رواية عشق متسلسل الفصل الخامس عشر 15 - بقلم دنيا ثروت

نورا: جوز أمي كان بيتحرش بيا. آسر بصوت عالٍ برا: ابنيييييييي! نورا خرجت وقلبها بيدق بصعوبة: آسر، انت كويس؟ آسر بكسرة شديدة: ابني مات. نورا بصدمة: إيه! آسر بيقعد على الكرسي بدموع: ابني اللي كنت مستنيه مات. نورا: أكيد ده خير، متقلقش. آسر بيقوم بيقرب عليها بخبث: خير إيه اللي بتقوليه؟ بقولك ابني مااااات. نورا: استغفر الله العظيم، متقولش كده. مفيش حاجة ربنا بيعملها إلا وتكون خير.

آسر: إنتي عشان متعودة، عشان مش بيجي ليكي عيال، متعودة على الخسارة. وكمل كلامه وهو بيعلي صوته بشدة: لكن ابني، ابني اللي كنت مستنيه وهو في بطنها ذنبه إيه؟ يسبها ويمشي. *** كاظم: يعني إيه مش لاقيين ليها أثر؟ دي بنتي، فاهم يعني إيه بنتي؟ شريف وهو بيشم: مانا قولتلك يا كاظم بيه، أنا معرفش هي مرمية في أنهي داهية. كاظم قرب عليه مسكه من رقبته: إيه اللي في أنهي داهية وزفت؟ أنا مديتكش كل الفلوس دي عشان تقولي مش لاقيها.

شريف بيزقه: حاسب يا جدع. كاظم بتهديد: قسماً بالله لو معملتش اللي قولتلك عليه، هكون قاتلك وقاتل كل عيلتك. شريف بضحك: وأنا معنديش عيلة عشان تقتلها. كاظم كان لسه هيتكلم. شريف بتحدي: تديني اتنين مليون واجبلك المعلومات اللي انت عايزها. كاظم: أنا مش هديك قرش واحد. بعدين بقولك إيه، مش هتفهم في الشغلانة دي، في مليون حد غيرك. شريف بخبث: لو جبت مين، محدش هيعرف مكان بنتك غيري، لو لفيت الدنيا كلها.

كاظم: وأنا إيه اللي يضمني إنك عارف مكانها؟ شريف: اممم، خلاص براحتك. كاظم: الفلوس اللي انت عايزها هتاخدها وتاخد ضعفها كمان، بس بشرط. شريف بخبث: اممم، إيه هو؟ كاظم: تقتل نرمين. *** آسر بيدخل بعصبية ويرزع الباب: إزاي ابني يموت، ازاااي! صالح: إيه اللي إزاي؟ لنكون إحنا اللي طردناها برا بيتنا؟ شهد: عايز إيه يا آسر، عايز إيه مني؟ آسر: إنتي خليتي فيها عايز إيه؟ ما كفاية بقى، كفاية. شهد بدموع: إيه اللي كفاية؟

إنت جاي ليا في المستشفى وأنا لسه من ساعات شايفة ابني مات قدامي، وجاي تزعقلي لي، وعشان إيه؟ آسر: أزعق لمين؟ أوعي تكوني فاكرة إن مش فاهم خطتك وكل اللي بتعمليه عشان نرجع. شهد: إنت إيه اللي بتقوله ده؟ إنت زبالة يا آسر، زباااالة. *** عبير: رايحة فين يابنتي؟ نورا: ده الصح اللي كان لازم يتعمل من بدري يا طنط. عبير: متمشيش يانورا.

نورا: صدقيني أنا مش هقدر أقعد ثانية بعد الإهانة اللي شفتها دي، بس متقلقيش، إن شاء الله هتيجي ممرضة أفضل مني بكتير. بتفتح الباب والدموع على وشها. شادي بقر*ف: شكلك ارتحتي في سرير الغريب يامراتي الحلوة. *** صالح: يلا يابطل، خد مراتك وارجع البيت. آسر: إنت إزاي بالقر*ف ده؟ دي مش بنتك ولا إيه؟ صالح: آه ياحلو، مش بنتي. شهد بصريخ: اطلعوا برا بقى، اطلعوا وبرااا.

صالح: أنا مش طالع من هنا من غير ما تديني حقي من الدهب اللي بعتيه وأخدتي فلوس على قلبك. آسر بصدمة: دهب!