رواية عشق رعد الفصل الثالث 3 - بقلم نورهان رضا

فى قصر عباس. عباس لنفسه: لازم اخفى كل حاجه عن رعد بأى تمن. أنا مش مستعد أخسره هو كمان زى أخوه، أنا مش هكرر غلطتي مرتين. وقف عباس قدام أوضة مقفولة وبص عليها. وفجأة سمع صوت بيقوله: "خايف ينكشف سرك بتاع زمان ياعباس؟ عباس بخوف بص وقال: "أبو الحسن؟ أبو الحسن: "أيوه أبو الحسن." عباس: "قصدك سرنا مش سرى لوحدى يا أبو الحسن؟ ولا أقولك يا سيد ياقط؟ مش ده اسمك القديم برضه؟ أبو الحسن: "لا مش ناسى يا فار." عباس: "فار؟ أبو الحسن:

"اسمك أيام الشحاتة ياعباس، هو فى حد يتوه عن اسمه برضه؟ عباس: "خلاص بطل. أنا عاوز أجمع كل الأدلة علشان رعد ما يوصلش لأى حاجة منهم. والأدلة اللي عندك تجبهالى." أبو الحسن: "أنت خايف على ابنك، أما ابنى مش خايف عليه؟ ابنى مرمى فى السجن." عباس: "ابنك يستاهل يا أبو الحسن، من دلعك فيه ابنك باظ." أبو الحسن: "مالكش دعوة، ابنى يخرج. بدل ما آخد الأدلة دي وأسلمها لرعد." عباس: "لو أنا وقعت، أنت هتقع معايا." أبو الحسن:

"مبقاش يهمنى حاجة قدام ابنى. هيفضل فى السجن طول عمره ياعباس. تطلع ابنى تاخد الأدلة، ولا عاوز تبقى مقطوع النسل يا فار؟ عباس: "خلاص خلاص، ابنك هيطلع بس ادينى الأدلة." أبو الحسن: "ابنى يطلع الأول، وبعدين خد الأدلة. سلام 👋 يا فار." عباس وقف قدام الأوضة وقال: "أي اللي الواحد عمله في نفسه ده." مشى عباس وراح قصر رعد. رن الجرس. فتحت تقى الباب وقالت: "أنت." عباس: "أنت شكلك أمك مش معلمة كى الأدب. أنا حماكى فى مقام أبوكى." تقى:

"أنا آسفة." عباس: "تعالى معايا." تقى: "سيب إيدي بعد إذنك." عباس شدها وخدها على الجنينة وقالها: "بطلى وطى صوتك واسمعي الكلمتين اللي هقولهملك." عباس: "فارس يطلع من السجن خلاص. يوم بس، وإلا هخليكى أرملة يوم صباحيتك، وإنتى حرة." تقى وقفت بذهول وصدمة وبدأت تترعش، وعينيها بتعيط. مشى عباس وقالها: "24 ساعة ⌚ وقتك، بعد من دلوقتي. وإياكى رعد يعرف باللي قلته له، وإلا هتكونى أرملة خلاص. 24 ساعة ⌚."

مشى عباس. وتقى وقعت مكانها في الأرض. وكلام عباس بيرن في ودانها. وبتعيط وبتقول لنفسها: "لا لا رعد لا، مستحيل أخلى حاجة تحصل." رعد بينادي على تقى. تقى قامت بسرعة ومسحت دموعها وقالت: "أيوه يارعد، جاية أهو." رعد: "كنتى فين؟ ومين رن الجرس؟ تقى: "ده الحارس كان عاوزنى أشوف الشجرة اللي قلت له يزرعها في الجنينة." رعد: "طيب، خش جوه." تقى: "أنت لابس كده ورايح فين؟ رعد: "عندي اجتماع في الشركة، معلش لازم أروحه ومش هتأخر عليكي."

تقى: "تمام ياروحي، خلي بالك من نفسك." ركب رعد عربيته. وتقى واقفة على الباب بتشاور له باي باي. دخلت تقى وطلعت أوضتها، لبست ونزلت. ماما تقى: "أنتى رايحة فين ياتقى؟ تقى: "ااا هروح أتسوّق." ماما تقى: "هو في عروسة بتخرج يوم صباحيتها؟ تقى: "مش هتأخر والله." ماما تقى: "تمام ماشي، بس ارجعى بسرعة." خرجت تقى وخدت عربية. السواق: "على فين يا مدام؟ تقى: "اتجه على قسم الشرطة." وصلت لقسم الشرطة. دخلت تقى لظابط. الظابط:

"اتفضلي يا مدام." تقى: "أنا كنت جايه علشان أسحب شكوى ضد واحد أنا كنت مشتكيه." الظابط: "قضية إيه ومين هو؟ تقى: "قضية ضد فارس أبو الحسن." الظابط: "أنتى متأكدة وجاية بإرادتك يامدام ولا حد جبرك؟ تقى: "جاية بإرادتي." الظابط: "حات يابنى فارس أبو الحسن. وإنتى امضيلي هنا." مضت وخرجت.