسى؟ انت لسه مشوفتش قسوة. طلقني يا خالد. سامع؟ طلقني." ربيع بحده: "عشق! كلمة الطلاق دي متتقالش في عيلتنا. فاهمة ولا لا؟ اطلعي دلوقتي هدي نفسك. اطلعي معاها يا نور يا بنتي." جاسر بجدية: "خالد. فهمنا إيه اللي بيحصل ده؟

انت طول عمرك بتيجي على نفسك عشان الناس. بس انت كده بتضيع حياتك يا أخويا. عشق متستهلش منك كده أبداً." عاصم بغيظ: "بصراحة البنت دي حقها. كان أخوها رباها. دي بت استغفر الله العظيم متستاهلش الشفقة." خالد بحزن شديد: "كل حاجة نصيب يا عاصم." *** في غرفة عشق… كانت تبكي بلا توقف على تلك الفرحة التي انسرقت منها في لحظة واحدة. نور بحزن شديد: "عشق. أهدي يا حبيبتي. مش كده. هتموتي من العياط." عشق بدموع وألم:

"مقهورة يا نور. مقهورة. قلبي موجوع أوي. أنا حبيت خالد بجد. ليه الدنيا مستكتره عليا الفرحة؟ ليه؟ سبيني لوحدي شوية يا نور من فضلك." نور بحزن شديد عليها: "حاضر يا حبيبتي." خرجت نور وقفلت عشق الباب. وسمعت طرقات خالد على الباب. خالد بحزن ووجع: "عشق. من فضلك افتحي. من فضلك." عشق بدموع وصراخ: "أنا مش عايزة أشوفك يا خالد. مش هفتح. سبني لوحدي يا خالد. سبني." خالد بحزن شديد:

"أنا مقدرش أعيش بعيد عنك. عشق ارجوكي افتحي. معرفش أنا غير في حضنك. حرام عليكي. عقبيين بس مش بالشكل ده." عشق بدموع ووجع: "حضني بقا متحرم عليك. أنا كلي بقيت متحرمة عليك يا خالد. روحيلها. روح للي فضلتها على كسرة قلبي. سبني يا خالد. سبني." لتسقط أرضاً بدموع وألم ووجع لا يتوقف. خالد من أمام الباب بدموع وهمس: "يارب." *** من شقة فله… كان يجلس رافت بابتسامة وسعادة: "وماله خالد مستعجل كده يا أما؟

جاي يطلب أيدها نفس اليوم اللي رجعت فيه؟ إيه يا عروسة؟ مش قادر على بعدك ولا إيه؟ أم فله بارتباك شديد: "ههه. شكله كده يا رافت يا ابني. ربنا يتمم لهم على خير يارب." رافت وهو يحتضن فله بحنان: "متقلقيش يا بت. هجهزك أحسن جهاز. مش هخليكي عايزة حاجة خالص." فله بابتسامة: "ربنا يخليك ليا يا أخوي." رافت بابتسامة: "ويخليكي يا حبيبتي. هروح أنا أصلي العصر." أم فله بضيق وهمس:

"قسماً بالله الود ودي أقوله على فضيحتك وأخليه يكسر عضمك. بس أعمل إيه؟ اسمعي. بوقك يتفتح النهاردة بأي كلمة هطين عيشتك. وخليكي فاكرة إنها جوازة كده وكده. وإنتي ملكيش فيها أي حاجة. فاهمة؟ فله بضيق شديد: "فاهمة يا أما. فاهمة." *** في فيلا المرشدي. كان يجلس خالد أمام غرفة عشق. لتخرج عشق. ليمسكها خالد باشتياق. "وحشتيني. وحشتيني أوي يا عشق. حرام عليكي. أنا مش قادر أعيش من غيرك. سامحيني يا حبيبتي." عشق بقوة وثبات:

"عمري ما هسامحك يا خالد. طلقني يا خالد." خالد بغضب شديد: "مش هيحصل. إنتي بتاعتي مهما حصل. هتفضلي بتاعتي. لما أموت ابقي اعملي انتي انتي عايزاه يا عشق." عشق بدموع وهمس: "بعد الشر يا حبيبي. بعد الشر." *** في شقة أم فله… رافت وهو يحتضن خالد باشتياق: "وحشتني يا خلود. عامل إيه يا حبيبي؟ خالد بعبوس: "الحمد لله يا رافت. حمد الله على السلامة." رافت بابتسامة:

"معلش يا أخويا. هعمل مكالمة تليفون كده. طبعاً البيت بيتك. على العموم شوية والعروسة هتطلع. بقالها ساعة بتتكلم في التليفون. أكيد واحدة من أصحابها التافهين. عن إذنك يا حبيبي. مش هتأخر." لينسحب خالد إلى غرفتها. ليسمع ما جعله ينصدم بشدة. *** في غرفة فله… كانت تتحدث مع الدكتور بهمس وغيظ: "جرى إيه يا دكتور؟ ما قلت لك بقية فلوسك هتاخدها. إنت عملت إيه يعني؟ كدبة كدبتها وهتقبض التمن؟ خالد وهو يقتحم الغرفة بسخرية وغضب:

"يعني كل اللي فكرت فيه صح يا فله؟ عملتي كل ده عشان تتجوزيني؟ عملتي خطة رخيصة مش كده؟ قد كده انتي رخيصة. أنا فهمتك من أول لحظة. تبقي غبية أوي لو فكرتي إني ممكن أفضل واحدة رخيصة زيك على عشق حب عمري." رافت بحده: "فيه إيه يا خالد؟ فله بفزع وخوف ودموع: "رافت…"