رواية عشقها اذاب جبروتي الفصل السابع والعشرون 27 - بقلم جاسمين محمد

سليم صفر وبحب… طالعة مزة النهاردة. ياسمين: نتلم؟ خالد بضحك: هههه، اتلم دي الوحيدة اللي مينفعش تتعاكس أبداً. منال: طالعة لمامتها. خالد: حسبي الله. أحمد بزعيق: يلا، هنأخر. سليم بص لياسمين وخالد، وضحك على أحمد. منال: بس ضحك عليه، يلا نمشي. ياسمين: ههه، يلا. في الفندق. سليم بضحك وصوت واطي لياسمين: بصي أخوكي لازق في أختي كيف، أقوم أغلس عليه دلوقتي؟ ياسمين: عيب، ده مش بيطلعوا غير قليل جداً، سيبهم شوية مع بعض.

سليم: تدفعي كام طيب؟ ياسمين لسه هتتكلم، تلفونها رن. سليم: تعالي، اطلع معايا. سليم بستغراب: في إيه؟ خالد: اطلع معاها، أكيد المكالمة دي من الشغل. سليم: حاضر، يلا. وطلعوا، وقعدوا يتكلموا على الشغل مع الزبون اللي كان بيكلمهم. فارس: ههههه، يارب تكون شبعت عشان أنا عايز أنام وجبت أخري خلاص. جومانا: هههه، عندك حق والله يا فارس، خلصت يا معتز، يلا عشان نطلع نرتاح. معتز: تصدقوا إنكم غتتين، أه خلصت.

فارس: ههه، قشطة، يلا، بس استنى أحاسب لو سمحت. فارس: أيوه يا فندم. فارس: الحساب كام؟ فارس: تمام، اتفضل. فارس: يلا بقا نطلع. معتز وجومانا: يلا. فارس طلع، وبيـبص لاقى ياسمين جاية مع واحد غريب ورايحين يقعدوا على الترابيزة وبيضحكوا سوا. وقف مكانه من الصدمة. جومانا بستغراب: فارس، في إيه؟ فارس: ـــــــــــــــــــــ جومانا بصت لمعتز بستغراب. معتز: فارس، في إيه؟ فارس بصدمة: ياسمين خلعت النقاب وهي وجوزها أهم.

ورجع لورا من الصدمة. جومانا ومعتز بصوا شافوهم، وجومانا قربت من فارس وبحزن: فارس، أنت جيت هنا وعارف إنها أكيد اتجوزت، فليه مصدوم؟ فارس: مصدوم عشان مكنتش متخيل إنها هتقلع النقاب كمان، لا وباين إنها عايشة مبسوطة، يعني أنا قعدت الفترة دي كلها ومقدرتش أنساها لحظة، وهي عايشة مبسوطة من غيري. معتز: فارس، أهدي، وقولتلك كذا مرة أنساها بقا. فارس بعصبية: أنت عندك حق، أنا لازم فعلاً أنساها. وبصلهم وسابهم وطلع على أوضة يرتاح.

سليم بستغراب: ياسمين، في إيه؟ باصة فيا؟ ياسمين بستغراب: ها، ما فيش حاجة، يلا بقا نروح عشان عايزة أنام عشان نصحى بدري نخلص بقيت الشغل عشان الصفقة الجديدة. سليم: تمام، يلا. وقاموا ماشيين، وياسمين فضلت الطريق كله سرحانة. (ياسمين لحظة إنها شافت فارس) الصبح. في الشركة. أحمد: ياسمين، ياسمين. ياسمين: ها، في إيه؟ أحمد: مالك سرحانة ليه كدا من امبارح، وباين عليكي مش نايمة كويس.

ياسمين: ها، معرفش، خايفة أقولك تقول إن كان بيتهيألي. أحمد بستغراب: تقولي إيه؟ في إيه؟ احكي. ياسمين: امبارح واحنا في المطعم، أنا حسيت إني شوفت فارس. ياسمين: معرفش، معرفش. أحمد: روّقي طيب كدا عشان الوفد اللي جاي من باريس. ياسمين: تمام، حاضر. سليم: ياسمين، الوفد جاي في الطريق، جاهزة؟ ياسمين: أه، جاهزة. أحمد: تمام، يلا نطلع نستقبلهم. ياسمين: تمام، يلا. ياسمين: أيوه، مدام الوفد جه بره. ياسمين: تمام، جاين أهو. سليم: يلا.

ياسمين مع الوفد: أهلاً، اتفضلوا. جومانا بصدمة: أنتِ!!!