رواية عشق من النوع الصعيدي الفصل السادس عشر 16 - بقلم رحمة محمد

سليم واقف ومش بيتكلم خالص. ملك قربت تفرقع جمبه. ملك بغيظ: سليييم. بس هو واقف ومتنح. فهي ضايقت جامد وكانت هتعيط، بس مسكت نفسها علشان شهد. وكانت هتمشي، بس سليم مسك إيديها. شهد: في أي يا سليم؟ وقفتها ليه؟ خليها تمشي. شكلها حبت تكدب بس، وسعت منها حبتين. سليم: ومين قالك إني ساكت لأنها بتكدب؟

أنا ساكت لأني مش هلاقي كلام يوصف شعوري بيها. ملك فعلاً تبقى حب عمري كله. الحلم اللي عشت أدعي ربنا إنه يتحقق. واللي مستعد عشانها أعمل أي حاجة. ولو طلبت عمري مش هتأخر. ملك انبسطت أوي من كلامه. ملك: سمعتي بئا يا حلوة الفراخ؟ يلا بئا يا قطة، مع السلامة. شهد: انت سامع كلامها يا سليم؟ سليم: معلش يا شهد. وأنا إن شاء الله هحدد معاد تاني. شهد بضيق: تمام يا سليم. بس أنا هرجع القاهرة بعد بكرة. فياريت تعمل حسابك. سليم: آه أكيد.

بعدها شهد مشيت. وسليم بص لملك بغيظ، لأن شهد عميلة مهمة مش قليلة. وملك عارفة ده، بس مقدرتش تمسك نفسها بسبب دلعها الزايد على سليم. سليم: أنا عايز أفهم دماغك فيها أي يا ملك؟ انتي عارفة كويس إن الشركة دي في الصعيد يا ملك، والعملاء اللي زي شهد مش كتير. وتعتبر من أهمهم. ملك باندفاع: أقدر أفهم ازاي تعملي كدا؟ هو أي يعني زفت مهم؟ أنا أهم. أنا مراتك. مليش دعوة. وانت عارف إنها عينها منك وبرضو سيبها. انت أي دايما مش شايفني ليه؟

هو أنا فيا أي ناقص؟ دايما تفضل تقول إني صغيرة. لا بئا أنا كبيرة كفاية. أقدر أحدد وأقرر كمان. ومش محتاجة وصايتك عليا دي. وأنا أمانة. طلقني وسبني أروح لحالي. أنا مش محتاجك يا سليم. ريتال: يوسف، دي مخاطرة. انت لي عايز تخاطر للدرجة دي؟ يوسف: لازم أتأكد من اللي عرفته يا ريتال. وارجوكي اللي سمعتيه وكلامي مع سيد، ياريت ميطلعش لأي مخلوق. ولا حتى لسليم.

ريتال: بس أنا خايفة عليك. دي ناس متعرفش ربنا، ومعندهاش لا ضمير ولا أخلاق حتى. إزاي تخاطر بنفسك كدا معاهم؟ يوسف بسخرية: على أي بئا تخافي؟ ماهو انتي كدا ولا كدا عايزة تسيبيني. مش هيفرق إذا كنت عايش ولا ميت. وعموماً أخلص اللي جاي علشانه. وبعدها هطلقك. متقلقيش. وتكوني خلصتي من أي خطر. وده كان اتفاقي. وربنا يديكي بئا حد زي يكون بيعرف يطبخ ويتكلم وعنده مبادئ. مش كدا.