رواية عشق لصعيدي الفصل الثالث 3 - بقلم كيان كاتبه

جبل بهمس: فاهمه. وعد هزت راسها وهي منزلة وشها لتحت، واستنت جبل يبعد، بس مبعتش. وفضل يتأمل فيها. وعد رفعت عيونها وهي بتبلل طرف شفايفها بتوتر وهمست: جبل. جبل ضحك وهو بيبص لها: انتي كبرتي امتى كده يابت خالد. دخل خالد: بتعمل إيه يا زفت. جبل بعد واتكلم بضيق: بشوف الزفت اللي لابسة الهانم ده. خالد: بتشوف لبسها برضه... شاور لوعد وكمل... تعالي هنا يا بت. وعد قربت من عمها وقفت جنبه. جبل بضيق: جرى إيه يا عمي.

خالد: مفيش يا خوي، روح اتخمد لك شوية عشان عايزك بليل. خليل طلع من البيت لابس جلابيته الصعيدية وابنه يزيد في إيده. شاف تقى بنت خال وعد. خالد قرب منها. خالد بحده: إيه اللي جابه هنا ده، حسب علمي انتوا اتطلقتوا. تقى بتوتر: ه... هو يعني كلم أبويا كذا مرة عشان أنا أرجع له و... ولما رفضت بقى بيلحقني. خالد: من امتى الكلام ده، وإزاي متقوليش لباباكي. تقى: ما خفت أقوله هتحصل مشاكل.

خالد: تعالي أوصلك، فطريقي أنا كده كده رايح عند أبوكي. تقى هزت راسها وخالد ساب إيد ابنه ومشي شوية لقدام. تقى قربت ومسكت إيد يزيد ومشيت ورا خالد في سكوت. بعد شوية كانوا وصلوا. "طولتي عند خالتك ليه يا تقى؟ تقى نزلت يزيد وهي بترفع حجابها اللي نزل معاها: قعدت مع وعد شوية. أبو تقى خد باله من خالد: خالد بيه!!!! أهلاً يا أبو يزيد، تعالي تعالي اقعد، علقي على الشاي يا تقى. تقى بصت لخالد: هاخد يزيد معايا. خالد هز راسه بهدوء.

بليل. أم وعد: استني عمك وابن عمك لما يجوا، حطيلهم الأكل وشيلي الباقي في التلاجة وتعالي نامي. وعد اتأوهت بنوم: حاضر يا ماما. شويه وخل خالد بابنه اللي شايله على كتفه ونايم، ومعاه جبل بيتكلموا سوا. وعد طلعت من المطبخ. وعد: كده يا عمي، حرام عليك، أهو يزيد نام من غير عشاء. خالد حطه على الكنبة بهدوء: لا هو اتعشى عند بنت خالتك، حطينا إحنا بس. وعد: انت كنت عند تقى؟ خالد: قعدت مع أبوها شوية وهي خدت يزيد.

وعد: طيب دقيقة هحطلكم تتعشوا. وعد دخلت المطبخ وجابتلهم صينية وحطتها وسطهم على الدكة وقعدت بعيد شوية وهي عمالة تتأوه. جبل بياكل وكل شوية يبص عليها. خلصوا ووعد شالت الأكل. خالد: هاتيلنا الشاي يا وعد، معلش، وطلعي يزيد عشان هيبرد هنا. وعد: حاضر يا عمي. وعد جابتلهم الشاي وخدت يزيد وطلعت. خالد اتنهد: في موضوع لازم أقولك عليه يا جبل. جبل بقلق: خير يا عمي. خالد: هو بخصوص وعد، ومحدش يعرف غيري. جبل بقلق: ماله وعد.

خالد: يعني وعد وهي صغيرة حصل معاها حاجة كده وأنا مقلتش لحد.