رواية عشق متسلسل الفصل الثالث عشر 13 - بقلم دنيا ثروت

آسر: اومال عايزاني أعمل إيه؟ أضحك وأهزر وخلاص؟ نكمل كلامنا عادي. نورا: أومال تعمل إيه؟ آسر: قصدك إيه؟ نورا: قصدي إنه طلقني ورماني في الشارع، إيه أنت كمان عايز تعمل زيه؟ آسر: أنا مبقتش فاهم حاجة.. نورا فهميني. نورا: أنا مش عايزة أفهم حد حاجة، إنت جايبني هنا أخدمك وأخدم أمك، والمقابل إنك متطردنيش. آسر: وليه؟ لييييه؟ متروحيش لأهلك؟ لييييه؟ نورا: أنا راضية أبقى خدامة لأمك، لكن مرجعش تاني ليهم ولا أطلع من هنا.

آسر باستغراب: وإنتي لو خايفة منهم، إيه اللي يخليكي واثقة فيا؟ نورا قربت عليه وهي بتبص في عينه: مش عارفة. آسر: واللي عملته قبل شوية مش يخليكي تعرفي إني هأذيكي؟ نورا: خلاص يبقى نقطع الشك باليقين. آسر: إزاي؟ نورا: تطلقني وترجع مراتك. آسر بعصبية: إنتي بتقولي إيه؟ مستحيللل! إنتي مشوفتيش معاملة أمي إزاي؟ نورا: وهنفضل لحد إمتى كدا؟ هفضل أنا مراتك في العرفي لحد إمتى؟ آسر: إنتي اتطلقتي إمتى يا نورا؟

نورا: يوم ما أنت جبتني هنا. آسر: خلص عشر أيام ونتجوز رسمي. نورا بدموع: وإنت هتقدر تتجوزني؟!! آسر قرب عليها وهو بيرفع وشها ليه: وإنتي إيه اللي يعيبك عشان ماتجوزكيش؟ نورا: أنا مبخلفش يا آسر. آسر بنظرة حنية تامة: وأنا مش عايز منك حاجة ولا هتجوزك عشان كدا. نورا بعدت عنه بهدوء: ممكن تديني فرصة أفكر. آسر: براحتك أكيد. صالح بزعيق: إنت إيه اللي بتقوله ده؟ دي حامل في الشهر السادس.

الدكتور: الوقعة أثرت عليها وللأسف المشيمة انقطعت. مديحة: يعني إيه يا دكتور؟ يعني إيه؟ الدكتور: يعني الطفل مات يا جماعة، وإحنا لازم نعمل عملية قيصرية وهيطلع متوفي. صالح: لا بقول إيه؟ خليه في بطنها، مش هيحصل حاجة يعني. الدكتور بزعيق: إيه المهزلة اللي إنت بتقولها دي؟ اللي إنت بتقوله خطر على حياتها، المريضة ممكن تموت. صالح: يعني إيه؟ يعني بالعافية ولا إيه؟ ماهو ممكن إنت بتضحك علينا وعايز تاخد الطفلة.

مديحة: اعمل اللي أنت عايزه يا دكتور، اتفضل. الدكتور بعد ما مديحة مشيت بعصبية وقف: إنت إيه يا أخويا؟ مش إنسان؟ معندكش إنسانية؟ صالح: بقولك إيه؟ أنا بقالي سنين من أول ما البت دي جت وأنا بصرف عليها، هي أي مبعتش فلوس ولا إيه؟ مديحة: اخرس، اخرسسس. صالح: لا يا أختي مش هخرس، قولها لما تصحى إنها مش بنتك ولا بنتي عشان نخلص ونعرف نمشيها! في السجن. عبدالله: معقولة في واحد يوم إفراجه يكون زعلان كدا؟

كاظم بدموع مكتومة: مش عارف هخرج أعمل إيه ولا أروح فين؟ مش عارف بنت فين ولا أراضيها فين. عبدالله: روح بيتكوا القديم، دور في كل مكان، وأنا في ناس تبعي مستنينك برا. كاظم: خايف يا عبدالله والله خايف. عبدالله: متخافيش، يلا توكل على الله. بعد مرور ساعتين وهو في العربية في طريقه لبيتهم: يا ترى هشوفك يا نورا يا حبيبتي. نزل قدام البيت وهو بيخبط. إبراهيم بيفتح وهو بيشرب: عايز إيه يا جدع؟ كاظم بصدمة: إنت ساكن جديد هنا؟ نرمين

من وراه وهي بتستر نفسها: مين على الباب يا راجل؟ بصت في عيون كاظم بصدمة.... كاظم... !!!!!!!! آسر: ها يا نورا، قرارك إيه؟ نورا وهي ماسكة شنطة السفر: تطلقني وأمشي من هنا... !!!!؟؟؟؟؟