رواية عشق طفولتي - مي الفصل الأول 1 - بقلم مي

انت مش هتلعب معايا: لا يا نور أنا زعلان منك عشان كذا مرة أقولك متلعبيش مع عمرو ولا تكلمي أي ولد غيري. يا أحمد مهو بيزعل لما مش برضى وبيصعب عليا. مليش دعوة بردو متكلميهوش ولا أي ولد تاني. حاضر خلاص مش هكلم أي ولد غيرك بس تعالى العب معايا بقى. يلا يا نور بس شوفي الأول جبتلك إيه. الله شوكولاتة بس منين. المشرفة ادتهالي وأنا عشان معنديش أغلى منك سبتهالك. الله أنا بحبك أوي. باك.

كدا كان كلام فضلت فاكرانه بينا من 17 سنة. فاكرة كل تفاصيله. من بعد ما جت عيلة واتبنتني من الملجأ وأنا بعدت عن أحمد. فلاش باك. يعني خلاص يا نور هتروحي ومش هشوفك. أنا مش عايزة أروح يا أحمد، عايزة أفضل معاك. مش انت قولتلي إننا هنفضل سوا دايماً، لو روحت معاهم إزاي هشوفك تاني. متزعليش يانوري هنتقابل والله، بس لازم تروحي معاهم عشان هما دول اللي هيساعدوكي في أنك تحققي حلمك وتبقي دكتورة، مش دا حلمك يا نور.

أيوه بس عايزة أحققه وأنت معايا. وفضلت تعيط. مسحلها دموعها. متزعليش، مش انتي اللي يهمك إنك تشوفيني تاني، روحي معاهم وأنا هحاول أشوفك. حاضر توعدني. أوعدك. خدي المصاصة دي وبطلي عياط. أنا بحبك أوي يا أحمد ومش هنساك. وأنا كمان بحبك وعمري ما هنسيكي وهدور عليكي دايماً. باك. ده كان آخر بينا وهو وعدني وعمره ما خلف وعده. أنا هفضل مستنياك يا أحمد.

أنا نور عندي 23 سنة، في سادس كلية طب. محدش يستغرب، مهي دي أساساً كلية بتخرجك وأنت معجزة أصلاً، يعني ليه كائن طبيعي يفضل في الكلية 7 سنين. حسبي الله وربنا. المهم بس إنني حققت حلمي وحلم أحمد وهبقى دكتورة إن شاء الله. أنا بنت عادية جداً وشكلي بيقولوا حلو، لكن أنا شايفة إنه عادي بردو. عايشة مع ناس المفروض إنهم أهلي، لأنهم خدوني من الملجأ وربوني وحقيقي بحبهم أوي وعمري مشوفت أحن ولا أطيب منهم، بيعاملوني كأني بنتهم بجد. مليش اخوات، بس ماما تعتبر أختي وأمي وصاحبتي، لأني مش بحب أصاحب حد، بخاف من الناس سيكا.

يلا يا نور الفطار جاهز ياحبيبتي. حاضر ياماما جاية أهو. لبست دريس بمبي، أصل ده لوني المفضل يا جماعة، ده العشق كده. لو هشحت محبش إلا هو. عليه خمار أبيض، أميرة بحجابي ياربي 😂. صباح الورد يا أحلى ماما في الدنيا. صباح النور يا قلب ماما. إيه ده بقى مفيش صباح الخير يا بابا. إزاي بقى، دانت الحب كله. صباح العسل. يابت يابكاشة بقى بتعاكسيه قدامي. الله، ده إحنا بنغير بقى. الحق يا حج مراتك. آه ياحبيبتي، مش جوزي وعشرة 35 سنة.

والله يا أم نور ما عندي أغلى منكم. إحنا عمالين نحب في بعض من الصبح وشكل كده مفيش فطار وهتأخر على الجامعة، مضطرة بقى إني أسيب القعدة الحلوة دي وأمشي. والله أبداً، كلي الأول، أنتِ خاسة أوي يا نور. حاضر هاكل في السريع، أصل بصراحة الأكل شكله يجوع. عندك حق، أمك عليها شوية بيض إنما إيه 😂.

أكلت بسرعة ونزلت وأنا بظبط الشنطة، أصلي أنا لو متأكدتش على حاجتي ميت مرة ميبقاش اسمي نور. وأنا بعدي الشارع، فجأة عربية جاية عليا بسرعة، صرخت و...